YESAYA 16:12 - Alkitab Singog In Mongondow Masa In Tanaa

¹² Intau in Moab iyumoyiga in notakod kon buḷud pobobogoian kon kuruban kon tampat pooibadaan monia sin mosambayang, táe diá in mangaḻenea.

YESAYA 16:12 Referans Kwoze

YESAYA 15:2

Intau inta nogutun kon Dibon motakod kon buḷud sin mongombaḷ kon tampat pososumbaan kon dewa mita. Intau in Moab takin morobonoḷ in dodob mogamui kon kotá in Nebo bo Medeba. Mosia in nongarug kon uḷu bo kumi nobaḻí tomponuot kon norobonoḷ in dodob.

YEREMIA 48:35

Pogogaion-Ku intau in Moab in motubá kon kuruban kon tampat mita pososumbaan monia bo mogogai in moposumba in kuruban kon dewa mita monia. Akuoi, ki Tuhan, ain nosingog.

DATU MITA IMITÁNEA 18:29

Natuata in inaidan monia nodapot in ḷoḷabungnea naonda bo intau inta kinotapanan. Táe diábí doman in notubag, diábí in noindoimai.

PINOGIAPAN 23:28

Dá dinianeadon in ki Bileam minayá in tudu in Buḷud Peor inta noitayow in padang gurun.

PINOGIAPAN 23:14

Dá ki Balak nodia kon i Bileam minayá in padang Zopim, kon tudu in Buḷud Pisga. Kon tua in sia noposindog doman in mezbah pitu bo noposumba doman in sapi koḷakian tobatú bo domba koḷakian doman tobatú kon batúan in mezbah tatua.

PINOGIAPAN 22:39

Dá minayádon in ki Bileam noyotakin i Balak kon kotá in Huzot.

YEREMIA 48:46

Moboditodon in Moab! Intaunea mita inta mosumbamai kon i dewa Kamos in iyopúdon, bo ki adí mita monia ain dinia nobaḻí dinakop.

YEREMIA 48:13

Moab in mokudaibí kon Kamos, dewa monia, naonda bo intau in Israel nokudai in gina monia kon Betel inta pinongata monia tua.

YEREMIA 48:7

Moab! Iko in mopongata in kodoḻikot bo kaoyúonanmu. Táe tanaa iko tontaní in taḷowonbí. Kamos, dewamu, takin imang mita bo pojabatnea mita in akutonbí pobayá in poḷumbúan.

YEREMIA 10:5

Patong mita berhala tatua in naonda bo intau yambá kon gobá in melong. Mosia in diábí mokosingog, diá mokoḷampang, bo musti buaton. Dika moondok kon i monia, sin mosia in diábí mokoaid kon inta moraat kon inimu; mogaid kon inta mopiapa yo diábí doman in mosia mokoaid.”

YESAYA 47:13

Iko in nororigadon popisí in nobayong in tonggina. Potabádon in mononoḻindap mita simindog moposaḷamat kon inimu; mosia inta ain nonaridi kon sinangkub in siup in ḷangit bo nobalajar kon kaadaan in tundi mita, bo kon pomuḷoi in buḷan mobagu monoḻindap kon onu inta mobaḻí ukurmu.

YESAYA 37:38

Kon singgai tobatú, kon tungkuḷ in sia koyogot in nosambayang kon bonu in kuil i Dewa Nisrokh, sia in iḻimod in pitow i Adramelekh bo i Sarezer, ki adínea mita ḷoḷaki. Nopaḷut mako kon tua mosia in noḷagui kon Ararat. Dá ki Esarhadon, ki adínea ḷoḷaki ibanea, in nobaḻí datu nomaḷui kon inia.

YESAYA 26:16

Iko ain nohukum kon i nami; kon bonu in roriga kami in nobui mangoi kon ini-Mu, bo nosambayang kon ini-Mu, Tuhan.

AMSAL 1:28

Kon dodai intua moiko in mokuani kon inakó, táe doí in akuoi tumubag. Tayakon magí-mako monimu in akuoi táe diábí mouḻí monimu.

DATU MITA 2 19:12

Kon dodai in mogoguyangku norimumud kon kotá in Gozan, Haran, bo Rezep, poḷat noḻimod kon intau in Eden inta nogutun kon Telasar, diábí in tobatúmai in nongkon dewa mita monia in nokoposaḷamat kon i monia.

DATU MITA 2 3:27

Tuamai in ginamáneadon in ki adínea ḷoḷaki inta guya-guyang bo pinosumbanea kon tudu in dinding in kotá nobaḻí sosumba kon i dewa in Moab. Dá noondokdon intau mita in Israel, dá inoinídon monia inumundok in tontara monia nongkon kotá tatua bo nobui kon butá monia.

DATU MITA IMITÁNEA 11:7

Kon tudu in buḷud kon dotá in pomukaan kon Yerusalem, noposindog in sia in tampat posumbaan kon i Kamos, dewa in intau Moab, bo kon i Molokh, dewa in intau Amon – doyowa tatua tumpaḷa dewa inta mokorongó.

PINOGIAPAN 24:17

Inontongku in sia, táe deemanbí tanaa mako; binobuiku in sia, táe nongkon noyayú. Datu tobatú nongkon Israel in sia, mamangoi naonda bo tundi inta motarang. Itoi mita in Moab in toko ropúonku bangusa i Set in rimumudonnea.

PINOGIAPAN 22:41

Nopoikoḷomai kon singgai ki Balak nodia kon i Bileam notakod kon buḷud in Bamot Baal. Nongkon tua ki Bileam mokoontong kon tongosilai in bangusa Israel.

PINOGIAPAN 21:28

Nokoimontandon nobaḻí nongkon kotá tanaa tontara in Sihon nonubu naonda bo tuḷú. Inta nokorimumud kon kotá in Ar kon Moab, bo nongawasa kon buḷud mita inta kinoouput in Arnon.

YESAYA 16:13

Tuata in koyow inta koḻipod inogoi i Tuhan soaḷ Moab.