YESAYA 3:6 - Alkitab Singog In Mongondow Masa In Tanaa

⁶ Kon dodai intua intau in motundú kon i utatnea tobatú bo moguman kon inia, “Tongábí iko in koḷambung inta mopia; tuamai in ikodon in mobaḻí itoi nami kon sempo inta nopuḻing in roriga tanaa.”

YESAYA 3:6 Referans Kwoze

YESAYA 4:1

Kon dodai intua pitu in bobay in kumadai kon ḷoḷaki tobatú bo moguman, “Ogoidon in kami ḷumabit kon iko in ki buḷoi nami, sinbá kami in diá mobaba kon oyá popisí in diá notonibuḷoi. Kaanon bo ḷambung kopooyúonanbí nami tontaní.”

YOHANES 6:15

Kinotaauan i Yesus kon mosia in mamangoi sin momakisa kon i-Nia mobaḻí Datu monia. Tuamai in Sia minayádon kon daerah inta notombuḷud.

YESAYA 3:7

Táe sia in motubagbí, “Akuoi in deemanbí mongongundam! Akuoi in diá doman kokaanon bo diá doman koḷambung. Dikabí baḻíon in akuoi itoi in bangusa!”