YESAYA 33:6 - Alkitab Singog In Mongondow Masa In Tanaa

⁶ bo mobogoi in inta moaman kon umat-Nea. Kaoyúonan inta mokosaḷamat kon i monia in kabijaksanaan bo sinotaau takin horomat kon i Tuhan.

YESAYA 33:6 Referans Kwoze

TIMOTIUS 1 4:8

Latihan in awak naa in tongábí topiḻik in baragunanea, táe aka molatih moibada yo moibaragunabí kon bayongan in yagi-yagi, sin oyúon in dandi kon kobiagan tanaa mako bo kobiagan kon singgai moiduduimai.

MATIUS 6:33

Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu.

AMSAL 19:23

Horomatbí in ki Tuhan, dá mosanang in kobiaganmu; mopuasbí in iko bo moiyayú kon bodito.

TIMOTIUS 1 6:6

Totuubí kon agama tua in mobogoibí in kauntungan moḷoben, aka intau tatua in umuran moorop in onu inta oyúon kon inia.

MOHOHUTUBA 7:19

Hikmat in mokodugang kon itoginea moropot moiḻiu kon pongawasa mopuḷú kon kotá tobatú.

AMSAL 14:27

Motoguondok kon i Tuhan in mobaḻí pangkoi in kobiagan mopia; bo daḷan simimparut kon popatoi.

MAZMUR 28:8

Ki Tuhan in nobogoi in ropot kon umat-Nea, Sia in noduḷu bo noposaḷamat kon datu inta piniḻí-Nea.

YESAYA 51:6

Ḷangagaidon in ḷangit bo indoiai in butá; ḷangit in moinggamábí naonda bo poyok bo butá in mokoyonganbí naonda bo ḷambung noketek, bayongan in intau kon bonunea in matoi naonda bo yongit. Táe kasaḷamatan inta ogoi-Ku in umuranbí mononoi, bo kountungan-Ku in diábí in imbuitnea.

MOHOHUTUBA 7:12

notongkai doman in doit inta mobogoi in porasaan moaman. Apa doman totaau soaḷ hikmat! Ki ine in oyúon intua yo mosaḷamat.

AMSAL 28:2

Aka bangusa baradosaan, pongawasanea in umuran baḷuian; aka itoi bo mobijaksana, yo bangusa in umuranbí koḷukadan bo tantúbi ponango-nangoian.

AMSAL 15:16

Maníka bo moyakag in kapunyaan táe takin motoguondok kon i Tuhan, dika in mobayong in kapunyaan táe umuran moondok mako.

MAZMUR 140:7

O Tuhan, gumanku: Ikobí in ki Allahku, indongogaipa kaasí in sambayang oigumku.

MAZMUR 45:4

Pogabitdon in kedangmu kon ogotan, ei datu inta motorindog, iko in totok in momulia bo motaingkat!

KORINTUS 2 6:10

Umpakabí pinokuyang monia in gina nami, táe umuranbí moḷunganga in gina nami. Kami in koontongan nobiag nobogá, táe nobayongdon intau in binaḻí nami nooyúon. Koontongan kami diá kon onu bo onu, táe sabanarnea bayongan rupa-rupa oyúonbí kon i nami.

AMSAL 29:4

Aka mongongawasa bo monaridi kon inta moadil, yo ḻipúnea in motorindogbí. Táe aka doit in paraḷunea, yo morumbunbí in ḻipúnea.

DATU MITA 2 18:7

Tuamai in ki Tuhan umuran motuḷung kon inia dá bayongan inta ḷongasionnea in nodaitbí kodapotan. Sia in nomarontak kon i datu in Asyur, bo doíbí tumungkud kon inia.

AMSAL 14:26

Intau inta motoguondok kon i Tuhan in mobiag mosanang, bo motoḷuadínea in ḷukadan.

YESAYA 11:9

Kon Sion, Buḷud Motusi i Allah, diábí in moraat andeka momoguyaat. Dunia naa in mopuḻingbí in sinotaau soaḷ ki Allah, naonda bo tubig momuḻing kon dagat.

YESAYA 26:1

Kon dodai intua intau mopodondong in dondong tanaa kon butá in Yohuda “Totuu moroton in kotá naton; ki Allah tontaní in noposindog in benteng-Nea, kon naa mosaḷamat in kita.

YESAYA 33:20

Indoiaidon in kotá in Sion, tampat poramean naton kon singgai mita in agama. Indoiaidon in Yerusalem! Totuu moaman in tampat tatua pogutunan, naonda bo ḷoḷaigan inta diá kon dodai in onda in pinamping, patoknea in diá kon dodai in onda in irabut bo tontogotnea in diá kon dodai in onda in nobontow.

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

YESAYA 51:14

Intau mita inta dinakop in ḷagidon poḷuaton; mosia in diábí kodaitan in kaanon, bo diábí matoi bo ḷobongon.

AYUB 4:6

Iko nion in intau inta motoindudui kon i Allah; kobobiagmu in diábí in moraat? Aka natua, dá patusbí in iko moyakin bo diá kobuḻian in kamang.

AMSAL 2:5

Pongin natua dá kotaauanmudon onu in mangaḻe in motoguondok kon Tuhan bo kotaauanmudon totok in ki Allah.

AMSAL 14:24

Intau mobijaksana dinayow popisí in kabijaksanaannea, intau bodok ponango-nangoian popisí in kobobodoknea.

YESAYA 32:17

Kon batúan in intau in mogaidbí kon onu in moitutui, dá oyúon in kobiagan motompia bo moonow modapot in mononoi.

YESAYA 32:18

Umat i Allah in moiḷuatbí nongkon roriga bo mobiag kon tampat inta moaman bo mopia.

YEREMIA 31:34

Diá bidon paraḷu tobatúmai in intau nongkon i monia in mositundúan bá monotaau kon i Tuhan. Sin mosia komintan, moḷoben mointok, in monotaau bidon kon i-Nakó. Taḷá mita monia in ḻiongon-Ku bidon, dosa mita monia in ampungan-Kubí. Akuoi, ki Tuhan, ain nosingog.”

HABAKUK 2:14

Táe naonda bo dagat inta nopuḻing in tubig, yo natua doman in butá in mopuḻingbí in sinotaau soaḷ ki Tuhan bo kawasa-Nea.