YESAYA 42:15 - Alkitab Singog In Mongondow Masa In Tanaa

¹⁵ Buḷud bo tombuḷudnea in baḻíon-Ku moḷogat, bayongan in pinomuḷanea iḷaḷowan-Ku. Ḷopá mita in ongkag binaḷuian-Ku nobaḻí padang gurun, Bayongan in danow iningkagan-Ku.

YESAYA 42:15 Referans Kwoze

YESAYA 50:2

Nongonu sin nongkon umat-Ku diábí tobatúmai in intau in notubag, kon tungkuḷ in Akuoi namangoi nogoiní kon i monia? Degá mosia in tongá kibio-biómai sin kai monia kamai Akuoi in diá mokopoḷuat bo moposaḷamat kon i monia? Totuubí, podudui in parenta-Ku dagat nobaḻí noingkag, ongkag mita binaḻí-Ku padang gurun, nodapot in toyá mita minatoi bo nobódon in ḷandig.

YESAYA 44:27

Akuoibí inta noguman kon apad in dagat: Kogiotdon! Moibog in Akuoi monggiot kon ongkagmu mita.

WAHYU 20:11

Nopaḷut mako kon tua, akuoi in nokoontong kon tobatú tampat pomomarentaan inta nobudó bo inta noḷoben bo Sia in iḻimitú kon tua. Ḷangit bo butá noinggamá nongkon tayowon-Nea, sahingga in diádon bui koontongan.

WAHYU 16:18

Bo nongilatdon moyo-moyodudui bo gonugur in gotup mokoondok totok, bo ḻinug inta totok in motoyang. Diápa dodai onda in noḻinug námai tua in koropotnea, mulaipamai dunia naa pinomia. Tua in ḻinug inta totok in motoyang!

WAHYU 16:12

Onda intua malaekat inggonomnea in nopobutak doman bonu in palonea kon Ongkag Eprat inta moḷoben tatua. Dá ongkag tatua in noingkagdon sahingga datu mita nongkon timur mayádon mongintua.

WAHYU 11:13

Dá dodai intua nobaḻídon in ḻinug inta totok in moropot. Bo sepersepulú nongkon kotá tatua norimumud. Pitu noribu intau minatoi wakutu in ḻinug tatua. Intau mita ibanea in totokdon in noondok, dá nodayowdon in mosia kon koḷoḷoben in kawasa i Allah inta kon soroga.

ZAKHARIA 10:11

Aka mosia bo ḷumoḷan kon dagat in roriga, Akuoi, ki Tuhan in momobak kon bokoḷ mita, dá apad in Ongkag in Nil moingkagdon totok. Bangusa in Asyur inta mododia in poompáan, bo Mesir inta motorindog in kobuḻiandon in kawasa.

HAGAI 2:6

Kon modiugmai naa guguron-Kudon in ḷangit bo butá, toba bo dagat.

YEHEZKIEL 38:20

Bayongan in toyá bo ḷagapan, bayongan in mahaḷuk moḷoben bo mointok, bo bayongan in intau kon dunia naa in mourotbí mako in ondok in tumayow kon i-Nakó. Buḷud mita in motabibí, irib mita in mongoḻitubí bo bayongan in dinding in moobatbí.

YEREMIA 4:24

Inontongku in buḷud bo tombuḷud mita inta moḷantud modandú motoyang totok.

YESAYA 49:11

Akuoi in momiabí kon daḷan mongin buḷud, bayongan in daḷan moḷoben-Ku in tondodaion-Kubí.

MAZMUR 18:7

Kon bonu in roriga nokuani in akuoi kon i Tuhan, akuoi in nomaḷú kon i Allahku mokituḷung. Nongkon Baḷoi-Nea inindongogan-Nea in singogku bo nonondudut kon kuaniku.

YESAYA 41:15

Indoiaidon, iko in baḻíon-Ku naonda bo dopí poḷoḻintog, inta nobagu, moḷanit bo matanea in doyowa notundug. Iko in moḻintogbí kon buḷud mita bo morimumud kon tua; tombuḷudnea mita baḻíonmu naonda bo baḻeká.

YEHEZKIEL 38:19

Bo takin totok in tumorú indoyóon-Ku in mosia, kon singgai tatua in mobaḻídon in ḻinug inta motoyang totok kon butá in Israel.