YESAYA 23:4 - Alkitab Singog In Mongondow Masa In Tanaa

⁴ Ei kotá in Sidon, kahoromatanmu ain nobuḻi! Baḷangon inta modaḷom diádon akuonnea in iko, gumannea, “Akuoi in diápabí kon dodai in onda in nononggadí, diápa kon dodai in onda nomiag kon adí ḷoḷaki andeka bobay.”

YESAYA 23:4 Referans Kwoze

WAHYU 18:23

Intau mita in diá bidon mokoontong kon bayag in togá kon kotámu; bo diábí domandon kodongogan in poramean ponikaan kon tua. Podagangmu mita tua in intaubí mita moḷoben kon dunia naa, bo totaau pongonggaingmu tua in pinonguboḷmu kon bayongan in intau kon dunia naa!”

KINOBAḺIAN 10:19

sahingga sigad mita in butá monia iḷumoben nongkon Sidon mopobayá in toḷatan kon Gerar, nodapot kon diug in Gaza, bo kon pomukaan mopobayá in Sodom, Gomora, Adma, bo Zeboim, dapot kon diug in Lasa.

KINOBAḺIAN 10:15

Ki adí mita i Kanaan, in ki Sidon in guya-guyang, bo ki Het.

YOSUA 11:8

Bo Israel in pinopountung i Tuhan nongkon i monia. Intau in Israel nonubu bo nondudur kon i monia nodapot in Misrepot-Maim bo Sidon kon dotá in utuan, bo nodapot in Ḷopá in Mizpa kon dotá in pomukaan. Pinoparangan diápa doman mooyong nodapot in diádon tobatúmai in musung in kinotaḻiban – nodaitdon minatoi.

HAKIM MITA 10:6

Umat in Israel buidon nomia kon dosa kon i Tuhan. Mosia in diádon noindoimai kon i Tuhan bo doí domandon nosumba kon i Tuhan. Mosia in nosumbadon kon dewa mita i Baal bo Asytoret, bo dewa doman in bangusa in Siria, Sidon, Moab, Amon bo Pilistin.

YEREMIA 27:3

Sia in nopotabá doman kon inakó nopotaau in koyow-Nea kon i datu mita in Edom, Moab, Amon, Tirus bo Sidon, takin pinotonsigad kon totabá mita monia inta ain namangoi in Yerusalem sin mokipodungkuḷ kon i Datu Zedekia.

YEHEZKIEL 28:21

“Ei intau ilo-ilow, kutukdon kotá in Sidon.

YEHEZKIEL 28:22

Potaaudon kon intaunea mita kon Akuoi ki Tuhan Inta Totok in moḷantud noguman kon i monia, ‘Akuoi naa in musungmu, ei Sidon. Intau mita in modayowbí kon i-Nakó popisí in inta inaidan-Ku kon i monia. Kon tungkuḷ in Akuoi nohukum kon intaumu, kotaauandon monia kon Akuoibí in ki Tuhan inta motusi.