YESAYA 22:11 - Alkitab Singog In Mongondow Masa In Tanaa

¹¹ moiko in nogaid kon tabang kon bonu in kotá bo nosipun kon tubig nongkon tabang koyongan. Táe moiko in diá nonondudut kon i Allah inta ain noonggot in nonomayá kon tua komintan, bo inta nokopopisí kon tua nobaḻí.

YESAYA 22:11 Referans Kwoze

MIKHA 7:7

Táe kita in mongamang mako kon i Tuhan; pinodoyon kon koyakinan moḻimbatú kita in mogoḷat mako kon i Allah naton. Sia in mokidongogbí kon sambayang naton bo moposaḷamat kon i naton.

YESAYA 31:1

Moboditodon in intau inta mayá in Mesir sin mokituḷung! Mosia in mopongatabí in ropot in tontara in Mesir inta tumakoi kon kabaḷo bo kabaḷonea inta mongoropot bo keretanea inta mobayong. Táe mosia in diábí mopirisaya kon i Tuhan, Allah mokudus in Israel bo diá mokituḷung kon i-Nia.

YESAYA 17:7

Kon singgai tatua intau in buidon mokituḷung kon i Inta nomaḻí kon inia, ki Allah mokudus in Israel.

DATU MITA 2 25:4

dinding in kotá dinangatandon in musung. Doḷom tua, umpaka intau in Babel koyogot mongopung kon kotá tatua, bayongan in tontara in Yohuda noḷagui nopobayá in Ḷopá in Yordan. Mosia in nongin taman in komaḻig, bo iḻumuai nongin bonawang inta nopoyoguput in dinding doyowa tatua.

YEREMIA 39:4

Kon tungkuḷ in ki Datu Zedekia bo bayongan in tontaranea nokoontong kon bayongan inta nobaḻí tatua, mosia in noḷongasi noḷagui minayá in Ḷopá in Yordan doḷom doman tatua. Mosia in nongin taman in komaḻig, bo iḻumuai nongin bonawang inta nopoyoguput in dinding in tampat tatua.

YESAYA 37:26

Diápa degá nokoimontanmai iko in nokodongog kon bayongan intua ain sinomayá-Ku nongkon dungkuḷmai? Bo tanaa in aidan-Ku intua. Akuoibí inta nobogoi kon inimu in kawasa morimumud kon kotá mita inta dininding nobaḻí dongka rumbunnea.

YESAYA 8:17

Ki Tuhan ain nogadop kon buí i Yakub, umat-Nea, táe mopirisayabí in akuoi bo umandoḷ mako kon i-Nia.

DATU MITA 2 20:20

Ouman ibanea kon i Datu Hizkia, kon onu mita in pinomianea inta mopia, bo naonda in pinogogaidnea kon tabang bo got in tubig sin mopoangoi in tubig kon kotá, tua komintan in pinaisdon kon bonu in buk Ouman in datu mita in Yohuda.

YESAYA 7:3

Ki Tuhan in noguman kon i Yesaya, “Diadon in ki adímu ki Syear Yashub bo bayádon pokipodungkuḷ kon i Datu Ahas. Iko in moyodungkuḷneabí kon popod in got in tabang kon ḻimonikan, kon pomomataan in momomatá mita.