YESAYA 30:10 - Alkitab Singog In Mongondow Masa In Tanaa

¹⁰ Mosia in moguman kon nabi mita, “Kintum in bibig! Dika mopoguman kon inami onu in totuu, táe onubí in koibog nami indongogan. Pomayádon mako in kami umuran morai podudui in koibog nami.

YESAYA 30:10 Referans Kwoze

SURAT I PAULUS KON JAMAAT RUM 16:18

Sin intau mita inta momia kon natua, deemanbí mogaid sin kopontingan i Kristus inta Tuhan naton, táe tongábí motayak kon kasanangan in gina monia tontaní. Dondouḷug bo singog monia moaḷus inta kodongogan tua in tongábí pakéon monia monguboḷ kon intau mita inta diápa nonotaau in onu bo onu.

AMOS 7:13

Dikadon mohutuba kon Betel. Kotá tanaa in sinondíbí tongá kon i datu, bo tampat pooibadaan in dodatuan.”

AMOS 2:12

Táe pinoinum monimu in anggur in intau Nazir, dá nonoḻikud in mosia kon dandi monia. Bo diá inogoi monimu in nabi mita mopotaau in koyow-Ku.

YEREMIA 11:21

Intau mita in kotá in Anatot moibog sinbá matoi in akuoi. Mosia in noguman, “Aka iko umuran mopotaau in koyow mita i Tuhan kon inami, iko in ḻimodonbí nami.”

WAHYU 11:7

Naonda in mosia mopaḷutdon mopotaau in habar monia, dá mahaḷuk inta iḷumuai nongkon irang in popatoi moḷawang kon i monia, poḷat monaḷow bodongka moḻimod kon i monia.

YEREMIA 23:17

Kon intau mita inta doí mokidongog kon tosingogon-Ku mita, mosia in umuranbí moguman, ‘Moiko in mosaḷamatbí.’ Bo kon bayongan in intau inta pamandot, mosia in moguman, ‘Iko in diábí mokouḻí kon bodito.’ ”

MIKHA 2:11

Koibog monimu in nabi inta moibog monguboḷ bo mongakaḷ poḷat monoḷanow kon moiko in mokouḻíbí kon anggur bo oinumon inta mokoḷoḷangu inta mobayong totok.”

MIKHA 2:6

Intau mita in mohutuba kon i nakó, kainia, “Dika mohutuba kon i nami. Dika mohutuba kon soaḷ mita tatua. Kami in diábí angoian in oyá.

DATU MITA IMITÁNEA 22:27

Poki pobonudon kon i monia in sia kon ponjara, bo tongádon ogoian in kaanon bo inumon tumongo piḻik modapot in akuoi mobui mangoi takin mosaḷamat.”

DATU MITA IMITÁNEA 21:20

Naonda in ki Ahab nokoontong kon i Elia, sia in noguman, “Ei musung, imbuitnea nouḻímudon in akuoi!” “Totuu,” tubag i Elia. “Sin ki Tuang in takin ḻimbatú in gina nogaid kon inta moraat kon tayowon i Tuhan,

GALATIA 4:16

Yo degá saturuondon monimu in akuoi tanaa mako sin moguman kon totuu kon i monimu?

OUMAN IN RASUL MITA 5:28

Kainia, “Aindon ilarang totok nami in moiko sinbá diádon mayá bo mopotaa-taau mako in tangoi intau tatua. Táe tanaa indoiaika, onu in inaidan monimu! Moiko in minaya-mayábí doman mako bo nopohabar in soaḷ intau tatua kon bayongan butá in Yerusalem bo moguman doman kon kamibí naa in nokopopisí kon kinopatoian-Nea.”

OUMAN IN RASUL MITA 4:17

Táe ḷukadan naton sinbá diá totok in moisiar magí mako kon bayongan intau dá maníka bo ancamon naton in mosia, konbá mosia in diádon mopotaau magí mako kon tangoi i Yesus tatua.”

YOHANES 8:45

Táe Akuoi in mogumanbí kon onu in mobanar, bo popisí in tuata moiko diá mopirisaya kon i-Nakó.

YOHANES 7:7

Moiko in diábí kodoí in dunia naa. Táe Akuoi in memang kodoíbí in dunia naa, sin Akuoi in umuran moguman kon dunia kon oaidnea in moraat.

