YESAYA 42:23 - Alkitab Singog In Mongondow Masa In Tanaa

²³ Ki ine in kon sigad monimu in moibog mokidongog kon tanaa, bo monaridi kon singgai moiduduimai?

YESAYA 42:23 Referans Kwoze

YESAYA 48:18

Aka kuma bo iko noindoimai kon parenta-Ku mita, dá kobiaganmu motompia in naonda bo ongkag inta diá moingka-ingkag, bo kamujuranmu in naonda bo bokoḷ kon dagat inta diá mogoga-gogai.

OUMAN IN RASUL MITA 3:19

Tuamai pokoratakdon kon raian bo pogogaidon in mogaid kon dosa mita, sinbá ampungandon in dosamu tatua.

MIKHA 6:9

Totuubí kon mobijaksana aka motoguondok kon i Tuhan. Sia in nomaḷú kon intau inta nogutun kon kotá, “Indongogaika, ei moiko inta noyosipun kon kotá!

YEREMIA 3:13

Akudon kon iko in kotaḷá bo ain nomarontak kon i Tuhan, Allahmu. Akudon kon bayongan siungon in pangkoi in kayu inta mobambar iko in nobogoidon in tabimu kon ilah mita in bangusa ibanea, bo diá dinumudui kon parenta-Ku mita. Akuoi, ki Tuhan ain nosingog.”

ULANGAN 32:29

Aka kuma bo mosia mobijaksana, momangaḻebí in mosia, bo morai kon kopaḷutan monia.

YESAYA 42:22

Táe bangusa tatua in nodaitdon inagow; mosia in dinakop kon bonu in yuang mita kon bonu in butá, bo binuni kon bonu in ponjara mita mosia in nobaḻí kuruban pinogagowan, bo diá in namangoi notuḷung.

YESAYA 42:24

Ki ine in nokiagow kon Israel? Ki Tuhanbí tontaní! Kita naa in binaradosa kon i-Nia, Kita in diá nobiag podudui in parenta-Nea, bo diá dinumudui kon totundú-Nea.

YEREMIA 9:12

Akuoi in noḻibó, “Tuhan, nongonu sin butá tanaa in pinomayábí mako in noḷogat bo noingkag naonda bo padang gurun nodapot in diádon in tumaḻib? Oyúon degá in mopandoi totok sinbá momangaḻe kon naa komintan? Ki ine in pinoginsilangan-Mu sinbá sia in mokopoyaput kon intau ibanea?”