YESAYA 39:6 - Alkitab Singog In Mongondow Masa In Tanaa

⁶ ‘Moiangoi in wakutunea kon bayongan in kaoyúonan kon bonu in komaḻigmu, bo inta ain sinipun in mogoguyangmu nodapot in singgai naa, diaan mayá in Babel. Diábí in kotaḷáan.

YESAYA 39:6 Referans Kwoze

DATU MITA 2 24:13

Bayongan in pakakat buḷawan inta pinomia i Datu Salomo sin pakéon kon Baḷoi Tuhan, pinoguraat i Nebukadnezar. Bo bayongan in pakakat inta koboḻi inta kon bonu in Baḷoi Tuhan tatua bo kon komaḻig in dinianea minayá in Babel. Bayongan intua nobaḻí noidudui kon onu inta ain siningog i Tuhan muna.

YEREMIA 20:5

Musung monia in pomayá-Ku doman mako in mogamá bo mogakut pobayá in Babel in bayongan kaoyúonan in kotá tanaa, bo bayongan in kapunyaannea, nodapotbí in pakakat mita pusaka in datu mita in Yohuda.

DANIEL 1:2

Inogoi i Tuhan in sia in nonaḷow kon i Datu Yoyakin bo poḷat nogagow kon tongosilai in pakakat mita inta koboḻi kon Baḷoi Tuhan. Intau mita inta sinokodakopnea, dinianea kon kuil in dewanea kon Babel, bo pakakat mita inta koboḻi inta inagownea, sinagúnea kon bonu in gudang mita in kuil tatua.

TAWARIKH 2 36:18

Pakakat mita in Baḷoi Tuhan, bo pakakatnea mita inta koboḻi, takin doman kapunyaan in datu bo in pogawainea mita, komintan inagow i datu in Babel bo dinia kon Babel.

TAWARIKH 2 36:10

Kon pinoyoḻimbanan in taong, ki Datu Nebukadnezar nogakut kon i Yoyakhin pinobayá in Babel nobaḻí intau inta dinakop, bo pakakat mita inta koboḻi kon Baḷoi Tuhan in dinianea doman. Onda intua ki Nebukadnezar noduí kon i Zedekia, pokuamáan ki Yoyakhin, nobaḻí datu in Yohuda bo Yerusalem.

YEHEZKIEL 23:26

Pilanganbí in iko bo ḷambámu mita in agowonbí.

DANIEL 1:3

Onda intua ki datu nomarenta kon i Aspenas, tongguḷu in motoḷuadí in komaḻig, sin momiḻí kon tongonumai in tayowmobiag buí in datu andeka in intau moḷoben kon sigad in intau mita in Israel inta sinokodakop.