YESAYA 21:16 - Alkitab Singog In Mongondow Masa In Tanaa

¹⁶ Bo ki Tuhan in noguman kon inakó, “Noitongkaná in totaongpa bo kotoyangan in suku mita Kedar in mopaḷutdon.

YESAYA 21:16 Referans Kwoze

YESAYA 60:7

Bembé domba in Kedar diaan kon inimu domba koḷakian nongkon Nebayot sinadia pakéon kon ibadamu. Kuruban tatua in mokosanang kon gina i Tuhan Baḻíon-Nea morame in Baḷoi-Nea inta nopuḻing in kamuliaan.

YESAYA 16:14

Bo tanaa in ki Tuhan in noguman, “Toḷupa notaong naa, bayongan in kaoyúonan inta pinoyunggaga in Moab in moinggamádon. Rayatnea inta mobayong in mobaḻídon moyakag bo moyangkó.”

MAZMUR 120:5

Moboditodon in akuoi popisí in musti mobiag moyotakinmu; diá in yoposinea naonda bo nogutun kon Mesekh, andeka kon sigad in intau in Kedar.

YEHEZKIEL 27:21

Intau in Arab bo mongongawasa in butá in Kedar notaḷui kon pakakatmu mita nomaké in ki adí in domba, domba koḷakian bo bembé.

DONDONG MOḶANTUD 1:5

Umpaka morondí, moḷunatbí in akuoi, ei mongodeaga mita in Yerusalem; morondí ná ḷoḷaigan mita in Kedar, táe mogaga naonda bo toipoi mita in komaḻig i Salomo!

YEREMIA 49:28

Naa in pinoguman i Tuhan soaḷ suku in Kedar bo butá mita inta kinawasa i Hazor, inta ain inagow i Nebukadnezar datu in Babel, “Ei Nebukadnezar, tubudon in suku in Kedar bo yopúdon in intau mita kon dotá in pomukaan!

YESAYA 42:11

Pomayádon mako in padang gurun bo kotánea mita in modayow kon i Tuhan, bo intau in Kedar modayow kon i-Nia! Porogiowdon in intau mita kon kotá in Sela, bo morobaḷú nongkon tudu totok in buḷud!

KINOBAḺIAN 25:13

Ki Ismael kogadí kon mopuḷú bodoyowá inta tangoion kon naa podudui in kinololahir monia: Ki Nebayot, ki Kedar, ki Adbeel, ki Mibsam, ki Misyma, ki Duma, ki Masa, ki Hadad, ki Tema, ki Yetur, ki Napis bo ki Kedma. Adí mita tatua nobaḻí mogoguyang in mopuḷú doman bodoyowá nosuku bangusa, ḻipú bo ḷoḷaigan monia in sinangoian podudui in tangoi mita monia.

AYUB 7:1

Intau tua in naonda bo pinakisa mogaid kon oaidan; mobogat in kobiagannea naonda bo kobobiag in intau noniguan;

TAWARIKH 1 1:29

Naa in ki adí mita i Ismael: ki Nebayot, inta guya-guyang, bodongka ki Kedar, ki Adbeel, ki Mibsam,

YEREMIA 2:10

Bayádon pongin bingkí in dagat in Siprus kon dotá in toyopan, potabádon in intau mayá in dotá in utuan kon butá in intau in Kedar, taridiaidon kon tua kotaridion, mongo nokoimontandon in nobaḻí in natua?