YESAYA 33:4 - Alkitab Singog In Mongondow Masa In Tanaa

⁴ Naonda bo paanan in pangkoḷá intau monubu bo mogagow kon kaoyúonan monia.

YESAYA 33:4 Referans Kwoze

YOËL 2:25

Toḻiuan-Kubí in bayongan in karugianmu kon taong mita kon tungkuḷ in bungai in boyómu kinaan in pangkoḷá. Sin Akuoibí in inta nopotabá mangoi kon paanan in pangkoḷá tatua kon inimu.

YOËL 2:9

Mosia in nonubu kon bonu in kotá, bo noribatuk kon tudu in dindingnea. Mosia in noponik kon bonu in baḷoi mita; naonda bo mononakow, mosia in sinumuot nongin dodimpayó.

TAWARIKH 2 20:25

Dá ki Yosapat takin intaunea mita minayá nogagow kon pakakat mita in musung. Nokouḻí in mosia kon bobiagon mobayong, bo touḷut mita, ḷambung, bo pakakat mita inta koboḻi ibanea. Nopaḷut mako nosipun kon pakakat mita tatua toḷu nosinggai in koonggotnea, nobayongpa doman in pakakat mita ibanea, dá pakisadon sinaḷáanmai.

TAWARIKH 2 14:13

Ki Asa bo tontaranea in nondudur kon i monia nodapot in Gerar. Kon dotá in Sudan nobarong totok in minatoi dá tontara monia in diádon mokopongonu sin irimumudon i Tuhan bo tontara doman mita in Yohuda nogagowdon kon nobayong totok in pakakat monia. Onda intua tontara in Yohuda norimumud kon kotá mita kon butá mita inta kon diug in Gerar, sin ki Tuhan in nopobaḻídon kon intau mita inta kon tua inagían in ondok. Tontara in Yohuda nogagow kon bayongan in kotá tatua bo nokouḻí kon nobayong totok in pakakat.

YESAYA 33:3

Aka simindog in Iko bo mopodongog in singog-Mu inta mogonugur, bangusa mita in moḷaguibí bo posibayá.

YESAYA 33:5

Ki Tuhan in momulia totok; Sia in nongawasa kon bayongan yagi-yagi. Sia in moposindogbí in hukum bo koadilan kon Yerusalem

YEHEZKIEL 25:7

Tuamai in ogoi-Ku in moiko kon bangusa mita inta bain mogagow kon bayongan in kapunyaanmu. Moiko in yopúon-Kubí námai tua, modapot in diádon mobaḻí tongobangusa bo diádon kobutá tontaní. Dá kotaauandon monimu kon Akuoibí in ki Tuhan.”

YOËL 1:4

Paanan in pangkoḷá inta diá koiyapan in kobayongnea, dinumompá kon gobá mita bo nokaan kon pinomuḷanea. Onu in sinaḷáan in paanan tanaa, inindaitan in paanan ibanea doman.

YOËL 2:3

Naonda bo tuḷú inta momagong bo mokopokak yompaton monia in bayongan pinomuḷa. Kon dungkuḷ, butá tatua in naonda bo Eden, taman i Tuhan, noiduduimai kon tua, naondadon bo rawang in bungaion inta noingkag. Diádon onu bo onu in ki agatnea, diá in diá sinubu monia.