YESAYA 36:9 - Alkitab Singog In Mongondow Masa In Tanaa

⁹ Umpaka tongá monayow kon porwira in Asyur inta totok in moompá yo moiko nion in deemanbí ḷawangnea. Tongá moiko in moharap doman mako kon Mesir in mokidia in bantungan kereta in parang bo tontara mita inta tumakoi kon kabaḷo!

YESAYA 36:9 Referans Kwoze

YESAYA 10:8

Sia in dinumodia, gumannea, “Tongguḷu in tontaraku mita in komintanbí datu!

YEREMIA 2:36

Moḷamemet totok in moiko in mayá kon dewa mita in bangusa ibanea sin mokituḷung! Moiko in notantú bidon kon pokudaion in Mesir, notongkai in moiko pinokudai in Asyur.

YESAYA 36:6

Totuu kon iko in umandoḷ mako kon totuḷung in Mesir, táe tua in notongkaibí in moponungkud in pangkoi in padang; – bá moputoḷ in tungkud tatua bo ḻimamu in moiturak. Natuata in aid in datu in Mesir kon bayongan intau inta umandoḷ mako kon inia.’ ”

YESAYA 31:3

Intau in Mesir tongábí intau, deemanbí Allah. Kabaḷo monia in biagbí biasa, deemanbí ná ki Allah. Aka ki Tuhan mopoaid in oaidan-Nea, bangusa inta mototuḷung tatua in moipintudbí bo bangusa inta sinuḷungannea in moḷabúbí. Dá taya dua tua in tumpaḷa moyopú.

YESAYA 30:7

Totuḷung in Mesir diábí in mangaḻenea. Tuamai Mesir sinangoian-Ku, ‘Naga inta diá mokobahaya’.”

YESAYA 20:5

Intau mita inta mopongata in Sudan bo mopoyunggaga kon Mesir in mooyábí bo morimumudon in kamangnea.

AMSAL 21:31

Umpakabí parang sinontouḷutan in kabaḷo in parang, inta monantú kon kauntungan in ki Tuhanbí.

DATU MITA 2 18:24

Umpaka tongá monayow kon porwira nami inta totokkabí in moompá, yo moiko nion in diá bidon in mangaḻenea. Táe moiko in mogoḷatpa doman mako kon Mesir in mokidia mangoi in totuḷung kereta in parang bo tontara inta tumakoi kon kabaḷo!

ULANGAN 17:16

Datu in diábí motaau kokabaḷo mobayong sin pakéon in tontaranea bo diábí motaau mopotabá kon bangusa tanaa in bui mayá in Mesir sin motaḷui kon kabaḷo, sin ki Tuhan ain noguman kon umat-Nea in diábí motaau mayá bui in butá tatua.

DATU MITA 2 7:6

Sin, ain binaḻí i Tuhan intau mita in Siria nokodongog kon singog naonda bo ponubuan in paanan in tontara inta mobarong totok inta sinumakoi kon kabaḷo bo kereta. Intau mita in Siria tua in norai kon ki datu in Israel ain nonondan kon i datu in Het bo Mesir takin tontaranea sin monubu kon i monia.

YESAYA 36:8

Tanaa in akuoi podoyon kon tangoi in datu in Asyur mokobaḻí mobataru kon aka moiko ogoian in kabaḷo doyowa noribu, yo notantú bidon kon diábí tugat natua in kobayong in intaumu inta tumakoi kon kabaḷo tatua.