YESAYA 17:2 - Alkitab Singog In Mongondow Masa In Tanaa

² Kotá mita in Siria in taḷaandon modapot in mononoi bo nobaḻídon tampat in paanan in bobiagon; diábí tobatúmai in intau in moguntun kon i monia.

YESAYA 17:2 Referans Kwoze

YEHEZKIEL 25:5

Kotá in Raba in baḷuian-Ku mobaḻí popokaanan kon unta, bo sinangkub in butá in Amon mobaḻí popokaanan in domba. Dá kotaauandon monimu kon Akuoibí in ki Tuhan.’ ”

YEREMIA 7:33

Mayat mita monia in mobaḻídon kokaanon in ḷagapan bo mahaḷuk inta mokokaan kon tapú, takin diábí in motayakmai.

ZEPANYA 2:6

Butámu kon diug in dagat mobaḻí rawang in bonok; ḷuḷung mita in gombala bo kobang mita in domba in posindogon kon tua.

MIKHA 4:4

Pomuḷoi in intau in mobiag bidon moaman bo motomoman kon yuak in gobá in anggur bo gobá in aranea; diá bidon in mopogogondokmai kon inia, tuata in dandi i Tuhan Inta Totok in mokawasa.

ULANGAN 2:36

Takin totuḷung i Tuhan Allah naton, kita nokoagow kon bayongan kotá tatua, pinangkoi kon Aroër, kon popod in Ḷopá in Arnon, bo kotá kon yuak in ḷopá tatua, nodapot kon butá in Gilead. Diábí in dinding kotá inta motogat naton umpagon.

PINOGIAPAN 32:34

Suku in Gad noposindog bui in kotá in Dibon, Atarot, Aroër,

YEREMIA 48:19

Moiko inta nogutun kon Aroër, sindogdon kon bingkí in daḷan bo tondudutka! Ḻibódon kon i monia inta noḷagui, bo inta nosaḷamat, ‘Onu degá in nobaḻí?’

ULANGAN 3:12

“Naonda in butá tatua nobaḻí kapunyaan naton, inogoiku intua kon suku Ruben bo Gad in butá kon dotá in utuan kotá in Aroër kon diug in Ongkag in Arnon, bo tongosilai nongkon butá in buḷud Gilead, noitakin doman in kotánea mita.

YESAYA 7:21

Kon dodai intua, aka intau tobatú momiag kon sapi tobatú batánea bo bembé tongá doyowa,

YESAYA 5:17

Kon kinogoguyaatan in kotá ki adí in bembé bo domba in mokaan kon bonok bo diábí kodaitan in kaanonnea.

YOSUA 13:16

Butá monia tua in nongkon Aroër (kon bingkí in Ḷopá in Ongkag in Arnon) bo kotá inta kon yua-yuak in ḷopá tatua nodapot kon bayongan in rata inta moḷantud kon diugmai in Medeba;

AYUB 11:19

Iko in diá bidon moondok kon musung; mobayong in intau in mopoigum in totuḷung kon inimu.

YESAYA 7:22

yo tubig in teté in bobiagon tatua in moiḻiubí kon tugat poinumon kon intau mita inta ki agatnea kon butá tatua. Totuu, mosia in monginumbí kon susu bo biluk.

YESAYA 27:10

Kotá inta dininding tatua noingongowdon bo sinaḷáan naonda bo rawang noingkag inta diá koonu bo onu. Paanan in bobiagon mokaan kon bonok bo mogogai kon tua poḷat mokopodait kon daun mita inta kon tanga mita in kayu.

YEHEZKIEL 39:26

Aka mosia in mogutundon bui takin moodom kon butá monia tontaní, bo diádon tobatúmai in intau in mopogogondok kon i monia, dá koḻiongandon monia kon dodai in mosia pinokopo oyámai popisí in nonoḻikudon kon i-Nakó.

YOSUA 13:25

Butá monia tua in nongkon Yaezer bo bayongan kotá in Gilead bo tongobotak nongkon butá in bangusa in Amon nodapot kon kinoouput in Aroër kon dotá in pomukaan Raba;