YESAYA 4:5 - Alkitab Singog In Mongondow Masa In Tanaa

⁵ Bo kon tudu in Buḷud in Sion bo bayongan in intau noyosipun kon tua ki Tuhan in momaḻí kon goḷom kon dodai in singgai, poyok bo sindar in bayag kon dodai in doḷom. Ki Allah tontaní pongin kawasa-Nea mogoḻiung bo moḷukad kon bayongan in kotá.

YESAYA 4:5 Referans Kwoze

NEHEMIA 9:12

Pinongin goḷom dinia-Mu in mosia kon dodai in singgai. Bo kon dodai in doḷom daḷannea in sinimbayagan-Mu in oigi in tuḷú.

MAZMUR 78:14

Sia in nodia kon i monia inoḻiungan in goḷom kon dodai in singgai bo sinimbayagan in tuḷú kinoouput in doḷom.

YESAYA 60:1

Sindogdon bo kobaḻídon bayag, ei Yerusalem, sin bayag in kasaḷamatanmu in noiangoidon; Ki Allah in monimbayagbí kon inimu takin kamuliaan-Nea.

YESAYA 46:13

Akuoi in mopodiug bidon kon singgai popoḷuatan, kasaḷamatan inta ogoi-Ku in diá bidon mobaḷui. Akuoi in moposaḷamatbí kon Yerusalem, bo mobogoi in kahoromatan kon Israel.”

YESAYA 33:20

Indoiaidon in kotá in Sion, tampat poramean naton kon singgai mita in agama. Indoiaidon in Yerusalem! Totuu moaman in tampat tatua pogutunan, naonda bo ḷoḷaigan inta diá kon dodai in onda in pinamping, patoknea in diá kon dodai in onda in irabut bo tontogotnea in diá kon dodai in onda in nobontow.

MAZMUR 85:9

Akuoi in moibog mokidongog kon tosingogon i Tuhan Allah; Sia in nopodandi in kobiagan motompia kon inaton, umat-Nea, asaḷ bo kita in diá bui mogaid kon dosa.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

MAZMUR 89:7

Kon ḷangit diábí in ná Iko, o Tuhan, diábí in mahaḷuk in soroga in mokotongkai kon ini-Mu.

IḶUAIAN 14:24

Naonda in modiugdon mobayag, ki Tuhan inta kon bonu in oigi tuḷú bo goḷom tatua inimindoi kon tontara mita in intau Mesir, bo pinotombauk-Nea in mosia tua.

YESAYA 37:35

Kotá in Yerusalem in duḷuan-Kubí bo ḷukadan-Ku sin kahoromatan-Ku tontaní bo popisí in dodandian-Ku takin i mogogundoi-Ku ki Daud.’ ”

YESAYA 32:18

Umat i Allah in moiḷuatbí nongkon roriga bo mobiag kon tampat inta moaman bo mopia.

MAZMUR 111:1

Dayowdon in ki Tuhan! Takin ḻimbatú in gina akuoi mopoyaput in sukur kon i Tuhan kon yuak in pinoyosipunan in umat-Nea.

IḶUAIAN 26:7

Atop in Ḷoḷaigan tatua yo pomiaai kon mopuḷú nopongkó in kaeng nongkon bubuḷ in bembé.

IḶUAIAN 26:1

“Pomiadon kon ḷoḷaigan Kon sigad in ḷoḷaigan mopuḷú tatua pomia doman kon i-Nakó in ḷoḷaigan inta nongkon kaeng linen moaḷus tatua, sujion takin kaeng wol nobidu, nokamumu bo nopura. Poposuji doman moyotakin in gambar in kerub.

MATIUS 18:20

Sin kon onda in oyúon doyowa andeka toḷu intau moyosipun mosumba kon i-Nakó, yo Akuoi in kon tua kon yua-yuak monia.”

IḶUAIAN 24:16

Sindar kinoangoian i Tuhan noiangoidon kon tudu in buḷud tatua bo inontong intau Israel intua naonda bo tuḷú inta dinumokot kon tudu in buḷud. Onom nosinggai koonggotnea goḷom tatua nongoḷob kon buḷud tatua, bo kon singgai noginpitu nongkon goḷom tatua ki Tuhan nogoiní kon i Musa.

MAZMUR 105:39

Ki Allah in nopobandang in goḷom sin mogoḻiung kon umat-Nea, bo tuḷú sin ponimbayag kon i monia kon tungkuḷ in doḷom.

YESAYA 60:2

Dunia kinawasa in sindip, bangusa mita kinokoḷoban in pungit; táe bayag i Tuhan in momukábí kon ḻimonikmu, Sindar in koangoian-Nea in moniata kon ḻimonikmu