YESAYA 26:19 - Alkitab Singog In Mongondow Masa In Tanaa

¹⁹ Umat-Mu inta ain minatoi in mobiagbí bui, awak mita monia in mobiagdon bui. Intau inta ain iḷobong kon bonu in butá in mobiagbí bo morogiow. Naonda bo oḷú inta mokoonow kon butá, Iko in momiag kon umat-Mu inta ain noonggot in minatoi.

YESAYA 26:19 Referans Kwoze

DANIEL 12:2

Mobayong in kon sigad monia inta ain minatoi in mobiag bui; tongosilai in motarima kon kobiagan mononoi, bo tongosilai doman in motarima kon kohohina bo inta mokokoningkim inta mononoi doman.

EPESUS 5:14

Tuamai singog in nanaa, “Pobangondon, moiko inta nosiug, bo pobangondon nongkon sigad in intau minatoi! Dá sambayanganbí i Kristus in moiko.”

MATIUS 27:52

Bo poḷoḷobonganan mita nongobukat bo nobayong in intau mita inta mopia bo mopirisaya kon i Allah inta aindon minatoi in nobiag bui.

HOSEA 13:14

Bangusa tanaa in diábí posaḷamat-Ku nongkon kawasa in dunia in intau minatoi. Ei popatoi, ponimboidon in yampoimu! Aidaidon in oaidanmu inta mokorimumud tua! Akuoi in diá bidon motabi bui kon bangusa tanaa.

HOSEA 6:2

Kon bonu in doyowa andeka toḷu nosinggai naa Sia in monompiabí kon i naton, bo kita in mobiagbí kon siungon-Nea.

MAZMUR 71:20

Inogoian-Mu in akuoi in mobayong in roriga mobogat, táe poguḻíon-Mubí in ropotku bo momiag bui kon inakó nongkon pinoḷobongan.

YESAYA 25:8

Ki Tuhan Inta Totok in mokawasa in monginggamábí kon popatoi modapot in mononoi! Sia in momopatbí kon ḷuá nongkon bayongan in pogot, bo mopoyayú in kohohina inta binaba in umat-Nea kon sinangkub in butá. Ki Tuhan ain nosingog, bo tua in notantúbí kon mobaḻí.

PILIPI 3:21

Awak naton inta ilo-ilow bo inta diá mononoi naa, baḷuian i Kristus mobaḻí naonda bo awak-Nea tontaní inta momulia. Motaau-Neabí aidan intua, sin oyúonbí in kawasa nongkon i-Nia mopotungkud in bayongan yagi-yagi.

ZAKHARIA 8:12

Mosia in moponimboibí in bibit takin dame. Pangkoi mita in anggur monia in momungaibí, butá in mopoḷuaibí in bungainea, bo uyan in umuranbí morogot. Bayongan in barakat tatua in ogoi-Kubí kon bangusa mita inta nobiagpa nongkon bangusa tanaa.

KORINTUS 1 15:20

Táe totu-totuubí kon ki Kristus aindon biniag bui nongkon sigad in intau mita minatoi. Bo Siata inta nopobaḻí dodoyonan in pirisaya naton kon intau mita inta ain minatoi in biagonbí bui.

HOSEA 14:5

Ki Tuhan in noguman, “Umat-Ku inta nonuaḻing, gamáan-Ku bui bo kotabi-Ku takin ḻimbatú in gina; mosia in diá bidon torúan-Ku bui.

PILIPI 3:10

Soaḷ inta totok in kinoibogku in monotaaubí kon i Kristus bo mokoalami kon kawasa inta nokobiag kon i-Nia nongkon kinopatoian. Bo moibog doman in akuoi mokoalami kon roriga ná inta kinorasaan-Nea bo notongkai doman ná kopopatoi-Nea,

MAZMUR 22:15

Ropotku in nodait naonda bo tubig inta noibutak, bayongan in tuḷanku noipilat nongkon poguḻingkitannea, ginaku in ḷumoḷayat naonda bo lilin.

ULANGAN 33:28

Dá buí i Yakub in mobiagbí takin diá in tongkuḷabot kon butá inta nopuḻing in gandum bo tubig in anggurnea, bo binutakan in topuot nongkon ḷangit.

OUMAN IN RASUL MITA 24:15

Akuoi in ná bí doman mosia inta moharap doman mako kon i Allah kon bayongan intau in mobiagbí bui naonda in matoi, intau mopia andeka intau moraat!

YESAYA 51:17

Pobangondon ei Yerusalem, pobangondon! Hukuman inta pinoḷabú i Tuhan popisí in torú-Nea ain pinobayámu nodapot in nopaḷut.

ULANGAN 33:13

Bo kon buí i Yusup sia noguman: “Igumon mako in butá monia barakatan i Tuhan in uyan, bo tubig nongkon ḻimonag in butá.

ULANGAN 32:2

Poigumon mako in topotundúku mamonag naonda bo uyan, bo tosingogonku motait naonda bo oḷú, naonda bo rinsi-rinsik in uyan kon tudu in bonok, bo uyan inta morogot kon pinomuḷa mita.

MATIUS 27:58

Sia minayá kon tayowon i Pilatus bo noigum kon mayat i Yesus. Bo ki Pilatus nomarentadon kon i monia kon ogoi in mayat tatua kon inia.

MAZMUR 110:3

Kon singgai iko mamangoi takin kawasa, kon buḷud inta motusi, rayatmu in mayá takin ibog tontaní. Naonda bo oḷú doḷo-doḷom, tayowmobiag mita mamangoi kon inimu.

AYUB 29:19

Akuoi in naonda bo pangkoi in kayu inta nobiag noḷumbá, uakatnea tugat diá kodaitan in tubig bo oḷú momuntad kon tanganea.

SAMUEL 1 2:6

Ki Tuhan in mokopatoi bo mokobiag in Sia. Pinopoponag-Nea in intau kon dunia in intau minatoi. Bo Sia doman in nopoḷuai nongkon tua.

MAZMUR 22:29

Sin ki Tuhanbí inta kitogi kawasa, Sia in nomarenta kon bangusa mita.

YESAYA 18:4

Ki Tuhan in noguman kon inakó, “Nongkon pinogutunan-Ku kon omonik, Akuoi in moḷongow monag takin moonow bo mosanang, ná koonow in oḷú inta nobaḻí kon tungkuḷ in doḷom inta mopatú kon sempo in pobatunan kon boyó, bo ná koriang in sindar in mata in singgai kon tungkuḷ in nobayagdon.

AYUB 14:8

Umpaka kon bonu in butá uakatnea moampod, bo tuodnea in moḷaḷow sin nobongkog,

MAZMUR 88:11

Degá Iko in momia kon inta mokoherang kon intau minatoi? Degá simindog in mosia bo modayow kon ini-Mu?