YESAYA 21:17 - Alkitab Singog In Mongondow Masa In Tanaa

¹⁷ Momomiot mita in Kedar in intau inta totok in motorindog. Táe tongábí topiḻik nongkon i monia in mosaḷamat. Akuoi, ki Tuhan Allah in Israel ain nosingog.”

YESAYA 21:17 Referans Kwoze

ZAKHARIA 1:6

Pinongin in nabi mogogundoi-Ku mita tatua, pinotaau-Ku in parenta mita bo tompoingat-Ku mita kon mogoguyangmu. Táe diá pinandungmai monia dá mosia in musti mobaba kon bungainea. Bo nomanasaḷ in mosia bo ináku monia kon Akuoi, ki Tuhan Inta Totok in mokawasa, nohukumdon kon i monia pinodoyon kon taḷá monia, bo noitombutung kon onu inta ain sinantú-Ku.”

YESAYA 1:20

Táe aka moiko moḷawang kon i-Nakó, moiko in matoibí kon poparangan. Akuoi, ki Tuhan, ain nosingog.”

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!

MATIUS 24:35

Ḷangit bo butá in moyoyangbí, táe singog-Ku naa in mononoibí.”

YEREMIA 44:29

Akuoi in mopoangoibí in bodito kon inimu kon tampat tanaa sin moponiata kon inimu kon hukuman inta sinomayá-Ku kon i monimu, in totu-totuubí kon mobaḻí.

MAZMUR 107:39

Táe mosia in sinaḷow bo dongkadon topiḻik popisí in roriga bo pinondorotan inta noḻingá.

YEREMIA 49:28

Naa in pinoguman i Tuhan soaḷ suku in Kedar bo butá mita inta kinawasa i Hazor, inta ain inagow i Nebukadnezar datu in Babel, “Ei Nebukadnezar, tubudon in suku in Kedar bo yopúdon in intau mita kon dotá in pomukaan!

YESAYA 31:2

Ki Tuhan mobijaksana bo kotaauan-Nea onu in aidan. Sia in mopoangoi in bodito bo mopobayá in onu inta pinogogondok-Nea sin mohukum kon intau moraat bo intau inta motuḷung kon i monia.

YESAYA 34:16

Tayakdon bo bacadon kon bonu in Buk i Tuhan: Diábí tobatúmai in nongkon bayongan in biag tatua in mobuḻi andeka diá kogapang. Sin natuata in parenta i Tuhan, bo Sia tontaní inta ain nosipun kon i monia.

YESAYA 45:23

Akuoi in ain nodandi, bo dandi-Ku in diábí motaau inggamáan; podoyon kon i-Nakó tontaní Akuoi in mongibot: Pomuḷoi in intau in tumungkudbí kon tayowon-Ku, bo kon bonu in tosingogonnea tontaní modandi kon mosatia kon i-Nakó.