YESAYA 10:33 - Alkitab Singog In Mongondow Masa In Tanaa

³³ Ki Tuhan Inta Totok in mokawasa in mogumpagbí kon i monia naonda bo tanga inta pinongkó nongkon pangkoinea. Inta totok in mobambar bo inta moḷantud kon sigadnea in pupuḷonbí bo umpagon.

YESAYA 10:33 Referans Kwoze

AMOS 2:9

Umpaka natua, ei umat-Ku, kon i monimubí Akuoi in noyompat kon intau in Amori inta moḷantud ná pangkoi in ḷokuyú bo moropot naonda bo pangkoi in terpentin.

YESAYA 37:38

Kon singgai tobatú, kon tungkuḷ in sia koyogot in nosambayang kon bonu in kuil i Dewa Nisrokh, sia in iḻimod in pitow i Adramelekh bo i Sarezer, ki adínea mita ḷoḷaki. Nopaḷut mako kon tua mosia in noḷagui kon Ararat. Dá ki Esarhadon, ki adínea ḷoḷaki ibanea, in nobaḻí datu nomaḷui kon inia.

LUKAS 14:11

Sin ki ine in mosiḷantud, yo popoompáan, táe ki ine in moompá in dodia, yo sia in poḷantudon.”

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

TAWARIKH 2 32:21

Bo ki Tuhan in nopotabá mangoi in malaekat inta noḻimod kon tontara mita bo porwira mita in Asyur tatua. Sidia in oyá totok nobuidon in ki datu Asyur kon butánea. Kon singgai tobatú kon dodai in sia kon bonu in baḷoi in dewanea, tongonumai nongkon i adínea mita in namangoi nonibat in pitow kon inia.

YESAYA 5:15

Batúan in intau in pokopooyáanbímai, bo inta moḷoḷatú in poompáan.

YESAYA 33:3

Aka simindog in Iko bo mopodongog in singog-Mu inta mogonugur, bangusa mita in moḷaguibí bo posibayá.

YEREMIA 22:7

Potabá-Kubí mangoi in intau sin morimumud kon inia. Mosia in modiabí kon boḻiung, bo mogumpag kon oiginea mita inta mogaga inta pinomia nongkon kayu ḷokuyú in Libanon. Bo mosia in mopogambatbí intua kon bonu in tuḷú.

YEHEZKIEL 31:3

Iko in naonda bo ḷokuyú in Libanon inta mogaga nopuḻing in tanga inta nobambar bo mogaga. Pangkoinea in notuḻid bo noḷantud ḷuntungnea in nodapot in goḷom.

NAHUM 1:12

Dá guman i Tuhan kon Israel, umat-Nea, “Umpaka intau mita in Asyur tua moropot bo modamaḷ, táe mosia in rimumudonbí bo moinggamá. Ei bangusa-Ku, baḻíon-Ku in moiko mororiga, táe diá bidon aidan-Ku bui intua.

YESAYA 18:5

Kon tungkuḷ in deemanpa sempo in ayop, kon tungkuḷ in toburnea ain nototak bo bungai in anggur diápa noḷutú kon pangkoinea, Sudan in rimumudondon in musung, ná kogogampang in tosilad moratab kon tanga mita in anggur.

YESAYA 32:19

Totuu mosanang in moiko komintan sin tugat in tubig kon pinomuḷamu, bo bobiagonmu in kon ondakabí in bayáannea pongaanan takin diá in monuyayow. Táe musungmu in nádon onda bo kayuon inta inonag in uyan batu bo kotá monia in rumbunon.