YESAYA 34:11 - Alkitab Singog In Mongondow Masa In Tanaa

¹¹ Ḷagapan undan bo landak in mogutundon kon tua, ḷagapan monikuḷu bo kawag in mogutun kon tua. Ki Tuhan mopobaḻí kon butá tatua modoḻiok bo moingongow naonda bo kon tungkuḷ in diápa pinomaḻían.

YESAYA 34:11 Referans Kwoze

OMBAḶ 2:8

Ki Tuhan ain nonantú kon dinding mita in Sion mustibí umpagon. Dinding mita tatua in inukur-Neadon, sinbá komintan korimumudan-Nea. Dinding mita bo ḷangkeang mita, tanaa in nobaḻídon apug komintan.

DATU MITA 2 21:13

Yerusalem in hukumon-Kubí ná pinohohukum-Ku kon Samaria bo kon i Ahab datu in Israel takin buínea. Yerusalem in radatan-Ku kodariton naonda bo pindan inta iyuyúan bo pinotongkob.

ZEPANYA 2:14

Kon tua paanan in mahaḷuk bo bayongan in bobiagon umuḻid bo mogogai. Ḷagapan mita monikuḷu in monompugadon kon apug mita tatua bo kumarak nongkon jandela mita. Ḷagapan kawag in kumarak nongkon ngara in ḷoḻingkop. Kayu ḷokuyú kon bangunan mita in kotá tatua in daitonbí rabuton.

WAHYU 18:2

Nanaa in pinobaḷúnea: “Ain noḷabú! Babel kotá moḷoben tua ain noḷabú! Tanaa sia in nobaḻídon tampat in dimbuḷó bo dimukud mita moraat. Bo kon bonunea in nobiagdon norupa-rupamai in ḷagapan inta nonajis bo inta kinodoí in intau.

YESAYA 14:23

Babel in baḻíon-Ku rawa mita inta pogutunan in monikuḷu. Babel in kaitan-Kubí kodariton. Akuoi, ki Tuhan Inta Totok in mokawasa ain nosingog.”

SAMUEL 2 8:2

Ki Daud in nonaḷow doman kon intau in Moab. Pinoki siugannea in mosia kon butá, bodongka iḻimodnea in intau doyowa kon sigad in pomuḷoi in intau toḷu. Dá intau in Moab notogu ondokdon kon i Daud bo noguboḻi kon pajak kon inia.

YESAYA 24:10

Sinangkub in kotá noropatoi; bayongan in ngara in ḷoḻingkop in baḷoi kinunsían sin kitogi baḷoi moondok.

MAZMUR 102:6

Moropot in karakku; awakku in dongkadon tuḷan binakut in kuḻit.

YESAYA 34:17

Ki Tuhanbí inta nosilai kon butá tatua kon sigad monia bo kon batúannea notarima kon silainea. Mosia in mogutunbí kon tua modapot in mononoi, bo butá tatua in mobaḻí tonsilai monia modapot in adí bo ompu.

AMOS 7:8

Sia in noḻibó kon inakó, “Onu in inontongmu, Amos?” Akuoi in notubag, “Tontogot pogukur noisindog notuḻid, Tuhan.” Bo ki Tuhan in noguman, “Akuoi in mopomaké in tontogot tanaa sin mopoontong kon umat-Ku in naonda bo dinding inta diá motuḻid. Akuoi in diá bidon momaḷui bui kon tomayá-Ku, notantú bidon kon hukumon-Ku in mosia.