Biblia Todo Logo
Bib sou entènèt

- Piblisite -




YESAYA 41:11 - Alkitab Singog In Mongondow Masa In Tanaa

11 Indoiai, bayongan intau inta tumorú kon inimu, in taḷowon bo mooyá-oyádon. Intau mita inta moḷawang kon inimu, in moyopú bo modait kosimpatan.

Gade chapit la Kopi




YESAYA 41:11
25 Referans Kwoze  

Aka moiko motoindudui kon inia bo mogaid kon bayongan inta pinarenta-Ku, yo Akuoidon tontaní in monayow kon bayongan musungmu.


Intau mita inta noguman, ‘Koadilan bo ropot in tongábí nongkon i Tuhan!’ Bayongan in intau inta doí kon i-Nakó in mamangoibí kon i-Nakó bo mooyá.


Toropdon in naa: Intau mita inta ain nobaḻí umat in Ibilis tua, in intaubí mita mongouboḷ inta mongaku intau mita in Yahudi bokaka deemanbí. Mosia tua in aidan-Kubí sahingga in mosia mamangoi tumungkud kon tayowonmu. Bo kotaauandon monia kon kotabi-Kubí in moiko.


Bo mosia in minayá nopoigum maap kon i Paulus bo kon i Silas, poḷat pinoḷuaidon monia kon ponjara tatua in mosia bo ḷagi pinarentaan kon bá monaḷámaidon kon kotá tatua.


Táe batúan in sonjata inta sinontaḷ sin moḷawang kon inimu, in diábí motuoi. Bo bayongan in inta pinonapud kon bonu in pongadilan in poniatamubí kon diá totuu. Akuoi in mobogoibí in tombuinag kountungan kon mogogundoi-Ku mita,” natuata in singog i Tuhan.


Bangusa mita kon dunia diá in mangaḻenea. Ki Allah in nongawasa kon malaekat kon soroga bo intau kon dunia. Diá tobatúmai intau in mokoḻimpat kon ibog-Nea, diábí in mokobaḻí moḻibó mongo onu in pomiaan-Nea.”


Kinotontumiannea ki Musa noguman, “Komintan pogawai moḷantud i Tuangku in mamangoibí bo tumungkud kon tayowonku bo mopoigum sinbá akuoi bo bangusaku in monaḷámaidon kon butá tanaa. Mopaḷut mako kon tua akuoi in mayádon.” Bo sinumorú totok in ki Musa bo nonaḷámai kon i datu.


Táe aka singgai tatua moiangoi, baḻíon-Ku in Yerusalem naonda bo batu inta mobogat; bangusa taondaka in moḷongasi mobuat kon tua yo moboditobí. Bayongan in bangusa kon dunia in dumugangbí sin monubu kon Yerusalem.


Baḻíon-Kubí in musungmu moḷoḷangu in dugú, dá mosia in mosiḻimodandon. Dá bayongan in intau in monotaaudon, kon Akuoi, ki Tuhan, Mopoposaḷamatmu; Inta Totok in moropot, ki Allah i Yakub, in Mototobutmu.”


Totuu, dewa mita tatua diá in baragunanea, mosia tua in tongábí patong pinomia inta diá kodaya, bo diábí mokoaid kon onu bo onu.”


Bangusa mita inta noyosipun sin monubu kon Yerusalem in naondabí bo intau inta ginogoi inta sinumogoindop koyogot in mongaan, bo nobangon takin diá in bonu in sian, andeka naonda bo intau inta norogang inta sinumogoindop koyogot in nonginum, bo nobangon takin sigogow noingkag.


Totuu, moiko bo oaidmu in diábí, bo mososumbamu in tongábí mokorongó.


Bayongan in bangusa diábí in mangaḻenea kon i-Nia, naonda bo diábí in kon tayowon-Nea.


Mosia in mamangoi naonda bo ḷunud inta motoyang totok. Táe ki Allah in nogogondok kon i monia, bo mosia in noḷagui iyumayú. Mosia in inaḷowan naonda bo baḻeká kon obaga in buḷud pinoḷayug in tompot, andeka ḷobud inirup in deḷang.


Táe bayongan in intau mokokiangoi inta moromú tua in mobuḻibí naonda bo ḷobud andeka baḻeká inta inirup in tompot. Moidaḻidon mamangoi bo diábí sinangka mako.


Bo bayongan in tontara ango-angoi inta nonubu kon Yerusalem, kotá in mezbah i Allah, bayongan inta mongopung bo inta monubu kon kotá tatua, mobuḻibí naonda bo togoindop kon dodai in doḷom.


Diá in datu in momarenta kon ḻipú tatua, bo bayongan in itoinea komintandon diá


Poonowdon in gina in intau in Yerusalem, pogumandon kon pononggataan kon i monia in nopaḷutdon. Taḷá monia in inampungan-Kudon, dosa mita monia in ihukum-Kudon kodua noguntuḷ.”


Aka moiko tubuon, deemanbí Akuoi in nopotabá, ki inekabí in monubu kon inimu in moḷabúbí.


Israel, iko in Akuoi tontaní in kitogi, batoḷ in dodob-Ku inta kinotabi-Ku. Akuoi in nopouma in bodito kon bayongan in intau inta nopororiga kon inimu, Akuoi, ki Tuhan, ain nosingog.”


Pongantog in doḷom tua ki Tuhan noḻimod kon bayongan adí mita ḷoḷaki in bangusa Mesir inta guya-guyang, pinangkoi kon i adí i datu, nodapot kon i adí in intau mita inta kon ponjara. Bayongan bobiagon inta muna pinogadí pinoyoḻimod doman.


Ki Tuhan in notubag, “Tuata in mobaḻí. Intau mita inta dinakop in pahlawan mita in agowonbí bui. Inta inagow in intau moraat in agowonbí bui. Sin Akuoibí tontaní in monayow kon musungmu; Akuoi in moposaḷamatbí kon i adímu mita.


Táe bangusa inta doí dumudui kon i-nakó, rabuton-Ku naonda bo pinomuḷa bo yompaton-Ku. Akuoi, ki Tuhan, ain nosingog.”


Swiv nou:

Piblisite


Piblisite