Biblia Todo Logo
Bib sou entènèt

- Piblisite -




YESAYA 17:10 - Alkitab Singog In Mongondow Masa In Tanaa

10 Israel, iko in nokoḻiongdon kon i Allah inta noposaḷamat bo noḷukad kon inimu naonda bo buḷud batu inta moroton. Noyoḻiu kon tua, iko in nomuḷadon kon gobá mita sin ogoi kon dewa mita.

Gade chapit la Kopi




YESAYA 17:10
48 Referans Kwoze  

Oyúon degá in mongodeaga inta mokoḻiong kon ḷambánea, andeka nonikaan bobay inta mokoḻiong kon ḷambung nonikaannea? Táe moiko in noonggotdon totok in nokoḻiong kon i-Nakó – nongkon tungkuḷpabí inta diádon koiapan in koonggotnea.


Umurandon popirisaya kon i Tuhan, sin ki Tuhan Allah tantú moḷukad kon i naton.


Mosia in nonoḻikudon kon Mopoposaḷamat monia inta motoyang, noḻiongdon kon i Allah monia inta nobogoi in kobiagan.


Mosia in noḻiong kon i Allah mopoposaḷamat monia inta ain nogaid kon aid mita moḷoben kon Mesir.


Ki Tuhan in mododuḷumu inta moroton, oaidan-Nea in motonggimok, bo bayongan daḷan-Nea in motuḻid. Ki Allahmu in mosatia, diábí in tombogá kon i-Nia, Sia in nogaid kon onu inta mopia bo totuu.


Intau in Israel noposindog in komaḻig mita, táe mosia in nokoḻiong kon i Inta nomaḻí kon i monia. Intau in Yohuda nodugang kon kobayong in kotá mita inta dininding, táe Akuoi in mopoonagbí in tuḷú sin momagong kon bayongan in komaḻig bo kotá mita monia.”


Tuhan, Ikobí in inandoḷan in Israel, umat-Mu; Bayongan inta nonaḷámai kon ini-Mu in mooyábí. Mosia in moinggamábí nongkon dunia naa bo mayá in dunia in intau minatoi. Sin, Iko in bokaká in tubig kobiagan in sinaḷáandon monia, o Tuhan.


Umat-Ku in momuḷa kon gandum, táe dugidon in sinipú. Mosia in rumoriga in mogaid táe diá in bungai in siniḷopíannea. Akuoi in sinumorú totok dá bungai in boyó monia diá nopia.”


Umpaka dá kinoḻionganmu in ki Tuhan inta nomaḻí kon inimu inta nosongká kon ḷangit bo inta nopoukat in dodoyonan in butá? Nongonu sin kinoouput in singgai mourot in iko kon torú in monondorot inta nosadiadon momutú? Totuubí kon torú monia tua diábí kumaan kon inimu.


Totuu, ki Allah tua in mopoposaḷamatku, akuoi in mopirisaya kon i-Nia. Akuoi in diábí moondok, sin Sia in moginropot kon inakó. Mopoposaḷamatku in ki Allah, Kon i-Nia in popoyaputanku in dondong.


Táe ḷagibí kinoḻiongan monia in aid i Tuhan bo mogaid takin diádon mopoigum in tonggina-Nea.


Mosia in diá bidon sinorúan-Mu; torú-Mu inta motoyang in ginamá-Mudon bui.


Musung in Israel nonotaau kon pogogadopan monia diábí ná ki Allah inta mogogoḻiung in Israel.


Tuḷungaipa kaasí in kami o Allah, mopoposaḷamat nami, ampungaipa in dosa mita nami bo poḷuatdon in kami podoyon kon kahoromatan-Mu tontaní.


Singogdon, “Oo Allah, Mopoposaḷamat nami, posaḷamatdon in kami nongkon kawasa in bangusa mita bo sipundon bui in kami sinbá motaaudon in kami mopoyaput in sukur bo modayow kon tangoi-Mu inta motusi!”


Umat i Tuhan nobaḻí nobiag nooyúon, táe moibog momarontak, mosia in nongoḷongó, nobotug in kaanon. Bo mosia in nonaḷámai kon i Allah, inta nomaḻí kon i monia bo nondoí kon Mopoposaḷamatnea inta moroton.


Aka moiko diá motoindudui kon i Tuhan Allahmu, tanaa mita in moiuma kon inimu: Moiko in mongantangbí, táe intaubí ibanea in mobuḷoi kon i kantangmu. Moiko in moposindogbí in baḷoi, táe diábí utunanmu intua. Moiko in momuḷabí kon gobá in anggurmu táe diábí moikaan kon bungainea mita.


Dika mokoḻiong kon i Tuhan Allahmu bo dika mayá kon ilah mita ibanea sin mosumba bo mogundoi kon i monia. Singgai in naa akuoi moponorop kon i monimu kon aka aidanpa doman monimu intua, yo notantú bidon kon yopúon i Tuhan in moiko.


yo ḷukadai kopia sinbá moiko diá mobaḻí mododia bo mokoḻiongdon kon i Tuhan Allahmu inta nopoḷuai kon i monimu nongkon Mesir, tampat inta pinononggataan kon i monimu.


“Ḷukadai kopia dika modapot in moiko mokoḻiong kon i Tuhan Allahmu; dika tobatúmai in taḻiban monimu in nongkon bayongan hukum-Nea inta inogoiku kon i monimu singgai in naa.


yo ḷukadai kopiaan sinbá diá in moiko mokoḻiong kon i Tuhan inta ain nopoḷuai kon i monimu nongkon Mesir, tampat pinononggataan kon i monimu.


