YESAYA 10:15 - Alkitab Singog In Mongondow Masa In Tanaa

¹⁵ Táe ki Tuhan in noguman, “Degá motaau in boḻiung in dumodia kon intau inta mopomaké kon inia? Degá garagaji in moponti-ponting in intau inta nopomaké kon inia? Deemanbí bobobak in nobuat kon intau, táe intaubí in motonggó kon bobobak.”

YESAYA 10:15 Referans Kwoze

YESAYA 45:9

Moboditodon in intau inta mobobayowan takin i Inta nomaḻí kon inia; sia in naonda bo kuyon inta moḷawang kon intau inta nomia kon inia. Eta degá ḷamentong moḻibó kon mogogaid kon kuyon, “Koyogot mongonu in iko?” Degá kuyon mogamui kon inta nogaid kon inia in diá motaau?

YESAYA 10:5

Ki Tuhan in noguman, “Moboditodon in Asyur! Asyur in pakéon-Ku nobaḻí sambok bo popangkuḷ sin momongkug kon intau mita inta kinotugatan in torú-Ku.

YESAYA 29:16

Bayongan yagi-yagi tuuyon monia. Onda in moponti-ponting, mogogaid kon kuyon butá andeka butá ḷamentong? Degá inta pinomia moguman kon inta nomia kon inia, “Deemanbí iko in nomia kon inakó”. Andeka motaau degá in pakakat tatua moguman kon inia, “Iko in diábí mokopongonu”.

YEHEZKIEL 28:9

Yo, aka moiangoidon in wakutunea tatua, mokopogumanpa degá in iko kon iko in ki Allah? Kon tayowon in moḷoḻimodmu mita, moniatadon kon iko in tongábí intau ilo-ilow.

YESAYA 7:20

Ki Tuhan in monondanbí kon datu in Asyur sin mopomia kon Israel naonda bo intau mongongarug inta mongarug komintan kon buok bo bubuḷ kon awak.

YESAYA 37:23

Kinotaauanmu degá mongo ki ine in sinibáan bo siningkuḻemu tua? Akuoi, ki Allah in Israel, Allah inta motusi.