YEREMIA 38:4

Dá minayádon in pojabat mita tatua kon i datu bo noguman, “Intau tanaa in mustibí hukumon matoi. Sin pongin singognea natua sia in mokoinggamá kon ibog in bayongan tontara bo intau ibanea inta nogutunpa kon kotá tanaa. Sia in diábí motuḷung kon rayat, táe mopoboditobí kon i monia.”

YEREMIA 29:27

Táe nongonu sin iko in tongábí kibio-biómai kon i Yeremia intau in Anatot tatua inta ain sinumon nabi kon sigad in bangusa naton?

YEREMIA 26:11

Imang mita bo nabi mita in noguman kon pojabat mita tatua takin rayat, “Intau tanaa in patusbí hukumon matoi sin nosingogdon in sia kon tosingogon ponayow kon kotá naton naa. Moiko tontaní ain nokodongog kon tua.”

YEREMIA 5:31

nabi mita in monguboḷ, imang mita mogundoi podudui in ibognea tontaní bo moiko umat-Ku in moibog doman kon natua. Táe onu in aidan monimu aka moiangoidon in singgai imbuitnea?”

TAWARIKH 2 25:16

“Kibio-biómai,” guman i Amazia, “Aka diá, ḻimodon nami in iko! Diábí dodai in onda in kami noduí kon inimu nobaḻí monononggina i datu!” Dá kibio-biómaidon in nabi tatua, táe munadon in sia noguman, “Tanaa in kinotaauankudon kon ki Allah in nonantúdon kon moyopú kon i Tuang sin aid i Tuang tua, bo popisí in ki Tuang diá mopandungmai kon tongginaku.”

TAWARIKH 2 16:10

Tosingogon i Nabi Hanani tatua nokotorú totok kon i Asa nodapot in pinobonunea kon ponjara in nabi tatua. Kon dodai intua ki Asa in nopororigadon kon tongonumai in rayatnea.

TIMOTIUS 2 4:3

Sin moiangoibí in wakutu intau in doídon motarima kon totundú inta moitutui. Mosia in dongkadon umuran dumudui kon ibog monia tontaní. Tuamai in mosia mosipundon kon guru mita podudui in ibog monia sinbá motundú doman kon onu inta mokosanang kon bongoḷan monia.

TIMOTIUS 2 4:4

Mosia in doí bidon mokidongog kon totundú inta noitutui, dongka bidon moibo-ibog mokidongog kon ouman mita inta diá in baragunanea.

SAMUEL 1 9:9

“Mopia uḻe!” tubag i Saul, “Igai mayá in kita.” Bo minayádon in mosia kon kotá, kon tampat in mogogundoi i Allah tua. Naonda in mosia notakod kon buḷud inta mopobayá ná kotá tatua, noyodungkuḷdon in mosia in tongonumai in mongodeaga inta mayá monangkob kon tubig kon parigí. Bo mosia noḻibó kon mongodeaga mita tatua, “Degá mododoyangow oyúon kon kotá?” (Kon tungkuḷ intua nabi tobatú sinangoi mododoyangow, dá aka oyúon in intau moḻibó kon i Allah, dá sia in moguman nanaa, “Igai in kita mayá kon mododoyangow.”)

YESAYA 5:20

Moboditodon in moiko inta monuui kon inta mopia bo inta moraat, inta mosindip bo inta mobayag, inta mopait bo inta moromimit!

YESAYA 29:10

Binaḻí i Tuhan in moiko sinomposiug bo noḷoḷot totok. Binilogan-Nea in mata in nabi mita bo nongoḷob kon pogot in intau mita mononanow.

YEREMIA 36:29

Ki Tuhan in nopotabá kon inakó moguman nanaa kon i datu, “Iko in notubádon kon ḻitodan in buk tatua, bo iko in noḻibó kon i Yeremia nongonu sin sia in nomaisbí kon ki datu in Babel in mamangoi bo morimumud kon butá tanaa poḷat moḻimod kon intau inta nogutun kon naa takin bobiagonnea mita.

AYUB 41:3

Degá mopoigum in sia kon inimu sinbá buḻianmu? andeka moyosingogmu, mopoigum in totabi?

YESAYA 28:15

Moiko in noguman kon moiko ain nomia kon dodandian takin popatoi bo ain nomia kon yopakat takin dunia in intau minatoi. Notantúdon kon i monimu kon bodito inta moiduduimai in diábí moiantug kon inimu, sin moiko in momaké in akaḷ monimu pogoḻingoi kon awakmu.