YESAYA 10:26 - Alkitab Singog In Mongondow Masa In Tanaa

²⁶ Akuoi Ki Tuhan Inta Totok in mokawasa, in mosambokbí kon i monia in sambok uwoi, ná Akuoi nosambok kon intau in Midian kon Buḷud in batu Oreb. Asyur in hukumon-Kubí, ná Akuoi nohukum kon Mesir.

YESAYA 10:26 Referans Kwoze

YESAYA 9:4

Singog in sapatu in tontara inta kodongogan bo ḷambungnea inta nopuḻing in dugú, modait kaanon in tuḷú.

HAKIM MITA 7:25

Doyowa in itoi intau in Midian, inta ki Oreb bo ki Zeeb in dinomok monia. Ki Oreb iḻimod kon Batu Oreb bo ki Zeeb in iḻimod kon pomomugutan kon anggur i Zeeb. Intau mita in Epraim tatua umuran nondudur kon intau in Midian, bo nodia kon uḷu i Oreb bo i Zeeb kon i Gideon kon ḷoḷan in Yordan kon dotá in pomukaan.

DATU MITA 2 19:35

Doḷom doman tua malaekat i Tuhan in namangoi kon pinononḷoḷaigan in intau in Asyur, bo noḻimod kon 185.000 in tontara. Nobangon monik doḷo-doḷom mayat mita monia tatua in noiyayitdon magí mako.

IḶUAIAN 14:16

Sintak in tungkudmu bo potundú kon dagat. Dá tubig in mosilai doyowa bo intau Israel motaau maya-mayá kon yuaknea inta ain noingkag.

WAHYU 19:15

Nongkon bibig-Nea tua iḷumuai in tobatú pitow inta moḷanit bo inta pakéon-Nea monaḷow kon bangusa mita. Sia in nomarenta kon i monia takin tungkud uatoi. Sia in momugut kon anggur kon bonu in tampat pomomugutan kon anggur torú i Allah Inta Totok in Mokawasa.

WAHYU 11:18

Intau mita inta diá nonotaau kon i Tuhan, sinumorúdon sin aindon wakutunea Iko mopoḷuai in torú-Mu, bo aindon doman wakutunea Iko monantú kon intau mita minatoi. Naadon doman i wakutunea mobogoi kon boḻi in pinogaidan in intau mita inta nogaid kon oaidan i Allah, bo in nabi mita, bo kon bayongan in umat, tuata in mosia inta noibada kon ini-Mu, adí ande itoi. Naadon i wakutunea morimumud kon intau mita inta nomoguyaat kon dunia naa!”

YESAYA 11:16

Bo kon umat-Nea inta ki agatnea in ogoianbí in daḷan moḷoben sin ḷuaian nongkon Asyur, ná kon tungkuḷ in Israel iḻumuai nongkon Mesir.

YESAYA 10:24

Ki Tuhan Inta Totok in mokawasa noguman kon umat-Nea inta nogutun kon Sion, “Dika moondok kon intau in Asyur, umpaka mosia mondorot bo mopogutú kon i monimu ná inta pinomia in intau in Mesir koḻipod.

MAZMUR 83:11

inta ain iyopú kon Endor, bo nobaḻí pupuk in butá.

MAZMUR 35:23

Sindogdon bo duḷuai in pelekaraku, o Allahku bo Tuhanku, tuḷungaipa kaasí in akuoi!

YESAYA 30:31

Intau in Asyur in modoḻiokbí aka mokodongog kon singog i Tuhan bo mokorasa kon hukuman-Nea inta mobogat.

YESAYA 9:3

Iko ain nogamá kon binabanea inta nobogat bo kayu pomomotaanan nongkon obaganea. Iko in nonaḷow kon bangusa monondorot tatua inta nopogutú kon umat-Mu. Notongkai ná dungkuḷmai kon tungkuḷ in Iko nonaḷow kon tontara in Midian.

YESAYA 30:30

Ki Tuhan mopodongogbí in singog-Nea inta momulia, bo pomuḷoi in intau in mokorasabí kon kawasa-Nea inta motoyang. Torú-Nea in mokopoangoibí kon tuḷú inta mokopokak, uyan morogot, uyan batu bo deḷang.

YESAYA 30:32

Kon dodai in mosia mokorasa kon sambok-Nea mita, umat i Tuhan mobarasanang takin musik gimbaḷ bo kecapi. Ki Allah tontaní in moparang monayow kon intau in Asyur.