YESAYA 26:20 - Alkitab Singog In Mongondow Masa In Tanaa

²⁰ Tuotdon kon bonu in baḷoimu, ei bangusaku, bo ḻingkopaidon in ngara. Pogadopdon motoyong modapot in torú i Tuhan mooyongdon.

YESAYA 26:20 Referans Kwoze

MAZMUR 30:5

Podondongdon in dondong dodayow kon i Tuhan, ei umat inta motoindudui, bo posukurdon kon i Inta Totok in motusi.

MAZMUR 27:5

Ki Tuhan in moḷukadbí kon inakó kon dodai in mororiga; binuni-Nea in akuoi kon bonu in Baḷoi-Nea, bo nodia kon inakó pinobayá kon tudu in buḷud batu.

MATIUS 6:6

Táe aka iko bo mosambayang, tuotdon kon gopot, bo kunsíai in ḷoḻingkop bodongka mosambayang kon i Amámu inta kon tampat noibuni. Dá ki Amámu inta nokoontong kon inimu in mobogoibí kon onu inta koibogmu.

MAZMUR 91:4

Iko in koḷoban-Neabí in koḻikip-Nea, dá moodombí in iko kon bonu in oḻiung-Nea; kososatia-Nea in naonda bo kaḻeaw inta noḷukad kon inimu.

AMSAL 18:10

Ki Tuhan tua in notongkaibí in ḷangkeang inta moropot; kon tua in bayáan in intau motuḻid bo mokouḻí kon tampat inta moaman.

MAZMUR 17:8

Ḷukadaidon in akuoi naonda bo batoḷ in mata-Mu, bunidon in akuoi kon bonu in koḻikip-Mu

KORINTUS 2 4:17

Sin yoyiga inta diá mobogat totok naa, inta tantú korasaan nami tanaa in mobogoibí in kopiaan mononoi, moiḻiu kon rupa-rupa roriga inta kinorasaan nami tontaní.

YESAYA 10:25

Kon bonu in wakutu motoyong torú-Ku kon inimu mogogaidon, bo mosia in yopúon-Ku.

MAZMUR 32:7

Ikobí in pogogadopanku, Pinoḷuat-Mu in akuoi nongkon roriga. Dá akuoi in nonggoḷokap pia in gina, sin Iko in noposaḷamatdon kon inakó.

YESAYA 51:4

Taridiaidon in singog-Ku, ei bangusa-Ku, indongogaidon in tosingogon-Ku mita, ei umat-Ku. Inogoi-Ku in totundú-Ku kon bangusa mita, hukum-Ku mita in monimbayag kon i monia.

MAZMUR 91:1

Intau inta nokiḷukad kon i Inta Totok in Moḷantud, bo inta nogutun kon bonu in oḻiung i Inta Totok in Mokawasa,

MAZMUR 31:20

Totuu mobayong in tabi-Mu inta sinadia-Mu kon intau inta mopirisaya! Pomuḷoi in intau mokoontong kon kopopia inta pinomia-Mu, kon i monia inta nokioḻingoi kon ini-Mu.

YEHEZKIEL 11:16

Tuamai, potaaudon in koyow-Ku tanaa kon yobayatmu mita kon pinoḷumbúan, kon Akuoibí in inta nodia kon i monia kinoyayú kon sigad in bangusa mita bo noporarit kon i monia kon butá mita tatua. Tongá kon dodai in mosia kon tuapa, Akuoi in kotaki-takinbí monia.

YESAYA 51:16

Akuoibí inta nosongká kon ḷangit bo nopoukat in dodoyonan mita in butá. Akuoi in moguman kon Sion: Ikobí nion in umat-Ku; Akuoi in mobogoi in totundú-Ku kon inimu bo mogoḻiung kon inimu pongin kawasa-Ku.”

MAZMUR 143:9

Akuoi in mamangoi sin moniug kon ini-Mu, o Tuhan, poḷuatdon in akuoi nongkon musungku mita.

MAZMUR 57:1

Kon i itoi in mododondong. Podudui in dondong: Dika momutú. Mazmur i Daud, kon dodai in sia noḷagui sinumuot kon bonu in angob sin moḷagui kon i Saul.

