YESAYA 43:10 - Alkitab Singog In Mongondow Masa In Tanaa

¹⁰ Ei umat-Ku, moikobí in sakusi-Ku mita, moiko in piniḻí-Ku nobaḻí mogogundoi-Ku mita, sinbá monotaaudon kon i-Nakó bo mopirisaya kon i-Nakó, bo momangaḻedon kon Akuoibí naa in Allah. Akuoi in Allah inta totobatú tua. Diábí in ibanea mako in noiuna bo inta moiduduimai kon i-Nakó.

YESAYA 43:10 Referans Kwoze

YESAYA 41:4

Ki ine in nogaid kon tua mita? Ki ine in nonantú kon daḷan in bayongan inta nobaḻí? Akuoi, ki Tuhan, Akuoi in inta muna-munamai, bo inta umuran oyúon modapot in imbuitnea.

YESAYA 45:6

Tua komintan in inaidan-Ku sinbá nongkon dotá pomukaan modapot kon dotá in toyopan bayongan in intau monotaau kon Akuoibí in Tuhan, diábí in ilah koḻikudbí in Akuoi.

YESAYA 43:12

Akuoi in nopotaaudon kon inimu, Akuoibí in inta moposaḷamat kon i monimu, bo deemanbí ilah ango-angoi inta kon sigad monimu; moikobí in nobaḻí sakusi-Ku mita. Bo Akuoi, Akuoi naa in Allah,

OUMAN IN RASUL MITA 1:8

Tongá moiko in mokouḻíbí kon kawasa, aka Roho i Allah mamangoidon kon i monimu bo moikodon nion in mobaḻí sakusi-Ku kon Yerusalem, kon bayongan butá in Yudea, kon Samaria, bo modapot in popod in dunia.”

PILIPI 2:7

Táe tua komintan inukatan-Neapabí bo nobaḻí naonda bo tobatú ata. Sia nobaḻí naonda bo intau, bo tua pinoniata-Nea doman kon kobiagan-Nea.

YESAYA 42:1

Guman i Tuhan, “Naa in mogogundoi-Ku inta binaba-Ku, intau inta piniḻí-Ku inta mokosanang kon gina-Ku. Akuoi ain nobogoi in kawasa-Ku kon inia, sin modia kon koadilan kon batúan in bangusa.

YESAYA 41:20

Dá bayongan in intau in mokoontongbí kon inia bo monotaau kon Akuoi, ki Tuhan, inta nogaid kon tua. Mosia in monaridibí bo momangaḻe, Ki Allah mokudus in Israel in nonompia kon tua.”

WAHYU 1:2

Dá ki Yohanes nopotaau doman in bayongan inta ain inontongnea tatua; bo naadon in pinogumannea in soaḷ koyow nongkon i Allah, bo inta inirigonan i Kristus Yesus pinongin kosakusiannea.

YOHANES 20:31

Táe onu inta pinais kon buk tanaa, makusudnea kon bá mopirisaya in moiko kon ki Yesusbí tua in Datu Mopoposaḷamat, bo ki Adí i Allah, bo popisí in pirisayamu tatua dá mokouḻí i moiko kon kobiagan.

YOHANES 15:27

Bo moiko in mustibí doman mobogoi in kosakusian soaḷ Akuoi, sin moiko ain noyotakin-Ku nongkon pinomangkoianpamai.

YESAYA 41:8

Táe iko, Israel, mogogundoi-Ku, umat inta piniḻí-Ku, iko in buí i Abraham, yobayat-Ku.

WAHYU 1:5

bo nongkon i Yesus Kristus, sakusi inta mosatia. Sia tua inta muna-munamai totok biniag bui nongkon kinopatoian bo Sia doman in nongawasa kon bayongan datu kon dunia naa. Ki Yesus in motabi kon i naton, tuamai Sia in noibog minatoi sin momilat kon i naton nongkon kawasa in dosa mita naton,

KORINTUS 1 15:15

Bo aka natua, yo mangaḻenea kon tua in uboḷbí inta ain pinoguman nami kon i monimu soaḷ ki Allah, sin Siabí in kai nami in nomiag kon i Kristus, bokaka Sia in diábí nomiag bui kon i Kristus.

WAHYU 3:14

“Paisdon kon malaekat in jamaat Laodikia nanaa: Naadon in koyow nongkon i-Nia inta sinumangoi Amin, sakusi inta mosatia bo mobanar, pangkoi in bayongan yagi-yagi inta pinomia i Allah.

KOLOSE 1:7

Habar tatua in dinongogdon monimu nongkon i Epapras, yobayat topogaidan inta kinotabi nami. Sia tua in mogogaid kon oaidan i Kristus inta mosatia in mogaid kon kopontingan naton.

YESAYA 55:4

Totuubí, sia in baḻíon-Ku itoi bo umpung pongayow, sakusi in kawasa-Ku kon bangusa mita.

ULANGAN 4:35

Tua komintan pinoontong i Tuhan kon inimu sin moponiata kon tongábí ki Tuhan tua in Allah, bo diábí in ibanea mako.

ULANGAN 32:39

Indoiaika, tongábí Akuoi in ki Allah, diábí in Allah ibanea koḻikudbí in Akuoi. Akuoi in moḻimod bo momiag, monompaḻí bo mongundam. Aka Akuoi in mogaid, diábí tobatúmai in intau in mokoḷawang.

MAZMUR 102:27

Tua komintan in moinggamábí, táe Iko in umuranbí oyúon; tua mita in mokoyonganbí naonda bo pakeang. Ḷumbúon-Mu intua naonda bo ḷambung nokoyongan, bo komintandon moputú.

YESAYA 45:5

Akuoibí naa in Tuhan, diábí in ibanea mako, Akuoi in Allah inta diá in toḻinduanea. Iko in ain sinon pakakatan-Ku, umpakabí diá kinotaauanmu in Akuoi.

YESAYA 48:12

Ki Tuhan in noguman, “Indongogaidon Israel umat inta inoiní-Ku, Akuoi in umuranbí ki Allahmu. Akuoibí inta muna-munamai, bo Akuoi doman inta imbuitnea.

YESAYA 49:23

Datu mita in naondadon bo ki amámu, bo bokí mita in nobaḻí ki inámu. Mosia in tumungkudbí mohoromat kon inimu bo tumonsiup kon inimu. Dá kotaauanmudon kon Akuoi in ki Tuhan; intau inta inumandoḷ kon i-Nakó in diábí pokuyangon in gina.”

HAGAI 2:23

Kon singgai tatua iko Zerubabel, mogogundoi-Ku, in baḻíon-Ku pomarenta podoyon kon tangoi-Ku. Sin ikobí inta ain piniḻí-Ku.” Ki Tuhan Inta Totok in Mokawasa ain nosingog.

IḶUAIAN 8:6

Dá ki Harun nopotonggó domandon in tungkudnea kon tombutung in bayongan tubig, bo noitukatdon in tumpaḷak mita nomuḻing kon bayongan butá tatua.

ULANGAN 4:39

Tuamai kosadardon in singgai naa bo dika koḻiongan: ki Tuhan in tongábí Sia tua in ki Allah kon ḷangit bo kon dunia; diábí in ibanea mako.