YESAYA 29:2 - Alkitab Singog In Mongondow Masa In Tanaa

² Táe ki Allah in mopoangoibí in bodito kon kotá tatua, modapot in intau kumarak bo mokuani. Bayongan in kotá naonda bo kotá inta nopuḻing in dugú.

YESAYA 29:2 Referans Kwoze

YEHEZKIEL 39:17

Ki Tuhan Inta Totok in moḷantud noguman kon inakó, “Ei intau ilo-ilow, oinídon in bayongan in ḷagapan bo mahaḷuk ibanea mako, sinbá mamangoi nongkon bayongan in tampat bo mokaan kon kuruban inta sinadia-Ku kon i monia. Akuoi in momiabí kon bobutungan moḷoben kon buḷud mita in Israel, kon tua mosia in mokaanbí kon ponoyá bo monginum kon dugú.

YEHEZKIEL 22:31

Tuamai in tanaa pinobayá-Kudon in torú-Ku kon i monia, bo naonda bo tuḷú Akuoi in moyompat kon i monia popisí in aid monia. Akuoi ki Tuhan Inta Totok in moḷantud ain nosingog.”

OMBAḶ 2:5

Ki Tuhan nobaḻí naonda bo musung; binoutnea in Israel nodapot in norumbun. Irimumud-Nea in dinding mita takin komaḻig, bo nodugang kon ajar in gina kon intau in Yohuda.

YESAYA 37:3

Naa in koyow i Hizkia inta pinoyaput monia kon i Yesaya, “Singgai in naa singgai in ponogumatoian; kita in ihukum bo siningkuḻe. Kita in naonda bo bobay inta mononggadídon, táe kinodaitandon in ropot.

YESAYA 36:22

Dá ki Elyakim, ki Sebna bo ki Yoah nomerak kon ḷambung monia nobaḻí tomponuot moajar in gina, bo minayá nopotaau kon i datu onu inta ain pinoguman in porwira in Asyur tatua.

YESAYA 34:6

Pitow i Tuhan in mototuyúdon in dugú bo mopuḻingdon in ḷongó monia, naonda bo dugú bo ḷongó in mahaḷuk kuruban. Sin ki Tuhan in moposadiadon in kuruban kon Bozra, bo mogaid kon poyopúan moḷoben kon butá in Edom.

YESAYA 17:14

Kon tungkuḷ in moḷoḷabungdon mosia in mopoangoi in inta mokoondok totok, táe naonda in modiugdon mobayag mosia in moinggamádon. Tuata in ukur in bayongan intau inta mogagow kon i naton.

YESAYA 10:32

Singgai in naa musung kon kotá in Nob, bo kon tua mosia morangkom kon koyungkum potundú kon Buḷud in Sion kon kotá in Yerusalem.

YESAYA 3:26

Kon bonawang mita in kotá intau in mononogumatoi bo mogamui, bo kotá tatua tontaní in naonda bo bobay inta pinilangan inta iḻimitú kon butá.