YESAYA 33:11 - Alkitab Singog In Mongondow Masa In Tanaa

¹¹ Tomayámu diá in mangaḻenea, bo bayongan inta pomiaanmu diá in baragunanea. Torúmu in naonda bo tuḷú inta momokak kon inimu tontaní.

YESAYA 33:11 Referans Kwoze

YESAYA 59:4

Moiko in nopongadu in pelekara takin diá in dodoyonan bo nohakim takin diá moadil. Moiko in nonguboḷ bo mopongata kon inta diá in mangaḻenea, moiko in momia kon tomayá sin mopobodito kon intau ibanea bo mogaid kon inta moraat.

YAKOBUS 1:15

Moiduduimai kon tua, aka ibog inta moraat tatua bo duduian, dá mobaḻídon in oaid inta diá mopia; bo aka aid diá mopia tatua bo moguyangdon, dá popatoi in bungainea.

OUMAN IN RASUL MITA 5:4

Butá tatua in butámubí wakutu in diápa pinotaḷuimu. Bo naonda in pinotaḷuimudon, boḻinea in ikobí doman in kitogi. Dá nongonu sin monomayábí in iko kon diá mopia natua? Deemanbí intau in inuboḷanmu, táe ki Allahbí!”

YESAYA 26:18

Kami in sidia bo monahang kon monakit, táe diábí nopononggadí in onu bo onu; kami in diábí nobogoi in kasaḷamatan kon dunia, diábí doman nodugang kon kobayong in intaunea.

YESAYA 17:13

Mosia in mamangoi naonda bo ḷunud inta motoyang totok. Táe ki Allah in nogogondok kon i monia, bo mosia in noḷagui iyumayú. Mosia in inaḷowan naonda bo baḻeká kon obaga in buḷud pinoḷayug in tompot, andeka ḷobud inirup in deḷang.

YESAYA 5:24

Moiko in nondoídon kon totundú i Tuhan Inta Totok in mokawasa, bo noningkuḻe kon parenta i Allah inta mokudus in Israel. Tuamai, ná onda bo wawa bo bonok noingkag nodait nopokak kon bonu in tuḷú, natua doman in uakatmu mita mobongkogdon, bungangmu mita moingkag bo modait irupon in tompot.

YESAYA 1:31

Naonda bo wawa nopokak tongá popisí in rosik in ḻigatu, natua doman in intau mita nongawasa in yopúon in oaid mita moraat monia tontaní, bo diábí in motaau mongampai kon korimumudan tatua.

MAZMUR 2:1

Nongonu sin bangusa mita in momiabí kon ropatoi bo suku mita in bangusa monomayábí kon inta diá in mangaḻenea?

AYUB 15:35

Tuata in mosia inta nonomayá kon inta moraat bo mopoaid intua; uboḷ in umuranbí oyúon kon bonu in ginanea.”

MAZMUR 7:15

Indoiaika, intau moraat monomayá kon inta moraat; sia in monomayá kon inta moraat bo monguboḷ.

YESAYA 9:17

Kororaat in bangusa tatua in nonurub naonda bo tuḷú inta noḷeḷep kon dogami. Dokotnea in naonda bo kayuon noturub inta nopodamonik in poyok mobarong.