YESAYA 16:14 - Alkitab Singog In Mongondow Masa In Tanaa

¹⁴ Bo tanaa in ki Tuhan in noguman, “Toḷupa notaong naa, bayongan in kaoyúonan inta pinoyunggaga in Moab in moinggamádon. Rayatnea inta mobayong in mobaḻídon moyakag bo moyangkó.”

YESAYA 16:14 Referans Kwoze

YEREMIA 48:42

Moab in morimumudbí bo diádon naonda bo bangusa tobatú, sin mosia in dinumodia kon i-Nakó.

YESAYA 23:9

Ki Tuhan Inta Totok in mokawasa, Siabí inta ain nonantú tatua. Sia in nonantú kon momaḷutdon kon kaḷakuang in intaunea kon bayongan inta bungai in oaidan inta ain nouḻí monia, bo mopoompá kon intau mita inta ihoromat kon dunia.

YESAYA 21:16

Bo ki Tuhan in noguman kon inakó, “Noitongkaná in totaongpa bo kotoyangan in suku mita Kedar in mopaḷutdon.

YEREMIA 9:23

Ki Tuhan in noguman, “Intau mobijaksana in diábí motaau in moyunggagá popisí in kobobijaksananea, intau moropot popisí in ropotnea, bo intau nooyúon popisí in kaoyúonannea.

YESAYA 25:10

Ki Tuhan in moḷukadbí kon Buḷud in Sion, táe Moab in ritakanbí naonda bo wawa kon yoyatan.

YESAYA 17:4

Ki Tuhan in noguman, “Moiangoibí in wakutunea koḷantudan in Israel in mopaḷut, bo kobiagannea motompia in moinggamá.

YESAYA 15:5

Akuoi in motabi kon Moab! Intaunea in noḷagui minayá in kotá in Zoar bo kon Eglat-Selisia. Oyúon in notakod kon daḷan nopobayá ná Luhit sindaḷan nongombaḷ; oyúon in noḷagui minayá in Horonaim sindaḷan kumarak sin kinoantugan in bodito.

YESAYA 7:16

Sin kon dodai in wakutu tatua diápa moiangoi, ḻipú doyowa inta pinarenta in datu mita inta kinoondokmu tatua in taḷaanbí diádon in intau.

ESTER 5:11

Bo ki Haman in nongonguman kon ambungangaḷ kon i monia bo nopoontong in kaoyúonannea, kobayong in adínea ḷoḷaki, ḷoḻitúan pomomarentaan inta inogoi i datu, bo pangkatnea inta moḷantu-ḷantud nongkon bayongan in pogawai ibanea.

ULANGAN 15:8

Táe, moiko in musti mokopopia kon gina bo mopoḷuan kon intau tatua kinobobayong inta paraḷuonnea.

KINOBAḺIAN 31:1

Ki Yakub nokodongog kon ki adí mita i Laban nosingog nanaa, “Ki Yakub ain nogamá kon bayongan kapunyaan i amá naton. Bayongan kapunyaannea komintan nongkon kapunyaan i amá naton.”

AYUB 7:1

Intau tua in naonda bo pinakisa mogaid kon oaidan; mobogat in kobiagannea naonda bo kobobiag in intau noniguan;

AYUB 14:6

Pomayádon mako in sia mogogai, dika tuyayowon in sia; sinbá korasaannea in kobiagannea modapot in mopaḷut in oaidannea.

YESAYA 11:14

Mosia in moyotakin bidon in monubu kon intau in Pilistin kon toyopan bo mogagow kon bangusa mita kon pomukaan. Mosia in monaḷowbí kon bangusa in Edom bo Moab, bo bangusa in Amon in tumungkudbí kon i monia.

YESAYA 16:13

Tuata in koyow inta koḻipod inogoi i Tuhan soaḷ Moab.

YESAYA 25:11

Intaunea mita in motonggóbí kon ḻimanea naonda bo intau inta ḷumanguy. Táe ki Tuhan in mopoompábímai kon koḷoḷatú monia modapot in mosia diádon kodaya.