YESAYA 11:16 - Alkitab Singog In Mongondow Masa In Tanaa

¹⁶ Bo kon umat-Nea inta ki agatnea in ogoianbí in daḷan moḷoben sin ḷuaian nongkon Asyur, ná kon tungkuḷ in Israel iḻumuai nongkon Mesir.

YESAYA 11:16 Referans Kwoze

YESAYA 19:23

Kon tungkuḷ intua oyúondon in daḷan moḷoben kon sigad in Mesir bo Asyur. Intau mita nongkon ḻipú doyowa tatua in mayá bo mobuibí mongin daḷan tatua bo mosia in moibada moyotakin.

YESAYA 11:11

Kon singgai tatua ki Tuhan in buipa doman momaké kon kawasa-Nea bo modia mobui kon umat-Nea inta kinotaḷáan kon Asyur bo kon Mesir, kon butá mita in Patros, Sudan bo Elam, kon Babel, Hamat bo ḻibuton mita inta mongoyayú.

YESAYA 62:10

Intau in Yerusalem, ḷuaidon mongin bonawang, sadiadon in daḷan kon intau mita inta mobui. Aidaidon in daḷan moḷoben, ḷumbúdon in batunea, posindog in bandera mita kon bangusa mita.

YESAYA 57:14

Oyúon in noguman, “Aidaidon bo sadiadon in daḷan kon umat-Ku, Posídon in bayongan in tuḷamboi.”

YESAYA 51:10

Iko doman inta nogingkag kon dagat, tubig in baḷangon inta modaḷom. Iko in nomia kon daḷan nongin tubig tatua, sinbá intau mita inta posaḷamaton motaau ḷumoḷan.

YESAYA 49:12

Nongkon moyayú umat-Ku in moroangoi, nongkon dotá in utuan, toyopan bo Sinim kon toḷatan.”

YESAYA 27:13

Kon dodai intua posingogonbí in torompet moḷoben sin mogoiní bui kon bayongan intau in Israel inta iḷumbú kon Asyur bo kon Mesir. Mosia in mamangoibí in Yerusalem sin mosumba kon i Tuhan kon buḷud-Nea inta motusi.

YESAYA 1:9

Aka ki Tuhan Inta Totok in mokawasa diá noposaḷamat kon tongonumai in intau kon i naton, yo kita in noyopú bidon komintan, naonda bo Sodom bo Gomora.

YESAYA 10:20

Moiangoibí in wakutunea ki agat in bangusa in Israel inta nokoḷagui in diá bidon mopoandoḷ in ukurnea kon bangusa inta mongongawasa inta gogió momutú kon i monia, táe umandoḷ bidon kon i Tuhan, Allah inta mokudus in Israel.

YESAYA 49:11

Akuoi in momiabí kon daḷan mongin buḷud, bayongan in daḷan moḷoben-Ku in tondodaion-Kubí.

ZEPANYA 2:7

Intau in Yohuda inta mokoḷagui, in mogutunbí kon butámu tatua. Mosia in momiagbí kon bobiagon kon butá tatua, bo kon dodai in doḷom mosia in mosiugbí kon baḷoi mita in intau in Askelon. Sin ki Tuhan, Allah monia in moḷukadbí bui kon i monia bo mopobaḻí bui kon i monia motomoman.

IḶUAIAN 14:22

Tubig nosilai doyowa, bo kon dodai intau in Israel iḷumoḷan kon dagat, mosia minayá mayábí kon apad in dagat inta noingkag, bo tubig kon dotá in koḷoigi bo koḷanan notompompangdon naonda bo dinding.