Bayongan inta irorigaanmu diádon in mangaḻenea, sin butámu in diá bidon in mangaḻenea bo pangkoi in ayop monimu diábí momungai.


yo hukumon-Ku in moiko. Popoangoi-Ku in bodito kon i monimu, mogobu bo mopatú inta diá koundaman, modapot in matamu mobilogdon bo kobobiag monimu in diádon mosanangmai. Moiko in monompinomuḷabí táe diábí moikaan kon bungainea, sin musungmu mita in momangoi bo monaḷow kon i monimu bo mogagow komintan kon onu inta pinomuḷa monimu.


Kapunyaan monia in agowonbí bo baḷoi mita monia in rimumudon. Mosia in mobaḷoibí, táe diábí koutunannea. Mosia in momuḷabí kon anggur táe diábí moiinum kon tubignea.”


ginaku in umuranbí moḷunganga, sin Iko in ki Tuhan mopoposaḷamatku.


Moiko in mondorot kon intau bogá bo gandumnea in agowon monimu. Tuamai in moiko in diábí mogutun kon bonu in baḷoimu mita inta totok in mopia, inta ain pinosindog monimu tatua. Moiko in diábí monginum kon anggur mita nongkon gobá mita in anggur inta pinomuḷa monimu.


Moiko, imang mita, diá mopandungmai kon i-Nakó, dá umat-Ku in diá domandon mopandungmai kon i-Nakó dá nobodito in mosia. Moiko in nondoí kon totundú-Ku mita. Dá, Akuoi in mondoí doman kon i monimu, bo ki adímu mita in diá doman akúon-Ku saḷaku imang-Ku mita.


Pia in kamang in intau inta piniḻí-Mu, bo inoiní-Mu mogutun kon Baḷoi-Mu. Kami in pooroponbí in bayongan inta mopia kon Baḷoi-Mu, pogogutunan-Mu inta motusi.


Akuoi in mokioḻingoi kon ini-Mu o Tuhan, dika pomayá mako in akuoi pokudaion. Posaḷamatdon in akuoi podoyon kon kooadil-Mu


Akuoi in motabi kon ini-Mu, o Tuhan, Ikobí in nobaḻí ropotku.


Ki Tuhan in nokipogontongdon tontaní popisí in singog inta sinantú-Nea in moadil. Intau moraat noiḷosok kon aidnea tontaní.


Kon singgai tatua, kotá mita in Israel inta moropot in poḷoḷukadnea in mobaḻí bidon dongka rumbunnea bo moingongowdon totok, naonda bo kotá mita inta sinaḷáan in intau in Hewi bo Amori kon tungkuḷ in mosia noḷagui kon intau in Israel.


Kon tungkuḷ in deemanpa sempo in ayop, kon tungkuḷ in toburnea ain nototak bo bungai in anggur diápa noḷutú kon pangkoinea, Sudan in rimumudondon in musung, ná kogogampang in tosilad moratab kon tanga mita in anggur.


Sin iko in mobaḻí poḷoḷaguian in intau mita inta moyangkó, nobaḻí tampat inta moaman kon intau inta bogá kon dodai in mororiga. Ikobí in pogogadopan aka oyúon in deḷang, pononiungan aka mopatú totok. Sin intau moromú monubu naonda bo deḷang kon sempo in uagat,


Táe moiko, umat i Allah, in moḷungangabí in gina bo modondong naonda bo kon dodai in doḷom poramean kon agama. Moiko in totokbí in mopia in gina naonda bo intau mita inta minayá bo sinakinan in bansí mopobayá in Baḷoi Tuhan, mododuḷu in Israel.


O Tuhan, kotabipa kaasí in kami. Iko in nobaḻí oandoḷan nami. Ḷukadaidon in kami muḷoi in singgai bo posaḷamatdon in kami kon dodai in koantugan in roriga.


Bangusa-Ku, dika moondok andeka moitaḻikokog; sin nongkon dungkuḷmaipabí nodapot in tanaa Akuoi in nonoḻindapdon kon onu in mobaḻí? Moiko in sakusi-Ku mita. Moḷoḷukad ibanea in diábí bo diábí kinotaauan-Ku.”


Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.


Ki Tuhan in nobogoi in koyow tanaa kon sinangkub in dunia, “Poguman kon intau inta nogutun kon Sion, ‘Indoiai, ki Tuhan Mopoposaḷamat namangoi! Sia in sinakinan in intau mita inta ain pinoḷuat-Nea.’ ”


Kon tudu in buḷud mita kinodongogan in dowawá; tua in singog in umat in Israel inta nongombaḷ bo noigum totok, popisí in mosia ain binaradosa, bo nokoḻiongdon kon i Tuhan Allah monia.


Ki Tuhan Inta Totok in moḷantud in noguman, “Popisí in iko nokoḻiongdon kon i-Nakó bo nonoḻikudon kon i-Nakó, dá mororiga in iko sin ibogmu inta noiḷanú bo pinosundaḷanmu.”


Batoḷ minatoi kon butá inta nobota-botak. Diá in gandum tagúon, dá ontag mita in diá in bonunea bo nobaḻídon apug.


Oyúon doman in nobaḻí ouboḻian moḻimod, mototayak kon kauntungan moḷoben kon intau ibanea bo mogogagow kon intau tongobangusanea. Mosia komintan nokoḻiongdon kon i-Nakó. Akuoi ki Tuhan Inta Totok in moḷantud ain nosingog.


Swiv nou:

Piblisite


Piblisite