YESAYA 26:2 - Alkitab Singog In Mongondow Masa In Tanaa

² Bukádon in bonawang mita, sinbá tumuot in bangusa inta motoindudui, bangusa inta nogaid kon onu in kinoibog i Allahnea.

YESAYA 26:2 Referans Kwoze

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.

MAZMUR 118:20

Naa in ḷoḻingkop in ngara i Tuhan, tongábí intau motuḻid in motaau mongintua.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

YESAYA 60:11

Singgai doḷom bonawangmu in bukaanbí mako, sinbá kaoyúonan in bangusa mita motaaudon atodon kon inimu, takin datu mita inta ain nobaḻí intau inta dinakop.

YESAYA 62:10

Intau in Yerusalem, ḷuaidon mongin bonawang, sadiadon in daḷan kon intau mita inta mobui. Aidaidon in daḷan moḷoben, ḷumbúdon in batunea, posindog in bandera mita kon bangusa mita.

YESAYA 62:2

Ei Yerusalem, bangusa mita in mokoontong kon kountunganmu, datu mita in moindoi kon koḷoḷobenmu. Iko in tangoion in tangoi mobagu, ki Tuhan tontaní in nobogoi in tangoi tatua.

OUMAN IN RASUL MITA 2:47

Mosia in umuran modayow kon i Allah. Kobobiag monia in totuu mokosanang kon gina in bayongan intau. Pomuḷoi in singgai tantú dugangan i Tuhan in kobayong monia, intau mita inta posaḷamaton-Nea.

YESAYA 60:21

Intau mita inta nogutun kon butámu in mogaidbí kon onu inta totuu, mosia in mobaḻíbí kitogi in butá tatua modapot in mononoi. Mosia in naonda bo pinomuḷa inta cinangkok inta pinomuḷa-Ku tontaní, sin moponiata kon kamuliaan-Ku.

YESAYA 54:14

Iko in pinosindog pinodoyon kon koadilan, pinoyayú nongkon inta mokoondok bo pinondorotan.

MAZMUR 106:5

Igumon mako akuoi mokoontong kon kobiagan motompia in intau mita inta piniḻí-Mu bo moḷunganga moyotakin in umat-Mu. Igumon mako akuoi moyunggagá bo mopia in gina moyotakin in intau mita inta nobaḻí umat-Mu.

IḶUAIAN 19:6

bo sinondí-Ku kon i-Nakó tontaní, bo moiko in mobantung kon i-Nakó mobaḻí imang mita.”

WAHYU 21:24

Bangusa mita kon dunia naa in mayábí mongin bayagnea tatua, bo datupa mita in modiabí kon kapunyaan mita monia pobayá in kotá tatua.

ZAKHARIA 8:20

Ki Tuhan Inta Totok in mokawasa in noguman, “Orasnea in moiangoibí intau nongkon nobayong in kotá in mamangoibí in Yerusalem.

YESAYA 58:8

Dá bayag in monimbayagdon kon inimu naonda bo modiug mobayag, bo kekebmu mita in ḷagidon mopia. Akuoi in moyotakinmubí sin moposaḷamat kon i monimu. Koangoian-Ku in mogoḻiungbí kon i monimu nongkon bayongan in tampat.

YUDAS 1:3

Utat mita inta kinotabiku! Totuu kon oyúonbí in makusudku in nomais kon surat tanaa kon i monimu, tuata in soaḷ kasaḷamatan inta ain tumpaḷa kinorasaan naton. Kon soaḷ tanaa totokdon kon ginaku in momais kon surat kon i monimu bo mononggina sinbá moiko in umuran mokoporoton in kumadai kon onu inta ain pinirisaya monimu inta ain pinoyaput kon intau mita inta ain inoiní i Allah.

PETRUS 2 3:13

Táe kita in umuranbí mogoḷat mako kon dandi i Allah. Dandi i Allah tua in soaḷbí ḷangit bo butá inta mobagu inta motompia bo moadil.

MAZMUR 24:7

Bukádon kooḷad in bonawang koyongan, sinbá tumuot in ki Datu inta momulia.

MAZMUR 118:19

Pobukataidon in akuoi kon ḷoḻingkop in ngara in Baḷoi Tuhan, sinbá tumuot in akuoi bo mopoyaput in sukur kon i-Nia.

YESAYA 45:25

Táe buí i Yakub in posaḷamatonbí, bo mosia in modayowbí kon i-Nakó, ki Tuhan.

YESAYA 54:17

Táe batúan in sonjata inta sinontaḷ sin moḷawang kon inimu, in diábí motuoi. Bo bayongan in inta pinonapud kon bonu in pongadilan in poniatamubí kon diá totuu. Akuoi in mobogoibí in tombuinag kountungan kon mogogundoi-Ku mita,” natuata in singog i Tuhan.

YESAYA 60:18

Diá bidon in habar soaḷ aid diá mopia kon butámu, soaḷ korimumudan bo kogoguyaatan kon wilayahmu. Naonda bo dinding Akuoi in mogoḻiung kon inimu, bo iko in modayowbí kon i-Nakó nobaḻí Mopoposaḷamatmu.

YESAYA 61:3

sin mobogoi in pia in gina bo ḷunganga in gina kon intau inta morobonoḷ in gina bo nonogumatoi; sin momaḷui kon inta mokoajar kon gina monia mobaḻí dondong dodayow. Mosia in nádon pangkoi in kayu tobatú inta pinomuḷa tontaní i Tuhan. Mosia in mogaidbí kon onu inta mopia bo mobanar, dá ki Tuhan in poḷantudon.

YESAYA 62:1

Podoyon kon Yerusalem Akuoi in mosingog, podoyon kon Sion Akuoi in diábí tongá kibio-biómai, modapot in sia posaḷamaton bo kountungannea in monindar naonda bo poḷombow kon tungkuḷ in doḷom.