YESAYA 12:1 - Alkitab Singog In Mongondow Masa In Tanaa

¹ Moiangoibí in wakutunea moiko in modondong: “Tuhan, akuoi mopoyaput in sukur kon ini-Mu, Sin Iko in noḻipoi kon inakó. Koḻipod Iko in sinumorú kon inakó, táe tanaa in noinggamádon in torú-Mu.

YESAYA 12:1 Referans Kwoze

MAZMUR 30:5

Podondongdon in dondong dodayow kon i Tuhan, ei umat inta motoindudui, bo posukurdon kon i Inta Totok in motusi.

YESAYA 25:1

Tuhan, Ikobí in ki Allahku, poḷantudonku in Iko bo dayowonku in tangoi-Mu. Sin oaidan-Mu mita totok in mokoherang; Nongkon dungkuḷmai Iko in nonomayá, bo umuran mosatia in Iko in nogaid kon tua.

YESAYA 54:8

Tongábí notoyong in Akuoi nonaḷámai kon inimu popisí in torú-Ku inta tumaga-tagab. Táe pinongin tabi mononoi Akuoi in notabi kon inimu.” Natuata in guman i Allah Mopoposaḷamatmu.

ZAKHARIA 14:9

Dá ki Tuhan in momarenta saḷaku datu kon sinangkub in butá; pomuḷoi in intau in mosumbabí kon i-Nia saḷaku ki Allah bo monotaau kon i-Nia takin tangoi inta notongkai intua.

HOSEA 6:1

Intau mita in Israel in noguman, “Igai mobuidon in kita kon i Tuhan. Siabí inta nopororiga kon i naton, táe Siabí doman inta monompia. Sia in nonongkekeb, táe Siabí doman in mobakut kon kekeb mita naton.

YESAYA 51:3

Yerusalem, ḻipoion-Ku in iko, bo bayongan inta nogutun kon kino rumbunanmu. Rawangmu mita inta noḷogat binaḻí-Kudon taman, naonda bo Eden, taman-Ku inta noḷumbá. Kon tua intau in morogiow bo mopia in gina bo mosukur pongin dondong mita.

YESAYA 35:10

Intau mita inta pinoḷuat i Tuhan in mobuibí; mosia in tumuot kon kotá in Yerusalem takin giow, pogot monia in moḷumbá popisí in ḷunganga in gina inta mononoi. Mosia in moḷunganga in gina bo morame; robonoḷ in gina bo amui moinggamádon komintan.

YESAYA 14:3

Ki Tuhan in mopoḷuatbí kon intau in Israel nongkon takit bo roriganea, bo nongkon oaidan mobogat inta pinakisa pinoki aid kon inia.

YESAYA 49:13

Podondongdon ei ḷangit, porogiowdon ei butá, ei buḷud mita. Porogiowdon takin pia in gina! Sin ki Tuhan in mamangoi moḻipoi kon umat-Nea, Sia in monotabi kon umat-Nea inta dinorot.

YESAYA 25:9

Kon dodai intua intau in mogumanbí, “Totuubí, Siabí in ki Allah naton; Siabí inta inoḷat mako naton, sinbá kita in posaḷamaton. Totuu, naabí in ki Tuhan; Siabí inta inoḷat mako naton. Tanaaya kita in morogiow mopia in gina, sin Sia in noposaḷamatdon kon inaton.”

SURAT I PAULUS KON JAMAAT RUM 11:15

Sin mosia ain sinolak i Allah, dá hubungan in intau kon dunia naa takin i Allah in motompiadon bui; apadoman aka mosia in tarimaan i Allah! Tantú tua in notongkaibí in naonda bo intau minatoi inta nobiagdon bui!

ZAKHARIA 14:20

Kon singgai tatua lonceng mita kon ḷambung in kabaḷo in kurigondon in tosingogon mita “Sinondídon kon i Tuhan” Pansi mita kon Baḷoi i Tuhan in horomaton naonda bo palo mita in sosumba kon tayowon in mezbah.

HOSEA 11:8

Ki Tuhan in noguman, “Ei Israel, diábí doman inta pomayá-Ku mako in iko andeka taḷaan-Ku mako natua. Degá iko in yopúon-Ku naonda bo Adma? Andeka pomiaan-Ku naonda bo Zeboim? Gina-Ku in diábí modapot in mogaid kon natua, sin tabi-Ku in moḷoben totok kon inimu!

YESAYA 66:13

Akuoi in moḻipoi kon i monimu kon Yerusalem, naonda bo ki iná inta moḻipoi kon i adínea.

YESAYA 26:1

Kon dodai intua intau mopodondong in dondong tanaa kon butá in Yohuda “Totuu moroton in kotá naton; ki Allah tontaní in noposindog in benteng-Nea, kon naa mosaḷamat in kita.

