YESAYA 42:19 - Alkitab Singog In Mongondow Masa In Tanaa

¹⁹ Ki ine degá in mobilo-bilog nongkon Israel mogogundoi-Ku? Ki ine degá in mobongom-bongoḷ nongkon totabá-Ku?

YESAYA 42:19 Referans Kwoze

KORINTUS 2 4:4

Sin ilah moraat inta mongawasa kon dunia naa in tantú mogoḻingoi kon raian in intau mita inta diá mopirisaya. Siabí tua in tantú mogoḻingoi kon i monia sinbá diá mokoontong kon bayag in Habar Mopia soaḷ kawasa i Kristus inta moḷoben, inta nobaḻí oḻinow i Allah.

YEHEZKIEL 12:2

“Ei intau inta ilo-ilow, iko in nogutun kon yua-yuak in intau momomarontak. Mosia tua in komata, táe diá moindoi; kobongoḷan, táe diá mokidongog, popisí in moibog in mosia momarontak.

YEREMIA 5:21

“Indongogai, ei moiko intau bodok bo dondunguḷ! Moiko in komata táe diá moindoi, kobongoḷan táe diá mokidongog!

SURAT I PAULUS KON JAMAAT RUM 11:25

Utat mita! Haraponku mako moiko in diá monganggap kon ain nonotaau kon bayongan in yagi-yagi. Sin oyúon in soaḷ inta kinoibog i Allah, táe diápa kinotaauan in intau. Bo ibogonku in kotaauan monimu intua; nanaa: tongobotak intau in Yahudi mokopotogat kon gina, táe cara monia tua in tongábí modapot in motompodon in kobayong in intau inta deeman Yahudi in mamangoi kon i Allah.

YOHANES 12:40

“Ki Allah in noguman, ‘Binilogan-Kudon in mata monia, binaḻí-Kudon in mosia motogat in gina; sinbá mosia in diá mokoontong, bo raian monia in diá momangaḻe. Simbá mosia in diá mamangoi bui kon i-Nakó, bodongka undaman-Ku in mosia.’ ”

YOHANES 9:41

Ki Yesus in notubag, “Aka kuma bo moiko bilog, yo diábí in moiko binaradosa. Táe popisíbí in moiko noguman, ‘kami mokoontongbí,’ dá tua in mangaḻenea moiko in binaradosapa.”

YOHANES 9:39

Ki Yesus in noguman, “Akuoi mamangoi in dunia naa sin mohakim; sinbá intau inta bilog in mokoontongdon, bo intau inta mokoontong, mobilogdon.”

YEREMIA 4:22

Ki Tuhan in noguman, “Mobodok totok in umat-Ku tatua, mosia in diábí nonotaau kon i-Nakó. Mosia in naonda bo mongoadí mita inta pamandot diábí in topiḻikmai in pomomangaḻe; mopandoi in mogaid kon inta moraat, diá mokoaid kon inta mopia.”

YESAYA 56:10

Guman i Tuhan, “Itoi mita in bangusa-Ku in intau mita bilog! Mosia in diábí nonotaau in onu bo onu. Mosia in naonda bo ungkú bobó inta diá mogaú, táe tongábí mosiug mako bo tumogoindop. Mosanang totok in mosia in mosiug!

YESAYA 44:26

Akuoibí in noginrigon kon tosingogon in mogogundoi-Ku, bo nopobayá in tomayá inta pinoniata in totabá-Ku, Akuoi in noguman kon Yerusalem in pogutunanbí bui, bo kotá mita in Yohuda in posindogon-Kubí bui; rumbunnea mita in buibí tompiaan.

YESAYA 41:8

Táe iko, Israel, mogogundoi-Ku, umat inta piniḻí-Ku, iko in buí i Abraham, yobayat-Ku.

YESAYA 26:3

Tuhan, Iko mobogoi in dodamean bo kobiagan motompia kon intau inta moroton in ginanea, sin mopirisaya in sia kon ini-Mu.

YESAYA 6:9

Bo Sia in nopotabá kon inakó mayá modia kon koyow tanaa potaau kon umat: “Moiko in umuranbí mokodongog, táe diábí momangaḻe. Moiko in umuranbí monondudut, táe diábí monotaau mongo onu in mobaḻí.”

MATIUS 13:13

Manangka intua Akuoi motundú kon i monia nomaké in poumpamaan, sinbá umpaka nokoontong, táe mosia in naonda bo intau inta diá nokoontong; bo umpaka in mosia nokodongog, táe mosia in naonda bo intau inta diá nokodongog sahingga in diá kotaauan monia in mangaḻenea.

YESAYA 27:5

Táe aka musung mita in umat-Ku mokiḷukad kon i-Nakó, pomayádon mako in mosia moyodame takin-Ku, oo, moyodame takin-Ku.”

YESAYA 29:18

Kon dodai intua intau bongoḷ in mokodongogdon kon tosingogon mita nongkon buk tobatú inta binaca, bo intau bilog inta koina nobiag kon bonu in sindip in mokoontongdon.

YESAYA 43:8

Ki Allah in noguman, “Potabádon in mosia mamangoi in muna bangusa-Ku inta bilog, umpaka komata; inta bongoḷ, umpaka kobongoḷan.