YESAYA 1:5 - Alkitab Singog In Mongondow Masa In Tanaa

⁵ Nongonu sin moiko in umuranbí momayow? Moibog degá in moiko hukumon moiḻiu kon tua in kobogatnea? Uḷumu ain nopuḻing in paḻí mita, gina bo raianmu monakit.

YESAYA 1:5 Referans Kwoze

YEHEZKIEL 24:13

Ei Yerusalem, oaidmu mita inta mokotor noponajisdon kon awakmu. Sinungkuḷan-Kudon dinaritan in iko, táe diá in mangaḻenea, sin iko in umuranbí nonajis. Iko in diábí modarit bui modapot in poḷuaion-Ku in torú-Ku kon inimu.

YEREMIA 5:3

Inta sinuntut i Tuhan in kososatiabí. Ki Tuhan in noḷubok kon i monimu, táe diá in pandung monimu. Sia in nomutuk kon i monimu, táe moiko in doí sambokon. Moiko in pamandot, bo doí mogogai in mogaid kon dosamu mita.

YESAYA 31:6

Ki Tuhan in noguman, “Bangusa in Israel, moiko ain nomaḷawang kon i-Nakó bo binaradosa kon i-Nakó. Táe tanaa, pobuidon mangoi kon i-Nakó!

YEREMIA 5:31

nabi mita in monguboḷ, imang mita mogundoi podudui in ibognea tontaní bo moiko umat-Ku in moibog doman kon natua. Táe onu in aidan monimu aka moiangoidon in singgai imbuitnea?”

YEREMIA 9:3

bo umuran mosadia monguboḷ. Kon sinangkub in butá, inta mobanar diádon nongawasa, nodapot in aid diá mojujur noibaya-bayádon mako. Ki Tuhan in noguman, “Umat-Ku in nogaidon kon inta moraat diádon mogoga-gogai, diádon ináku monia in Akuoi nobaḻí Allah monia.”

YEREMIA 2:30

Diábí in mangaḻenea in pohukuman-Ku kon i monimu sin moiko in doíbí motarima kon toboḷow. Ná singa inta koyogot in tumorú, natuata in moiko moḻimod kon nabimu mita.

NEHEMIA 9:34

Mogoguyang nami, datu, imang bo guhanga mita in ḻipú, iḻimimpat kon hukum-Mu bo diá nopandungmai. Bayongan in parenta bo toboḷow inta inogoi-Mu, diábí inindoianneamai, diá doman inindongogan.

YEREMIA 5:5

Biódon Akuoi in mayá kon intau mita moḷoben, bo moyosingog monia. Notantúbí kon kinotaauan monia onu inta kinoibog bo inta sinuntut i Tuhan Allah kon i monia.” Táe, mosia komintan doí parentaan i Tuhan, mosia in doí motoindudui kon i-Nia.

YESAYA 33:24

Diábí tobatúmai in intau kon butá naton in mogamui popisí in motakit, bo bayongan in dosa in ampunganbí.

YESAYA 9:13

Tuamai in tongá tosinggai in ki Tuhan in nohukum kon i itoi mita in Israel bo rayatnea. Pinongkó bo iḷumbú-Nea in uḷu bo iputnea.

YESAYA 1:23

Itoimu mita momomarontak bo nobaḻí ki ata in mononakow; mosia in moibog motarima kon tombuinag bo doit posogó. Mosia in doíbí moduḷu kon uno-unon kon pongadilan; doí mokidongog kon popongaduan in boba-bobay mita.

TAWARIKH 2 28:22

Kon bonu in kaadaan inta totok in mororiga tatua, nodugangdon in dosa i Ahas kon i Tuhan.

DATU MITA 2 1:13

Komintanpa doman in ki datu in nopotabá kon porwira tobatú takin intaunea ḻima nopuḷú. Porwira tatua in notakod kon buḷud bo naonda in yaputnea kon i Elia sinumungkud in sia bo noguman, “Ampungaidon in kami, uḻe bobantung i Allah! Kotabipa in akuoi bo intauku mita tanaa. Dikabí ḻimodon in kami!

YEREMIA 13:23

Motaau degá in intau morondí momaḷui kon kuḻitnea, andeka harimau monginggamá kon baḷangnea? Notantúbí kon diá! Natuabí doman in moiko inta aid moraat noipakédon yo diábí domandon inta mogaid kon inta mopia.

YEREMIA 17:9

Gina in intau diábí kodoḷopan, moiḻiu in licik nongkon bayongan yagi-yagi bo totuu mobogat in takitnea.

YEREMIA 44:15

Bo namangoidon in intau mobayong totok kon inakó, bayongan ḷoḷaki inta nokotaaumai kon ki buḷoi monia in noposumba in kuruban kon dewa, bo bayongan in bobay inta sinimindog mako kon tua, noitakin doman in intau mita in Israel inta nogutun kon Patros, kon dotá in toḷatan in Mesir. Mosia in noguman kon inakó,

OMBAḶ 5:17

Buḷud in Sion noingongowdon bo sinaḷáan; kon tua ungkú in kayuon nodondaḷoi magí-mako. Manangka intua gina nami nádon poropatoian, mongombaḷ in kami modapot in diádon motarang in mata nami.

YEHEZKIEL 34:4

Domba mita inta noḻemé diábí ḷukadan monimu, inta notakit in diábí undaman monimu, inta kinekeban diábí binakut monimu, inta noiḷaḻe bo nobuḻi in diábí tayakon monimu bo diaan mangoi bui. Nodapotbí in bayongan in dombamu tatua in pomiaanbí monimu ibo-ibog.

YEHEZKIEL 34:16

Inta nobuḻi tayakon-Ku, inta noiḷaḻe diaan-Ku mobui, inta kinekeban bakuton-Ku in kekebnea inta notakit in undaman-Ku; táe inta noḷongó bo inta mosehat in yopúon-Ku, sin Akuoi in gombala inta mogaid kon onu inta mopia.