YESAYA 39:2 - Alkitab Singog In Mongondow Masa In Tanaa

² Ki Hizkia notomu kon totabá mita tatua takin pia in gina bo nopoontong kon i monia in bayongan in kaoyúonannea, inta buḷawan bo saḷaka, toyokayu mita bo ḷana mobondu, bo bayongan touḷut in tontaranea. Diábí in onuka in kon komaḻig bo kon sinangkub in dodatuan in diá pinoontongnea kon i monia.

YESAYA 39:2 Referans Kwoze

TAWARIKH 2 32:31

Bo kon tungkuḷ in totabá mita inta nongkon Babel namangoi sin moḻibó kon inia kon kinopopia in takitnea inta mokoherang, ki Tuhan nopomayá kon i Hizkia nogaid tontaní, sinbá motaau monungkuḷ kon ginanea.

TAWARIKH 2 32:25

Táe popisí in sia mokaḷakuang, sia in diábí nopoyaput in sukur kon kinopiaan in takitnea inta inogoi i Tuhan kon inia. Tuamai in ki Tuhan sinumorú kon i Yohuda bo kon Yerusalem.

YEREMIA 17:9

Gina in intau diábí kodoḷopan, moiḻiu in licik nongkon bayongan yagi-yagi bo totuu mobogat in takitnea.

AYUB 31:25

andeka mongonguman kon kaoyúonanku.

KORINTUS 2 12:7

Táe sinbá diá dumodia in akuoi kon soaḷ mita inta ain pinoontong i Allah tatua, dá akuoi in inogoian in naonda bo tobatú panyaki kon bonu in awakku inta nobaḻí alat in Ibilis. Panyaki tatua inogoi pinohukum kon inakó sinbá diá dumodia in akuoi.

MOHOHUTUBA 7:20

Kon dunia naa in diábí in intau diá in bogit; diábí in umuran mogaid kon inta mopia bo diá kon dodai in onda in noiḷaut noiaid kon dosa.

AMSAL 4:23

Ḷukadai in ginamu kopira, sin ginamu in monantúbí kon daḷan in kobiaganmu.

TAWARIKH 2 32:27

Ki Datu Hizkia in nobaḻídon nooyúon totok, bo ihoromat in bayongan intau. Nogaid in sia kon gopot mita sin potagúan kon kapunyaannea tuata: buḷawan, saḷaka, batu mita permata, pododungú mita, kaḻeaw bo pakakat mita inta koboḻi ibanea.

TAWARIKH 2 9:9

Onda intua ki datu bobay in butá in Syeba tatua in nobogoidon kon i Salomo in tombuinag mita inta dinianea, tuata in noiḻiu kon 4.000 nokilo in buḷawan bo nobayong doman in batu permata takin pododungú mita. Diá bidon kon dodai in onda in ki Salomo in notarima kon pododungú mita inta totuu mopia ná inta inogoi i datu bobay in butá in Syeba tatua kon inia. (

TAWARIKH 2 9:1

Datu Bobay in butá in Syeba in nokodongogdon kon ki Salomo in ponango-nangoiandon totok. Dá namangoi in sia in Yerusalem sin monungkuḷ kon i Salomo pinongin tangkí mita inta mongobogat tubagan. Namangoi in sia kotaki-takin in intaunea mita mobayong bo unta inta dinatogan in noyagi-yagimai in pododungú mita, batu permata, bo mobayong doman totok in buḷawan. Kon tungkuḷ in noyodungkuḷ i Salomo, ki datu bobay tatua noḻibódon kon noyagi-yagimai inta kinoraiannea.

DATU MITA 2 20:13

Ki Hizkia in notomu kon totabá mita tatua bo nopoontong kon i monia in bayongan in kooyúonannea, inta buḷawan bo saḷaka, pododungú mita bo ḷana mobondu, bo bayongan in pakakat in tontaranea. Diábí in tobatúmai in kon komaḻig bo kon bayongan in dodatuan nea inta diá pinoontong kon i monia.

DATU MITA IMITÁNEA 10:25

Mosia kon batúannea in mamangoi takin kodia-dia in tombuinag kon i Salomo. Mosia mobogoi in pakakat mita saḷaka, buḷawan, ḷambung, ḷoḷutam, touḷut mita mongo bo mongobondu, kabaḷo bo bagal. Natuata in nobaḻí muḷoi in taong.

DATU MITA IMITÁNEA 10:15

diápabí pinoyoiap in kauntungan mita nongkon podagangan bo pajak mita nongkon intau mita inta mododagang, datu mita in Arab bo gubernur mita in Israel.

DATU MITA IMITÁNEA 10:10

Onda intua ki datu bobay nongkon butá in Syeba nobogoi kon i Salomo in tombuinag mita inta dinianea, inta noiḻiu kon 4.000 nokilo in buḷawan bo batu permata inta mobarong doman takin touḷut mita inta mongo bo mongobondu. Diá bidon kon dodai in onda in ki Salomo notarima kon touḷut mita mongo bo mongobondu inta námai tua in kobayong ná inta inogoi i datu bobay inta nongkon butá in Syeba tatua kon inia. (

DATU MITA IMITÁNEA 10:2

Namangoi in sia kotaki-takin in intaunea inta mobayong bo unta mita inta dinatogan in touḷut mita inta mongo bo mongobondu, batu permata, bo buḷawan inta mobarong totok. Kon dodai in noyodungkuḷ i Salomo, ki datu bobay tatua in nopoyaput in tangkí inta noyagi-yagimai onu in kotoropannea.

YOHANES 1 1:8

Aka kita in moguman kon kita in diá kon dosa, dá monguboḷbí in kita kon i naton tontaní; bo ki Allah in doí bidon mogutun kon bonu in gina naton.