YESAYA 38:6 - Alkitab Singog In Mongondow Masa In Tanaa

⁶ Iko bo kotá in Yerusalem poḷuaton-Kudon nongkon i datu in Asyur. Kotá tanaa in tantú-Kubí ḷukadan.” Bo ki Yesaya in nopotabá in intau nododok kon bungai in ara kinorimok bo pinoḻeponea kon bituḷ i Hizkia sinbá mopia. Ki Datu Hizkia in noḻibó, “Onu in mobaḻí tomponuot kon ki Tuhan in mongundam kon inakó bo akuoi in motaaudon mayá kon Baḷoi Tuhan bui?”

YESAYA 38:6 Referans Kwoze

YESAYA 37:35

Kotá in Yerusalem in duḷuan-Kubí bo ḷukadan-Ku sin kahoromatan-Ku tontaní bo popisí in dodandian-Ku takin i mogogundoi-Ku ki Daud.’ ”

TIMOTIUS 2 4:17

Táe akuoi in umuranbí iḷukadan i Tuhan; bo inogoian-Neadon in ropot in akuoi sahingga in nokosanggupdon nopoyaput in Habar Mopia tatua, sinbá kodongogan domandon in bayongan intau inta deeman Yahudi, sahingga in akuoi noipilatdon nongkon onu inta mokobodito kon inakó.

YESAYA 12:6

Ponggoḷokapdon ei intau mita in Sion, podondongdon takin sanang in gina. Ki Allah mokudus in israel totuu kon momulia, Sia in nogutun kon yua-yuak monimu.”

TAWARIKH 2 32:22

Natuata in pinototuḷung i Tuhan nopoḷuat kon i Hizkia bo intau mita in Yerusalem nongkon kawasa i Sanherib datu in Asyur, bo nongkon musung mita monia ibanea. Ki Tuhan in nobogoi kon i monia in kobiagan inta moaman takin diá tuyayowon in bangusa mita kon diugmai monia.