YESAYA 32:16 - Alkitab Singog In Mongondow Masa In Tanaa

¹⁶ Kon sinangkub in butá in mobaḻí bidon in aid mojujur bo moadil.

YESAYA 32:16 Referans Kwoze

HOSEA 3:5

Táe moiangoibí in wakutunea bangusa in Israel mobui kon i Tuhan Allah monia, bo kon i datu monia nongkon buí i Daud. Bo moondok in mosia poḷat mohoromat kon i Tuhan, poḷat motarima kon barakat-Nea mita.

YESAYA 60:21

Intau mita inta nogutun kon butámu in mogaidbí kon onu inta totuu, mosia in mobaḻíbí kitogi in butá tatua modapot in mononoi. Mosia in naonda bo pinomuḷa inta cinangkok inta pinomuḷa-Ku tontaní, sin moponiata kon kamuliaan-Ku.

YESAYA 42:4

Diá in gagawang andeka kobuḻian in kamang, modapot in inta moadil in posindogon kon dunia. Ḻipú mita inta moyayú mokotanob kon totundúnea.”

YESAYA 35:8

Kon tua in oyúondon in daḷan moḷoben, “Daḷan mokosaḷamat” in tangoinea. Intau binaradosa in diábí moitaḻib kon tua, Intau bodok in diábí mopoḷaḻe kon intau inta tumaḻib kon tua.

YESAYA 28:6

Ki Tuhan in mobogoibí in aid moadil kon hakim mita, bo barani kon intau mita inta pinoki ḷukadan in kotá bá diá tubuon.

YESAYA 33:5

Ki Tuhan in momulia totok; Sia in nongawasa kon bayongan yagi-yagi. Sia in moposindogbí in hukum bo koadilan kon Yerusalem

YESAYA 42:11

Pomayádon mako in padang gurun bo kotánea mita in modayow kon i Tuhan, bo intau in Kedar modayow kon i-Nia! Porogiowdon in intau mita kon kotá in Sela, bo morobaḷú nongkon tudu totok in buḷud!

YESAYA 48:18

Aka kuma bo iko noindoimai kon parenta-Ku mita, dá kobiaganmu motompia in naonda bo ongkag inta diá moingka-ingkag, bo kamujuranmu in naonda bo bokoḷ kon dagat inta diá mogoga-gogai.

ZAKHARIA 8:3

Akuoi in mobui mangoi kon Yerusalem, kotá-Ku inta motusi tatua, bo mogutun kon tua. Yerusalem in kotaauandon saḷaku kotá inta motoindudui, bo tombuḷud i Tuhan Inta Totok in mokawasa in tangoionbí tombuḷud inta Motusi.

YESAYA 11:9

Kon Sion, Buḷud Motusi i Allah, diábí in moraat andeka momoguyaat. Dunia naa in mopuḻingbí in sinotaau soaḷ ki Allah, naonda bo tubig momuḻing kon dagat.

YEREMIA 31:23

Ki Tuhan Inta Totok in mokawasa, Allah in Israel in noguman, “Aka umat-Ku binaḻí-Kudon ponango-nangoian ná dungkuḷmai, dá kon butá in Yohuda bo kon ḻipúnea mita yo kodongogandon bui intau in moguman, ‘Igumon mako ki Tuhan in momarakat kon tombuḷud motusi kon Yerusalem tampat pogutunan inta ain sinantú kon i-Nia.’