YESAYA 21:5 - Alkitab Singog In Mongondow Masa In Tanaa

⁵ Inontongku doman in pinongaanan bobutungan inta ain sinadia; ḷoḻitúan in intau mita inta sinoko oiní ain sinadia. Mosia in nongaan bo nonginum. Bo daḻídon kinodongogan in parenta: “Ei porwira mita! Sadia in kaḻeawmu!”

YESAYA 21:5 Referans Kwoze

YEREMIA 51:57

Akuoi in mopoḷoḷangubí kon pojabat in pomarenta in Babel--intau mita mongopandoi, itoi bo tontara. Mosia in diá bidon mopobango-bangon bui, moḷoḷot modapot in mononoi. Akuoi in nosingogdon; Akuoibí in datu, Akuoi in Tuhan Inta Totok in mokawasa.

YEREMIA 51:39

Bo ibog monia mokaan in moḷobendon totok, Akuoi in mosadiabí kon pongaanan monia, bo poḷoḷanguon-Ku in mosia bo mopusing moidapot in moḷoḷot bo diádon mopobango-bangon bui.

KORINTUS 1 15:32

Aka tongá pongin raian in intau, yo onubí in kauntungan kon inakó in moberjuang totok naonda bo monayow kon mahaḷuk mita inta mongoromú kon kotá in Epesus tanaa? Aka totuu kon intau minatoi diá biagon bui, yo maníka dumudui in kita kon ná kain singog in intau nanaa: “Koḻigai mongaan bo monginum poḷat mobarasanang in kita sin ikoḷom in tatap matoibí doman.”

YEREMIA 51:11

Ki Tuhan in nopotabádon kon datu mita in Media, sin moibog in Sia morimumud kon Babel. Natuata in pototuḻínea kon aid in intau mita inta norimumud kon baḷoi-Nea. Porwira mita in tontara in parang nomarenta, “Iḷanitai in piot! Podia kon kaḻeaw!

YESAYA 13:2

Pokerabdon in bandera mita in parang kon tudu in buḷud inta noḷogat! Pokuanidon kon tontara mita, bo tonggódon in kokaḷmu sinbá mosia in monubu kon bonawang mita in kotá inta moḷoḷatú tua.

SAMUEL 2 1:21

Ei buḷud mita in Gilboa, indongogaidon in baḷúku: Dika modapot in oḷú bo uyan momuntad kon inimu! Pomayádon mako moingkag bo moḷogat in gobá bo tampat popokaanmu in biag. Sin kon tuata in kinogambatan in kaḻeaw in intau mita mobarani. Bo kaḻeaw i Saul in kaḻiotáan, diádon iḻepoan bui in ḷana.

YEREMIA 46:3

“Porwira mita in Mesir mopobaḷú kon tontaranea mosadia, ‘Ruitai in pandong! Pogiḷambungdon in ḷambung uatoi bo sapoyo uwaja! Sadia in kaḻeaw bo tuotdon kon bonu in pipidan! Moiko, tontara tumotakoi kon kabaḷo, popoḷutudon in sabarak! Takoiaidon in kabaḷomu, bo bayá poparang!’