YESAYA 10:27 - Alkitab Singog In Mongondow Masa In Tanaa

²⁷ Kon tungkuḷ intua Akuoi in mopoḷuatdon kon i monimu nongkon pinondorotan in Asyur, bo mosia in diá bidon mongawasa kon i monimu.”

YESAYA 10:27 Referans Kwoze

YESAYA 9:4

Singog in sapatu in tontara inta kodongogan bo ḷambungnea inta nopuḻing in dugú, modait kaanon in tuḷú.

LUKAS 4:18

“Roho i Tuhan oyúon kon i-Nakó, sin Akuoi in ain piniḻí-Nea mopoyaput in Habar Mopia kon intau mita bogá. Sia nopotabá kon i-Nakó mopotaau in popoḷuaian kon intau mita kon sinokodakop bo mongundam kon mata in intau mita bilog; bo mopoḷuat kon intau mita inta sinokodorot

YESAYA 14:25

Intau in Asyur kon Israel butá-Ku, in yopúon-Kubí, bo inta kon buḷud-Ku mita in tokoritakan-Kubí. Poḷuaton-Kubí in bangusa-Ku nongkon pinororigaan bo nongkon bobabaan inta pinakisa kon i monia in intau in Asyur.

MAZMUR 105:15

“Dika monuyayow kon intau mita inta piniḻí-Ku, dika mopoaid in moraat kon nabi-Ku mita!”

YOHANES 1 2:20

Táe moiko in notarimadon kon Roho i Allah inta ain inogoi i Yesus Kristus, manangka intua moiko in nonotaaudon kon totundú mita inta nobanar.

MAZMUR 45:7

Ki Allah in nobogoi in kawasa kon inimu momarenta, kawasa-Mu in modapotbí in mononoi; pinodoyon kon inta moadil iko in momarenta kon rayatmu.

MAZMUR 20:6

Dá kami in morogiow takin pia in gina sin iko in nountung, bo motonggó kon bandera mita sin modayow kon i Allah naton. Igumon mako ki Tuhan in mobogoi kon bayongan inta pinoigummu.

YOHANES 1 2:27

Táe aka soaḷ moiko nion ain bidon inogoian i Kristus in Roho-Nea. Bo kon dodai in Roho tatua mongawasapa kon i monimu, diá bidon paraḷu in intau ibanea in motundú kon i monimu, sin Roho bidon tatua in motundú kon bayongan yagi-yagi kon i monimu. Bo onu in tundúon-Nea totuubí intua deemanbí tongá uboḷ. Tuamai tantúdon dudui kon onu inta ain sinundú-Nea tua kon i monimu bo umurandon kobiag motobatú takin i Kristus.

SAMUEL 2 1:21

Ei buḷud mita in Gilboa, indongogaidon in baḷúku: Dika modapot in oḷú bo uyan momuntad kon inimu! Pomayádon mako moingkag bo moḷogat in gobá bo tampat popokaanmu in biag. Sin kon tuata in kinogambatan in kaḻeaw in intau mita mobarani. Bo kaḻeaw i Saul in kaḻiotáan, diádon iḻepoan bui in ḷana.

MAZMUR 84:9

Indongogaipa kaasí in sambayangku, o Tuhan Allah Inta Totok in mokawasa, indongogaipa, o Allah Yakub.

OUMAN IN RASUL MITA 4:27

Sin totuubí kon ki Herodes bo ki Pontius Pilatus aindon noyosipun kon kotá tanaa takin intau mita inta diá nonotaau kon i Tuhan bo intau mita in Israel sin moḷawang kon i Yesus, simpaḷ-Mu inta ain piniḻí-Mu bo inta kinoibog-Mu.

YESAYA 37:35

Kotá in Yerusalem in duḷuan-Kubí bo ḷukadan-Ku sin kahoromatan-Ku tontaní bo popisí in dodandian-Ku takin i mogogundoi-Ku ki Daud.’ ”

MAZMUR 132:10

Podoyon kon i Daud mogogundoi-Mu, dika kaasí indoíon in datu inta piniḻí-Mu.

MAZMUR 2:6

Kai-Nia, “Kon Sion buḷud-Ku inta motusi aindon dinuí-Ku datu inta piniḻí-Ku.”

YOHANES 1:41

Dá ki Andreas in ḷagi notayak kon i Simon ki utatnea bo noguman kon inia, “Kami ain noyodungkuḷ i Mesias!” (Mesias notongkai in Kristus: Datu Mopoposaḷamat.)

MAZMUR 81:6

Binaḻí-Nea tobatú tompoingat kon bangusa in Israel, kon dodai in Sia noḷawang kon Mesir. Akuoi in nokodongog kon tosingogon inta diá kinotaauanku,

YESAYA 30:23

Aka moiko bo momunak, ki Tuhan in mopoangoi in uyan sinbá mobiag in pinomuḷamu tatua bo mobogoi in bungainea inta mobarong totok. Bo kon bobiagonmu in sadiaandon in bonok pongaanan monia inta mobendar.

YESAYA 52:2

Sindogdon nongkon ḷobud, ei Yerusalem, ponopirdon in ḷobud inta noikompit kon inimu. Ḷuatdon in rante inta pinotokig kon sigogowmu, ei intau in Sion inta dinakop!

YESAYA 55:2

Onubí in mangaḻenea in motaḷui kon onuka inta diá mokoguḻí kon ibog, bo mogaid kon onu inta diá mokobotug? Duduiaidon in parenta-Ku dá moiko in mokaanbí kon inta mopia, bo mokaan kon kaanon inta mopia in nanamnea.

YEHEZKIEL 30:18

Kon dodai intuata imbuitan-Kudon in pomarentaan in Mesir bo gamáan-Ku in kawasanea tatua inta nokoyunggagá kon inia, Tahpanhes in kokoḷobanbí in sindip bo bobaynea mita in dakopon.

IMAMAT 7:35

Nongkon kaanon inta pinosumba kon i Tuhan, tuata in inogoinea kon i Harun bo kon i adínea mita kon singgai kon tungkuḷ in mosia baḻíondon imang.

YEREMIA 30:8

Ki Tuhan Inta Totok in mokawasa in nosingog bui kon umat-Nea, “Aka moiangoi in singgai tatua, tombuḻigan inta pinopopotaan kon sindunmu in putoḷon-Kubí bo inta pinoumantungan kon inimu in bukáan-Kudon. Moiko in diá bidon mobaḻí ata in intau ango-angoi.