YESAYA 19:6 - Alkitab Singog In Mongondow Masa In Tanaa

⁶ Got mita in mobódon in bongkog kon dodai in tubignea kodait-kodait. Bumbung bo bonok in moḷaḷowdon.

YESAYA 19:6 Referans Kwoze

YESAYA 37:25

Iko doman in dinumodia kon iko in nongaḻi kon parigí bo nonginum kon tubig kon butá mita in intau, bo tontaramu mita in kopia noruntai kon Ongkag in Nil nodapot in noingkag.

AYUB 8:11

‘Tongábí kon tampat inta oyúon in tubig mobiag in bumbung; bakung in tongábí mobiag kon butá inta noyoná.

DATU MITA 2 19:24

Iko doman in dinumodia kon iko in nongaḻi kon parigí bo nonginum kon tubig kon butá mita ibanea, bo tontaramu mita in noritak kon Ongkag in Nil noidapot in noingkag.

IḶUAIAN 7:18

Toyá mita kon bonunea in matoi, bo ongkag tanaa in mobongkogdon, dá bangusa in Mesir diá motaau monginum nongkon tubig tanaa.’ ”

IḶUAIAN 2:3

Táe adí mointok tatua diábí motaau in umurannea bunion mako. Dá ki iná in adí tatua in nogamá kon karansi bo inaipannea in bonok poḷat inaipan doman in aspal sinbá diá tuotan in tubig. Adí mointok tatua pinopouḻidnea kon bonu in karansi tatua, bodongka dinianea kon Ongkag in Nil bo inukatnea kon yua-yuak in ḷontad in utó inta kon bingkí in ongkag tatua.

YESAYA 18:2

Nongkon ḻipú tatua namangoidon in totabá mita nongin Ongkag in Nil sinumakoi kon uangga mita sinonkasigan. Ei totabá mita inta mongotoḻidat, ḷagidon pobui kon ḻipúmu inta kinotaḻiban in ongkag mita tatua. Diadon in koyow tobatú potaau kon bangusamu inta moropot bo motorindog, intaumu mita inta moḷantud bo inta moaḷus in kuḻitnea bo inta kinoondok kon sinangkub in dunia.

YESAYA 15:6

Tubig in Ongkag in Nimrim bo bonok inta nobiag kon bingkínea ain noingkag totok, diádon in mobobiag in noḷunow.

KINOBAḺIAN 41:2

Indoianmai daḻíbí noitukat magí in sapi pitu inta totok nongoḷongó bo kuḻitnea in mopouḻi uḻinag, iḻumuai nongkon ongkag tatua bo mulai nokaan kon bonok kon bingkí in ongkag tatua.

NAHUM 3:8

Ei Niniwe, yo umpaka dá ikobí in mopia-pia nongkon Tebe, ibukotá in Mesir? Tebe in noiukat doman kon bingkí in ongkag inta nogoḻingoi kon inia saḷaku dinding. Oo, Ongkag in Nil tatuata in benteng poḷoḷukadannea.

AYUB 8:12

Aka moingkag in tubignea, bumbung tua in matoibí, moiunabí kon pinomuḷa ibanea. Bokaka noḷumbápabí bo deemanpabí wakutunea, sia in pongkóon bo popobaraguna.