YESAYA 10:29 - Alkitab Singog In Mongondow Masa In Tanaa

²⁹ Mosia in noitaḻibdon kon iḷoḷanan bo nogogai kon Geba! Intau kon kotá in Rama gugur mako, bo intau in Gibea, kotá i Datu Saul, ain noḷagui.

YESAYA 10:29 Referans Kwoze

SAMUEL 1 13:23

Intau in Pilistin nomiadon kon tobatú tampat poḷoḷukadan kon daḷan ḷumuai kon buḷud in Mikhmas.

SAMUEL 1 7:17

Umuranbí natua bo mopaḷut mako mobuidon in sia kon baḷoinea kon Rama. Kon tua sia nobaḻí hakim kon intau in Israel bo noposindog doman in mezbah tobatú kon i Tuhan.

SAMUEL 1 11:4

Natuata in totabá mita tatua nodapot in Gibea, tampat pinogutunan i Saul. Naonda in mosia nopotaau in habar tatua, nongombaḷdon in rayat popisí in kinobuḻiandon in kamang.

HOSEA 10:9

Ki Tuhan in noguman, “Pinangkoi kon kinobaḻian kon Gibea, intau in Israel diápa doman nogogai in mogaid kon dosa moḷawang kon i-Nakó. Tuamai in kon Gibea mosia in dapangon doman in parang.

HOSEA 9:9

Totuu moraat in aidmu naonda bo inta inaidan in intau kon Gibea. Ki Allah in monoropbí kon taḷámu, bo mohukum kon i monimu popisí in dosamu.

HOSEA 5:8

Irupdon in torompet kon Gibea! Posingogdon in tomponuot tongganut moparang kon Rama! Podidídon in kokow poparangan kon Betel! Mako, intau in Benyamin, bayádon poparang!

YEREMIA 31:15

Ki Tuhan in noguman, “Kon Rama kinodongogan in ombaḷ, bo amui inta takindon in ajar in gina. Ki Rahel in nongombaḷ kon i adínea mita, sia in doíbí ḻipoion sin diádon in mosia.

DATU MITA IMITÁNEA 15:23

Ouman ibanea inta nongonguman kon i Asa, soaḷ kobobaraninea bo kotá mita inta inirigonannea, aindon pinais kon bonu in buk Ouman in datu mita in Yohuda. Kon tungkuḷ in nogoguyangdon, ki Asa kinotugatan in takit kon sioḷnea doyowa nosimpaḷ.

SAMUEL 1 15:34

Nopaḷut mako kon tua ki Samuel minayá in Rama, bo ki Datu Saul in nobuidon kon baḷoinea kon Gibea.

SAMUEL 1 14:4

Mopobayá ná kon poḷoḷukadan in intau in Pilistin tatua, ki Yonatan musti mongin sigad in batu karang inta tumpaḷa notonggoruit, tangoinea in Bozes bo Sene.

SAMUEL 1 13:16

Ki Saul bo ki Yonatan adínea ḷoḷaki, bo intau mita monia nononḷoḷaigan kon Geba kon butá in Benyamin; bo intau in Pilistin nononḷoḷaigan kon Mikhmas.

SAMUEL 1 13:2

nomiḻí in sia kon intau in Israel 3.000; kon sigad monia tua, 2.000 in nogutun takinnea kon Mikhmas bo kon buḷud in Betel, bo 1.000 doman ibanea in minayá noyotakin i Yonatan ki adínea ḷoḷaki kon Gibea kon butá in suku Benyamin. Rayat mita ibanea in inogoidon nobui kon baḷoinea-baḷoinea.

SAMUEL 1 10:26

Ki Saul nobui domandon kon baḷoinea kon Gibea, sinakinan in tongonumai in intau inta motorindog bo mobarani inta ain pinopogonú i Tuhan in ginanea.

SAMUEL 1 14:2

Kon dodai intua ki Saul in kon siungon in pangkoi in delima kon Migron, diá noyayú nongkon Gibea. Rayat inta dinumudui kon inia in degá 600 in kobayongnea.

SAMUEL 1 14:5

Batu karang inta kon dotá in utuan noitayow kon Mikhmas, bo inta kon dotá in toḷatan noitayow kon Geba.