YESAYA 41:21 - Alkitab Singog In Mongondow Masa In Tanaa

²¹ Tuhan, datu in Israel, noguman kon dewa mita, “Pongadudon in pelekaramu, pogumandon in onu kinodoyonannea!

YESAYA 41:21 Referans Kwoze

AYUB 38:3

Tanaa, tayowaidon in Akuoi saḷaku ḷoḷaki, bo tubagai in ḷoḻibó mita tanaa.

AYUB 31:37

Potaaukubí kon i Allah in bayongan inta inaidanku; tayowankubí in Sia takin barani bo ḷumangag.

YESAYA 1:18

Ki Tuhan in noguman, “Igai toḻisíon naton in pelekara tanaa. Umpaka moiko mopura bayan popisí in dosamu mita, yo moiko in daritan-Kubí modapot in mobudó naonda bo kapot. Umpaka dosamu mita mobarong bo mobogat, moiko in ampungan-Kubí komintan.

YESAYA 44:6

Naa in guman i Tuhan Inta Totok in Mokawasa, Datu bo moḷoḷukad in Israel, “Akuoi in Allah inta tongá totobatú, Inta muna-munamai bo inta imbuitnea totok.

YESAYA 33:22

Bayongan in touḷut kon kapaḷ monia diá in mangaḻenea; ḻeagnea mita diá motaau songkaan! Bayongan in kaoyúonan in musung in agowon naton, bo mobayong totok, modapot in intau ḻempeng in mokouḻíbí doman kon tonsilai. Ki Tuhan tontaní in mobaḻí datu naton; Sia in momarenta, moposindog in hukum bo moposaḷamat kon i naton nongkon musung.

YESAYA 41:1

Guman i Allah, “Kibio-biómaidon bo indongogai in Akuoi, ei intau mita inta nogutun kon butá mita inta moyayú. Posadiadon in simindog kon pongadilan, bayádon bo potaaudon in pelekaramu. Igai in kita mopoyotantan moyotakin, sin monantú mongo ki ine in banar, bo ki ine in noitaḷá.

YESAYA 43:9

Potabádon in bayongan bangusa moyosipun bo bayongan in suku moyodondon. Ki ine in kon sigad in dewa mita monia in nopotaaudon muna kon onu inta nobaḻí tanaa? Ki ine in kon sigad monia in mokotoḻindap kon kobiagan moiduduimai? Pomayádon mako in sakusi mita monia mamangoi in muna, bo moponiata kon mosia in totuu, sinbá bayongan inta nokodongog kon i monia in moguman, kon totuubí in natua!

YESAYA 43:15

Akuoibí in Tuhan, Allahmu Inta Mokudus, Datumu, inta nomaḻí kon inimu, ei Israel!”

YESAYA 46:10

Nongkon pinomangkoianmai pinotaau-Kudon in onu inta mobaḻí kon singgai moiduduimai, nongkon dungkuḷpabímai ain sinoḻindap-Ku onu in mobaḻí. Guman-Ku: Onu inta ain sinantú-Ku in mobaḻíbí, onu in koibog-Ku in notantúbí kon aidan-Ku!