YESAYA 34:1 - Alkitab Singog In Mongondow Masa In Tanaa

¹ Igaidon moyosipun, ei bangusa mita, bo indongogaidon. Pomayádon mako in sinangkub in dunia bo bayongan inta nobiag kon bonunea mamangoi bo mokidongog.

YESAYA 34:1 Referans Kwoze

KORINTUS 1 10:26

Sin kon bonu in Buk Motusi ain pinais, “Dunia bo tombonunea naa in komintanbí kapunyaan i Tuhan.”

YESAYA 43:9

Potabádon in bayongan bangusa moyosipun bo bayongan in suku moyodondon. Ki ine in kon sigad in dewa mita monia in nopotaaudon muna kon onu inta nobaḻí tanaa? Ki ine in kon sigad monia in mokotoḻindap kon kobiagan moiduduimai? Pomayádon mako in sakusi mita monia mamangoi in muna, bo moponiata kon mosia in totuu, sinbá bayongan inta nokodongog kon i monia in moguman, kon totuubí in natua!

YESAYA 41:1

Guman i Allah, “Kibio-biómaidon bo indongogai in Akuoi, ei intau mita inta nogutun kon butá mita inta moyayú. Posadiadon in simindog kon pongadilan, bayádon bo potaaudon in pelekaramu. Igai in kita mopoyotantan moyotakin, sin monantú mongo ki ine in banar, bo ki ine in noitaḷá.

YESAYA 1:2

Indongogaidon ei ḷangit, tondudutka ei butá! Ki Tuhan in noguman, “Adí mita inta ain biniag-Ku nomarontak kon i-Nakó.

YEREMIA 22:29

Uḻe butáku, indongogai onu in pinoguman i Tuhan,

YESAYA 33:13

Pomayádon mako in bayongan in intau inta nodiug andeka inta noyayú mokodongogdon kon onu inta inaidan-Ku bo akúon monia in kawasa-Ku.”

ULANGAN 32:1

“Indongogaidon, ei ḷangit, akuoi in moibog mopotaau; ei butá, indongogaipa!

WAHYU 2:7

Ki ine in mokodongog, yo tarukiradon onu in pinoguman in Roho i Allah kon jamaat mita! Mosia inta mountung, ogoi-Ku mokaan kon bungai inta nongkon pangkoi in kobiagan inta nobiag kon taman i Allah.”

YESAYA 49:1

Indongogaidon in Akuoi, ei butá mita inta moyayú tondudut kopira in tosingogonku mita. Ki Tuhan in nogoiní kon inakó kon dodai in Akuoi diápa pinononggadí, Sia in nomiḻídon kon inakó pinangkoipamai kon akuoi in bonupa in sian.

YESAYA 18:3

Ei, moiko komintan inta nogutun kon dunia! Tondudut aka bandera mita pinopoponikdon kon tudu in buḷud mita! Indongogaidon aka torompet inirupdon!

MAZMUR 96:10

Potaa-taaudon mako kon bangusa mita, “Ki Tuhan tua in Datu! Butá morigon diábí kodandúan; Sia in mohakimbí kon bangusa mita takin moadil.”

MAZMUR 50:1

Mazmur i Asap. Tuhan, Allah Inta Totok in mokawasa, nosingog; Sia in nomaḷú kon sinangkub in butá nongkon pomukaan nodapot kon toyopan.

MAZMUR 24:1

Mazmur i Daud. Ki Tuhanbí in kitogi kon butá bo tombonunea, dunia bo bayongan inta nogutun kon tua.

HAKIM MITA 5:31

Poigumon mako in musung-Mu mita, o Tuhan, matoi ná ki Sisera, táe bayongan in yobayat-Mu in monindar naonda bo mata in singgai kon ḷangit! Nopaḷut mako kon tua, nobiagdon notompia in butá tatua opat nopuḷú notaong in koonggotnea.

HAKIM MITA 5:3

Indongogaidon ei datu mita bo pangeran, akuoi modondong kon i Allah in Israel, tuata in ki Tuhan.

ULANGAN 4:26

Poigumon mako ḷangit bo butá mobaḻí sakusi kon aka moiko diá motoindudui kon inakó, moiko in ḷagidon moyopú nongkon butá inta pogutunan monimu kon ḷoḷan in Ongkag in Yordan tatua. Moiko in diábí moonggot in mogutun kon tua; moiko in modaitbí yopúon.

KINOBAḺIAN 6:13

Bo ki Allah in noguman kon i Nuh, “Sinimpod-Kudon in singog kon daiton-Kudon paḷuton kobiagan in bayongan mahaḷuk. Yopúon-Kudon in mosia takin butá naa, sin butá naa nopuḻingdon in oaid monia inta moromú.

YESAYA 48:16

Angoidon diug kon i-Nakó bo indongogaidon, nongkon dungkuḷpabímai diábí bunion-Ku in tosingogon-Ku; onu in siningog-Ku umuranbí pototuu-Ku.” Tanaa in ki Tuhan Allah nopotabá kon inakó bo nobogoi kon inakó in kawasa-Nea tontaní.

YEHEZKIEL 38:17

Kinotaauan bidon kon soaḷ iko dungkuḷmai in muna bidon pinotaau-Ku pinongin mogogundoi-Ku mita nabi mita in Israel? Sinoḷanow bidon monia kon singgai moiduduimai Akuoi in mopotabábí kon intau tobatú sin monubu kon Israel. Akuoi ki Tuhan Inta Totok in moḷantud ain nosingog.”

OBAJA 1:1

Naa in toḷanow i Obaja; sia nopoyaput in koyow i Tuhan Inta Totok in moḷantud soaḷ bangusa in Edom: Ki Tuhan ain nopotabá in totabá-Nea namangoi in bangusa mita, bo kita in nokodongogdon kon koyow mita inta dinianea noiduduimai naa, “Posadiadon moparang! Igai mayá in kita monubu kon Edom.”

YESAYA 63:1

“Ki ine in sia inta namangoi nongkon Bozra kon Edom? Ḷambungnea in nopura, pakeangnea in mopouḻi-uḻinag; sia in ḷumampang takin motorindog mako.” “Akuoibí in ki Tuhan inta mokoposaḷamat bo mamangoi modia kon habar kountungan.”

YEREMIA 49:7

Naa in pinoguman i Tuhan Inta Totok in mokawasa soaḷ Edom, “Eta degá intau in Edom diá motaau morai mokopobijaksana? Eta mononongginanea diádon degá nononggina kon i monia? Noinggamádon degá in kobobijaksana monia!