YESAYA 23:2 - Alkitab Singog In Mongondow Masa In Tanaa

^2-3 Pogamuidon, ei intau inta nogutun kon bingkí in dagat, mododagang mita in Sidon! Sin biasamai moiko in mopotabá kon intau mita mayá in ḷoḷan in dagat sin mopotaḷui bo motaḷui kon gandum in Mesir bo modagang takin bayongan in bangusa.

YESAYA 23:2 Referans Kwoze

YESAYA 47:5

Ki Tuhan in noguman kon Babel, “Kibio-biómaidon, bo tuotdon kon bonu in sindip. Iko in diá bidon bui tangoion ‘Bokí in dodatuan mita.’

HABAKUK 2:20

Ki Tuhan in kon bonu in Baḷoi-Nea inta motusi; maníka bayongan in intau kon dunia naa in kibio-biómai kon tayowon-Nea.

YEHEZKIEL 28:2

“Ei intau ilo-ilow, potaaudon kon i datu in Tirus, onu inta poguman-Ku, Akuoi ki Tuhan Inta Totok in moḷantud kon inia, ‘Iḷumoḷatú totok in iko in nonganggap kon iko in dewa inta nomarenta kon yua-yuak in dagat. Motaaubí doman iko in tumon dewa, táe toropdon, iko in tongábí intau ilo-ilow.

YESAYA 41:1

Guman i Allah, “Kibio-biómaidon bo indongogai in Akuoi, ei intau mita inta nogutun kon butá mita inta moyayú. Posadiadon in simindog kon pongadilan, bayádon bo potaaudon in pelekaramu. Igai in kita mopoyotantan moyotakin, sin monantú mongo ki ine in banar, bo ki ine in noitaḷá.

MAZMUR 46:10

Sia in nopogogai in parang kon sinangkub in dunia, piot bo pandong irimumud-Nea, kaḻeaw noḻimbung in sinubá-Nea.

YEHEZKIEL 28:21

“Ei intau ilo-ilow, kutukdon kotá in Sidon.