YESAYA 2:18 - Alkitab Singog In Mongondow Masa In Tanaa

¹⁸ Berhala mita in moinggamádon komintan.

YESAYA 2:18 Referans Kwoze

ZAKHARIA 13:2

Kon singgai tatua popatan-Kudon in tangoi in berhala mita nongkon butá tanaa, dá diádon tobatúmai in mokotoropa kon tua. Bayongan intau inta mongaku kon nabi in sia poguntunon-Ku takin i monia inta kinokawasaan in dimukud inta motombogá.

ZEPANYA 1:3

bayongan in intau bo bobiagon, moitakin doman in ḷagapan bo toyá. Intau moraat in yompaton-Kubí. Bayongan umat intau in yompaton-Kubí, diábí tobatúmai in intau in pomayá-Ku mako in mobiag. Akuoi, ki Tuhan, ain nosingog.

HOSEA 14:8

Mosia in mobuibí mangoi kon i-Nakó bo mogutun kon bonu in siungon-Ku. Totokbí in motoyong kotomomanan monia, naonda bo gandum inta mobiag kon gobá inta noḷumbá bo naonda bo gobá in anggur. Naonda bo tubig in anggur in Libanon tangoi monia in ponango-nangoiandon.

YEHEZKIEL 37:23

Mosia in diá bidon mongotor kon awak monia pongin mogaid kon dosa bo mosumba kon berhala mita inta mokorongó. Poḷuaton-Kudon in mosia nongkon bayongan in totuaḻingan inta nokopopisí kon i monia nonoḻikud kon i-Nakó. Potusion-Ku in mosia; mosia in mobaḻí umat-Ku, bo Akuoi in ki Allah monia.

YEHEZKIEL 36:25

Mopaḷut mako kon tua moiko in pisikan-Ku in tubig inta mosilang, sinbá modaritdon nongkon bayongan in berhalamu bo nongkon bayongan yagi-yagi inta ain nokokotor kon i monimu.

YESAYA 27:9

Táe dosa mita in Israel in tongábí motaau ampungan aka mezbah in dewa mita giḻingon koyimokon naonda bo silon. Bayongan in pototubáan kon dupa bo lambang i Dewi Asyera in rimumudon doman.

YESAYA 21:9

Indoiaidon, tuata in mosia! Tontara inta sinumakoi kon kabaḷo inta namangoi tumododoyowa. Onda intua moḷoḷukad tatua nopotaau, “Babel ain noḷabú! Patong mita inta sumbaanmai monia norimumud positabud kon butá.”

YESAYA 2:17

Intau moḷoḷatú in poompáan, bo intau mododia in potungkudon. Tongá ki Tuhan tontaní in poḷantudon.

YESAYA 46:1

Naa in kopaḷutan in dewa mita in Babel; dungkuḷmai patong i Bel bo i Nebo sinumba, táe tanaa in dinatogdon kon ḻikud in bobiagon, nobaḻí dodiaan in bobiagon inta moḷopí.

YEREMIA 10:11

Moiko, ei umat, musti mopotaau kon i monia kon dewa mita inta diá nomaḻí kon ḷangit bo butá tua in yopúonbí. Mosia in moinggamábí nongkon tudu in butá naa.)

YEHEZKIEL 30:13

Ki Tuhan Inta Totok in moḷantud in noguman, “Akuoi in morimumudbí kon berhala mita bo dewa mita kon Mempis. Diá bidon in datu kon Mesir. Bayongan intau inta nogutun kon tua in baḻíon-Kubí moondok komintan.

MIKHA 1:7

Patongnea mita inta mongomahaḷ in rimumudon, bo bayongan in pakakat inta ogoi kon bobay mita inta mopobayá in oaidannea kon kuil in tubáan, takin bayongan in berhalanea in yompaton. Tua mita in nouḻí monia kon pinoibadaannea kon i dewa in koḷumbaan. Tanaa bayongan intua akutondon in musungnea mita sin posumbadon mobaḻí sukur kon dewa mita monia.”

MIKHA 5:13

Tugu mita i Dewi Asyera kon butámu in umpagon-Ku, bo kotámu mita inta oyúon in poḷoḷukadan in rimumudon-Ku.

YEREMIA 51:18

Berhala mita tatua diá in boḻinea, patusbí rebegon bo singkuḻeon. Aka moiangoidon in wakutunea, moyopúbí in mosia.

YEHEZKIEL 6:6

Bayongan in kotá in Israel in yompatonbí, bayongan in mezbah bo berhalanea in morimumud posirarit, pototubáan kon kamania in morimumudon magí-mako, bo bayongan onu inta inaidan monia in moinggamábí.

ZEPANYA 2:11

Baḻíonbí i Tuhan moondok in mosia. Sia in morimumudbí kon dewa mita kon butá. Bo bayongan in bangusa in moibadabí kon i Tuhan, kon batúannea kon butá monia tontaní.