YESAYA 11:16

Bo kon umat-Nea inta ki agatnea in ogoianbí in daḷan moḷoben sin ḷuaian nongkon Asyur, ná kon tungkuḷ in Israel iḻumuai nongkon Mesir.

YESAYA 10:25

Kon bonu in wakutu motoyong torú-Ku kon inimu mogogaidon, bo mosia in yopúon-Ku.

YESAYA 2:11

Intau moḷoḷatú in poompáanbí bo intau mododia potungkudon. Tongá ki Tuhan tontaní in poḷantudon.

YESAYA 10:4

Ukurmu in tongábí ḻimodon kon parang andeka diaan nobaḻí intau inta dinakop. Táe ki Tuhan in umuranpabí tumorú bo tantú mohukum.

AYUB 13:16

Degá popisí in baraniku tatua mosaḷamat in akuoi, tuamai intau moraat in diá mokobaḻí tumayow kon i Allah!

MAZMUR 9:1

Kon i itoi in mododondong. Podudui in dondong Mut-Laben. Mazmur i Daud.

MAZMUR 71:21

Baḻíon-Mu in akuoi totok in horomaton, bo moḻipoi bui kon inakó.

YESAYA 54:7

“Tongábí tokokiap monag Akuoi in nonaḷámai kon inimu; pinongin ḻimbatú in tabi iko in ginamá-Ku bui.

YESAYA 54:9

“Naonda bo kon tungkuḷ i Nuh Akuoi in nodandi kon ḷunud moḷoben in diá bidon monagom kon butá, natua doman in tanaa Akuoi in modandi kon Akuoi in diá bidon tumorú andeka mopogogondok kon i monimu bui.

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

YESAYA 64:5

Iko in motomu kon intau inta motuḻid in gina bo inta nobiag podudui in ibog-Mu iko in sinumorú kon inami, táe kami in tantúbí nogaid kon dosa totuu kon nongkon dungkuḷpabímai kami in kotaḷá.

YESAYA 65:18

Pokosanangdon bo pokoḷungangadon modapot in mononoi sin onu inta binaḻí-Ku. Akuoi in nomaḻí kon Yerusalem mobagu nopuḻing in ḷunganga, bo intaunea mita in morogiow.

YEREMIA 30:19

Intau inta nogutun kon tua in modayowbí kon i-Nakó pongin dondong, bo monggoḷokap takin ḷunganga in gina. Baḻíon-Ku in mosia horomaton bo diádon singkuḻeon, bo kobayong monia in tantúdon modugang.

ZAKHARIA 8:11

Táe tanaa intau mita inta nobiagpa nongkon bangusa tanaa moyoposidon in koḻipod in poaid-Ku kon i monia.

ZAKHARIA 8:19

“Puasa inta pinobayá kon buḷan noginggopat, noginḻima, noginpitu, bo nogimpuḷú in mobaḻíbí poramean mita inta mokoḷunganga bo mokosanang kon intau in Yohuda. Kotá bidon in inta moitutui bo inta modame!”

NEHEMIA 8:10

Pobuidon in tanaa; pongaan bo ponginumdon takin ḷunganga in gina. Ogoidon in tongosilai in kaanon bo anggurmu kon i monia inta diá in kaanon bo inumon. Singgai in naa in singgai inta mokudus kon i Tuhan naton, dá dikadon mokoposusa. Ḷunganga inta inogoi i Tuhan kon i monimu in moginropotbí kon i monimu.”

AYUB 11:16

modapot in rorigamu diá bidon kotoropanmu; naonda bo ḷunud inta nomiot, kinoḻiongandon in intau.

MAZMUR 85:4

Mosia in diá bidon sinorúan-Mu; torú-Mu inta motoyang in ginamá-Mudon bui.

MAZMUR 86:17

Ogoiaidon in akuoi in tomponuot in kopopia-Mu, o Tuhan, sinbá intau inta mondoí kon inakó angoian in oyá, aka mosia in mokoontong kon ini-Mu motuḷung bo moḻipoi kon inakó.

YESAYA 60:10

Ki Tuhan in moguman kon Yerusalem, “Intau ango-angoi in buibí moposindog in dindingmu, bo datu mita in mobantung kon inimu. Koḻipod in Akuoi in nohukum kon inimu kon bonu in torú-Ku, táe tanaa in Akuoi noibogdon nonotabi kon inimu.

YEREMIA 31:13

Kon dodai intua mongodeaga mita in motayok takin kinoibog in gina. Guyanga bo tayow mobiag tumpaḷa moḷunganga in gina, sin Akuoi in moḻipoibí kon i monia. Kuyang in gina monia baḷuian-Ku in pia in gina, robonoḷ in gina baḷuaian-Ku in ḷunganga in gina.

ZAKHARIA 1:16

Tanaa in mobuidon in Akuoi kon Yerusalem sin mongampung kon kotá tatua. Baḷoi-Ku in posindogondon bui bo kotá in Yerusalem in tompiaandon bui.”