KINOBAḺIAN 7:1

Bo ki Tuhanin noguman kon i Nuh. “Inontong-Kudon kon dongkadon iko tontaní in intau inta nogaid kon onu inta kinoibog-Ku. Dá, tuotdon kon bonu in uangga tatua in moiko motoḷuadí.

YEREMIA 31:14

Imang mita in poguḻíon-Kubí in kaanon inta mobayong totok; bo bayongan inta paraḷuon in umat-Ku ogoi-Kubí. Akuoi, ki Tuhan, inta noguman.”

KINOBAḺIAN 7:16

podudui in parenta i Allah kon inia. Naonda in komintandon sinumuot, iḻingkopandon i Tuhan in ḷoḻingkop in uangga moḷoben tatua.

MATIUS 23:37

“Yerusalem, Yerusalem! Nabi mita iḻimodmu. Totabá mita i Allah inandurmu in batu nodapot in minatoi. Nokakitdon in Akuoi moibog totok mosipun kon i adímu mita naonda bo ki iná in manuk mosipun kon i adínea mita kon koḻikipnea, tongá doí in moiko!

YEREMIA 7:23

Akuoi in tongábí nomarenta kon i monia dumudui kon i-Nakó sinbá Akuoi in mobaḻí Allah monia, bo mosia in mobaḻí umat-Ku. Akuoi in nopotabá kon i monia mobiag podudui in parenta-Ku mita sinbá mosia in mobiag motompia.

AYUB 14:13

Bunidon in akuoi kon bonu in dunia in intau minatoi; oḻiungaidon in akuoi modapot in Iko diádon tumorú bui. Táe tantúdon in wakutu kon monorop kon inakó.

AMSAL 22:3

Intau mobijaksana momarut aka mokoontong mako kon bodito; intau bodok mayá turus bo koantugan in roriga.

YESAYA 10:5

Ki Tuhan in noguman, “Moboditodon in Asyur! Asyur in pakéon-Ku nobaḻí sambok bo popangkuḷ sin momongkug kon intau mita inta kinotugatan in torú-Ku.

YESAYA 13:5

Mosia in namangoi nongkon ḻipú mita inta noyayú kon popod mita in dunia. Kon bonu in torú-Nea ki Tuhan in nomaké kon i monia sin moyopú kon sinangkub in dunia.

YESAYA 34:2

Ki Tuhan in tumorú kon bayongan in bangusa bo bayongan in tontara monia. Hukumon-Neabí bo yopúon in mosia.

YESAYA 66:14

Mokoontongmai kon tua, mopiabí totok in gina monimu bo moropotdon bui bo mosehat naonda bo bonok mobagu. Dá mogogundoi-Ku mita in mokoalamibí kon kawasa-Ku bo musung-Ku mita in mokorasa kon torú-Ku.”

DANIEL 11:36

Datu in butá in utuan in mogaidbí kinoibog in ginanea. Takin ḷumoḷatú sia in moguman kon sia in moḷobe-ḷoben nongkon dewa taondakabí, nodapotbí in moḷobe-ḷoben nongkon i Allah Inta Totok in Moḷantud. Sia in motaaubí in mogaid kon tua modapot in torú i Allah modait. Sin onu inta ain sinantú i Allah mustibí aidan muna.

ZEPANYA 2:3

Angoidon bui kon i Tuhan, ei bayongan intau inta moompá in dodia kon butá tanaa, bo bayongan in intau inta dinumudui kon parenta-Nea mita. Pogaidon kon onu inta kinoibog i Tuhan, bo pokoompádon kon dodia kon tayowon-Nea. Dika-dika bo iko in moisimparut nongkon hukuman kon singgai ki Tuhan mopoontong in torú-Nea.

MAZMUR 57:2

Kotabipa kaasí in akuoi, o Allah, kotabipa in akuoi, sin kon ini-Mu in pogadopanku. Kon bonu in koḻikip-Mu mogadop in akuoi, modapot in mogogai in deḷang inta nondangat.

MAZMUR 94:13

Pinoodom-Mu in sia kon singgai mita in bodito, nodapot in kinaḻi in bubú sin podomokan kon intau moraat.