YESAYA 33:3 - Alkitab Singog In Mongondow Masa In Tanaa

³ Aka simindog in Iko bo mopodongog in singog-Mu inta mogonugur, bangusa mita in moḷaguibí bo posibayá.

YESAYA 33:3 Referans Kwoze

MAZMUR 46:6

Ki Allah in nogutun kon tua, dá kotá tatua in diábí moinggamá; Tuḷungan-Neabí kon dodai in modiugdon mobayag.

MAZMUR 59:11

Popisí in kopopia-Nea ki Allahku in namangoi kon inakó, Pinomayá-Nea mako in akuoi nokoontong kon musungku sinaḷow.

YESAYA 21:15

Sin mosia in noḷaguidon kon pitow inta ain irabut, bo nongkon piot inta ain pinopopiot, bo nongkon parang inta koyogot mobaḻí.

YESAYA 33:4

Naonda bo paanan in pangkoḷá intau monubu bo mogagow kon kaoyúonan monia.

YEREMIA 25:30

Bayongan inta ain pinoguman-Ku kon inimu, ei Yeremia, mustibí potaaumu. Pogumandon kon i monia, ‘Singog i Tuhan in noguman noḷangon nongkon soroga; nongkon pinogutunan-Nea inta motusi Sia in nonggotup noḷawang kon umat-Nea. Bayongan in intau kon dunia in nokodongog kon kokow-Nea naonda bo mogogaid inta nomugut kon anggur kon pomomugutan.

YEREMIA 25:31

Modapot kon popod in butá singog-Nea in kodongogan; ki Tuhan in momia kon pelekara kon bangusa mita. Bayongan in intau in sisiganbí bo inta moraat in hukumonbí matoi.’ ”

MAZMUR 68:2

Ki Allah in simindog moporarit in musung-Nea intau inta mondoí kon i-Nia in moḷagui nongkon tayowon-Nea.