YESAYA 27:9 - Alkitab Singog In Mongondow Masa In Tanaa

⁹ Táe dosa mita in Israel in tongábí motaau ampungan aka mezbah in dewa mita giḻingon koyimokon naonda bo silon. Bayongan in pototubáan kon dupa bo lambang i Dewi Asyera in rimumudon doman.

YESAYA 27:9 Referans Kwoze

SURAT I PAULUS KON JAMAAT RUM 11:27

Akuoi in nogaid kon dodandian takin i monia kon wakutu in Akuoi nongampung kon dosa mita monia.”

YESAYA 48:10

Sinungkuḷan-Ku in iko kon bonu in tuḷú in roriga, naonda bo saḷaka sinubá kon bonu in tuḷú.

DANIEL 11:35

Tongosilai nongkon itoi mita inta mobijaksana in koḻimodanbí, táe tua in mobaḻíbí totungkuḷ kon umat modapot in mosia mobaḻí modarit. Tua in mobaḻíbí modapot in singgai tumi, singgai inta ain sinantú i Allah.

YESAYA 17:8

Mosia in diá bidon mogoḷat mako kon bungai in inta inaidan monia tontaní, tuata in mezbah mita pototubáan kon dupa, bo patong mita i Dewi Asyera.

IBRANI 12:6

Sin sambokonbí i Tuhan in intau mita inta kotabi-Nea, bo sambokon-Neabí in intau inta ináku-Nea saḷaku ki adí-Nea.”

KORINTUS 1 11:32

Táe aka hukumon i Allah, yo tua in didikan-Neabí kon i naton, sinbá diá hukumon in kita moyotakin in dunia naa.

ZAKHARIA 13:2

Kon singgai tatua popatan-Kudon in tangoi in berhala mita nongkon butá tanaa, dá diádon tobatúmai in mokotoropa kon tua. Bayongan intau inta mongaku kon nabi in sia poguntunon-Ku takin i monia inta kinokawasaan in dimukud inta motombogá.

HOSEA 14:8

Mosia in mobuibí mangoi kon i-Nakó bo mogutun kon bonu in siungon-Ku. Totokbí in motoyong kotomomanan monia, naonda bo gandum inta mobiag kon gobá inta noḷumbá bo naonda bo gobá in anggur. Naonda bo tubig in anggur in Libanon tangoi monia in ponango-nangoiandon.

YEHEZKIEL 20:38

Momomarontak mita bo intau moraat in ḷumbúon-Ku nongkon yuakmu mita. Mosia in diaan-Kubí ḷumuai nongkon butá mita inta pinogutunan monia tanaa bo diábí ogoi-Ku in mosia mobui mangoi kon butá in Israel. Dá kotaauandon monimu kon Akuoibí in ki Tuhan.”

YEHEZKIEL 11:18

Aka mosia mobui, mosia in moḷumbúdon kon bayongan in berhala inta moraat bo mokorongó inta nouḻí monia.

YESAYA 4:4

Pongin kawasa-Nea ki Tuhan in monisigbí bo mopomurni kon umat-Nea. Sia in mondaritbí kon Yerusalem nongkon dugú in intau mita inta iḻimod kon kotá tatua.

YESAYA 1:29

Mosia in angoianbí in oyá sin mosumba kon pangkoi mita in kayu bo mopotondí in gobá mita sin ogoi kon dewa mita.

AMSAL 20:30

Moiḷanuimai pongalaman inta diá mopia momopat kon aid moraat, bo mondarit kon gina in intau.

MAZMUR 119:71

Totuubí kon mopiabí in Iko in nohukum kon inakó, sinbá kotaauankudon in atorang-Mu mita.

MAZMUR 119:67

Kon dodai in diápa ihukum, akuoi in sinumabat, tanaa in akuoi kinumadai kon parenta-Mu.

TAWARIKH 2 36:19

Sia in nogumpag kon dinding in kotá in Yerusalem, bo nonurub kon kotá tatua, takin doman Baḷoi Tuhan bo bayongan in komaḻig takin pakakat mita inta koboḻi inta kon bonupa in komaḻig mita tatua.

TAWARIKH 2 34:4

Patong mita bo berhala mita tatua in irimumud in intau mita i Yosia bo rimumudnea in pinonabudnea kon tudu in pinoḷobongan kon intau mita inta noposumba in kuruban kon berhala mita tatua. Mezbah mita i Baal bo mezbah mita in dupa inta kon tua in inumpag monia.

TAWARIKH 2 14:5

Bayongan tampat pososumbaan kon berhala bo tampat pototubáan kon dupa iḷumbúnea nongkon kotá mita in Yohuda. Dá noonowdon in dodatuan tatua kon tungkuḷ in sia nomarenta,

DATU MITA 2 25:9

Ki Nebuzaradan in nonurub kon Baḷoi Tuhan, komaḻig in datu, bo bayongan in baḷoi in intau mita inta ihoromat kon Yerusalem.

IḶUAIAN 34:13

Dá, dikadon mogaid kon natua, táe tokoumpagdon in mezbah mita monia, rimumudon in tugu mita karamat monia bo toko pupuḷdon in oigi mita i Asyera, berhala monia.

IMAMAT 26:30

Rimumudon-Kudon in tampat mita pososumbaanmu kon tudu in buḷud mita, mogumpag kon mezbahmu mita tampat pototubáan kon dupa, bo mopogambat in mayat mita monimu kon tudu in toḻindua mita in Tuhanmu inta ain noumpag tatua. Takin yaat in gina

ULANGAN 12:3

Umpagdon in mezbah mita monia bo rimumudon in batu mita inta inanggap monia mokaramat. Tubádon in lambang mita i Asyera, bo rimumudon in patong mita berhala monia, dá ilah mita tatua in diá bidon sumbáan kon tampat mita tatua.

DATU MITA 2 10:26

bo nopoḷuai in patong in Baal bo sinubá in patong tatua.

YEHEZKIEL 6:4

Mezbahnea mita in umpagonbí bo pototubáan mita kon kamania in ḷotakon. Bayongan in intau kon tua in ḻimodon kon tayowon in berhalanea.

DATU MITA 2 23:14

Tugu mita in dewa bo patong i dewi Asyera in inumpag, bo butá inta pinoposindogan in tugu mita bo patong mita tatua, binumbunan i Yosia in tuḷan mita in intau.

YESAYA 30:22

Patong mita in berhalamu inta inoḻitan in saḷaka bo buḷawan in ḷumbúonbí monimu naonda bo apat, poḷat moguman, “Bayádon nongkon tayowonku!”

YESAYA 40:2

Poonowdon in gina in intau in Yerusalem, pogumandon kon pononggataan kon i monia in nopaḷutdon. Taḷá monia in inampungan-Kudon, dosa mita monia in ihukum-Kudon kodua noguntuḷ.”

MIKHA 5:11

Ajimatmu mita inggamáan-Kudon bo bayongan in mononoḻindapmu posíon-Ku.