YESAYA 14:25 - Alkitab Singog In Mongondow Masa In Tanaa

²⁵ Intau in Asyur kon Israel butá-Ku, in yopúon-Kubí, bo inta kon buḷud-Ku mita in tokoritakan-Kubí. Poḷuaton-Kubí in bangusa-Ku nongkon pinororigaan bo nongkon bobabaan inta pinakisa kon i monia in intau in Asyur.

YESAYA 14:25 Referans Kwoze

YESAYA 9:4

Singog in sapatu in tontara inta kodongogan bo ḷambungnea inta nopuḻing in dugú, modait kaanon in tuḷú.

NAHUM 1:13

Tanaa in pogogaion-Kudon in kawasa in Asyur kon i monimu, bo botowon-Kudon in rante inta pinotogot kon i monimu.”

YESAYA 14:5

Ki Tuhan ain nonimpod kon pinomarentaan in pongawasa mita inta moraat

YEHEZKIEL 39:4

Kon tudu in buḷud mita in Israel, ki Gog takin bayongan in tontara bo bayongan in inta dinumugang kon inia in matoibí kon parang, bo mayat mita monia in ogoi-Kubí kon ḷagapan mita bo mahaḷuk moraat sin pokikaan.

YESAYA 10:12

Táe ki Tuhan in noguman, “Aka inta aidan-Ku kon Buḷud in Sion bo Yerusalem tatua ain nopaḷut, Akuoi in mohukumbí kon datu in Asyur popisí in ḷoḷatú bo dodianea.”

YESAYA 33:1

Moboditodon in musung mita naton! Mosia in mogagow umpaka diá pinogagowan, bo nomaḻidawan umpaka diá Pinomaḻidawan. Táe naonda in mopaḷut mako mogagow bo momaḻidawan, mosia tontaní in mobaḻí bidon kuruban in pogagowan bo Pinomaḻidawan.

YESAYA 52:2

Sindogdon nongkon ḷobud, ei Yerusalem, ponopirdon in ḷobud inta noikompit kon inimu. Ḷuatdon in rante inta pinotokig kon sigogowmu, ei intau in Sion inta dinakop!

MIKHA 5:6

Intau in Israel inta ki agatneapa in mobaḻídon naonda bo oḷú moonow nongkon i Tuhan kon mobayong in bangusa, bo naonda bo uyan nomonag kon pinomuḷa. Mosia in umandoḷbí kon i Allah, bo deeman kon intau.

TAWARIKH 2 32:21

Bo ki Tuhan in nopotabá mangoi in malaekat inta noḻimod kon tontara mita bo porwira mita in Asyur tatua. Sidia in oyá totok nobuidon in ki datu Asyur kon butánea. Kon singgai tobatú kon dodai in sia kon bonu in baḷoi in dewanea, tongonumai nongkon i adínea mita in namangoi nonibat in pitow kon inia.

YEHEZKIEL 32:22

Asyur inumuḻid kon tua, iḻibu in pinoḷobongan kon tontaranea mita. Mosia komintan in minatoidon kon bonu in parang. Pinoḷobongan kon i monia in kon dotá in bonunea totok kon dunia in intau minatoi. Kon tungkuḷ in mosia nobiagpa, nokoondokdon kon dunia.

ZAKHARIA 10:11

Aka mosia bo ḷumoḷan kon dagat in roriga, Akuoi, ki Tuhan in momobak kon bokoḷ mita, dá apad in Ongkag in Nil moingkagdon totok. Bangusa in Asyur inta mododia in poompáan, bo Mesir inta motorindog in kobuḻiandon in kawasa.