YESAYA 26:12 - Alkitab Singog In Mongondow Masa In Tanaa

¹² Tuhan, Iko in mopobaḻíbí kon inami mobiag motompia; bayongan inta inaidan nami, Ikobí in nopoaid kon inami.

YESAYA 26:12 Referans Kwoze

EPESUS 2:10

Ki Allahbí in nomia kon i naton, bo pinongin i Kristus pinomia-Nea in kita, sinbá kita in mogaid kon soaḷ mita inta mopia inta ain sinadia-Nea kon i naton.

MAZMUR 57:2

Kotabipa kaasí in akuoi, o Allah, kotabipa in akuoi, sin kon ini-Mu in pogadopanku. Kon bonu in koḻikip-Mu mogadop in akuoi, modapot in mogogai in deḷang inta nondangat.

MAZMUR 29:11

Igumon mako ki Tuhan mobogoi in ropot kon umat-Nea, bo nopomia kon i monia mobiag motompia.

YEHEZKIEL 20:14

Táe diábí inaidan-Ku intua popisí in moḷukad kon tangoi-Ku, sinbá tangoi-Ku diá singkuḻeon in bangusa mita inta nokoontong kon i-Nakó nodia kon Israel iḻumuai nongkon Mesir.

IBRANI 13:20

Ki Allah in nomiagdon bui kon i Yesus Kristus Tuhan naton nongkon kinopatoian-Nea. Popisíbí in popatoi-Nea tatua, dá masai naa Sia in nobaḻídon Gombala Momulia kon i naton inta domba-Nea mita. Kinopatoian-Nea tatua in noposah bidon kon dodandian mononoi inta inaidan i Allah takin inaton.

YEREMIA 33:6

Táe kon singgai moiduduimai poguḻiton-Kubí bui in kaadaan in kotá tanaa bo intau inta nogutun kon bonunea; mosia in buibí moropot. Akuoi in mobogoibí kon i monia in kobiagan mooyúon bo koamanan inta mobayong totok.

ULANGAN 30:6

Moiko bo buímu in ogoiandon in gina inta motoindudui, dá moiko in motabidon kon i Tuhan Allahmu takin ḻimbatú in ginamu sinbá umurandon mogutun kon butá tatua.

YOHANES 14:27

Kobiagan moonow bo motompia taḷaan-Ku kon i monimu. Dodamean-Kubí tontaní in ogoi-Ku kon inimu. Onu in ogoi-Ku tua deemanbí ná inta inogoi in dunia naa kon i monimu. Dika moḻia-ḻiaw in gina bo dika moondok.

YEHEZKIEL 36:25

Mopaḷut mako kon tua moiko in pisikan-Ku in tubig inta mosilang, sinbá modaritdon nongkon bayongan in berhalamu bo nongkon bayongan yagi-yagi inta ain nokokotor kon i monimu.

YEHEZKIEL 20:22

Táe Akuoi in diábí nogaid kon tua sinbá tangoi-Ku in diá singkuḻeon in bangusa mita inta nokoontong kon i-Nakó nodia kon Israel iḻumuai nongkon Mesir.

YEHEZKIEL 20:9

Táe diábí inaidan-Ku intua, sinbá tangoi-Ku in diá singkuḻeon in bangusa mita inta kon pinogutunan monia. Sin kon tayowon in bangusa mita tatua, Akuoi in nopotaaudon kon bangusa Israel in diaan-Kudon ḷumuai nongkon Mesir.

YESAYA 57:10

Takin diá kodaitan in kamang moiko simiḷopí in motayak kon dewa mita. Kai monimu kamai yo mosia in mokopobogoibí in gina mobagu, modapot in moiko in diádon ḷumungkoyó.

MAZMUR 68:28

Benyamin in suku inta totok in mointok, táe sia in kon muna, bodongka moyo-moyodudui in itoi mita in Yohuda kon tuminea in itoi mita in Zebulon bo Naptali.

MAZMUR 90:17

O Tuhan Allah nami, barakataipa in kami, sinbá bayongan in oaidan nami oyúon in bungainea.

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.

YESAYA 26:3

Tuhan, Iko mobogoi in dodamean bo kobiagan motompia kon intau inta moroton in ginanea, sin mopirisaya in sia kon ini-Mu.

YESAYA 27:5

Táe aka musung mita in umat-Ku mokiḷukad kon i-Nakó, pomayádon mako in mosia moyodame takin-Ku, oo, moyodame takin-Ku.”

YESAYA 29:23

Sin aka moiko mokoontong kon i adímu mita inta inogoi-Ku kon i monimu, dá moiko in mongakubí kon Akuoibí in ki Allah mokudus in Israel. Moiko in mohoromatbí kon i-Nakó bo motoguondok kon i-Nakó.

YESAYA 32:18

Umat i Allah in moiḷuatbí nongkon roriga bo mobiag kon tampat inta moaman bo mopia.

YESAYA 57:19

Akuoi in mobogoibí in kobiagan moaman kon bayongan in intau, pinomayá inta nodiug andeka inta noyayú. Akuoi in monompiabí kon umat-Ku.

PINOGIAPAN 6:26

Poigumon mako ki Tuhan motabi kon i monimu bo mobogoi kon i monimu in kobiagan modame.

MAZMUR 57:3

Akuoi in nokuani kon i Allah Inta Totok in moḷantud, kon i Allah inta motuḷung kon inakó.