YESAYA 1:28 - Alkitab Singog In Mongondow Masa In Tanaa

²⁸ Táe intau mita binaradosa inta nomarontak kon i-Nia in yopúon-Neabí, bo bayongan inta nonaḷámai kon i-Nia in yompatonbí.

YESAYA 1:28 Referans Kwoze

MAZMUR 1:6

Sin intau inta motoindudui in kapiton bo ḷukadan i Tuhan, táe intau moraat in mongindaḷan inta mokobodito.

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”

YESAYA 30:13

Manangka intua moiko in kotaḷá. Moiko in naonda bo dinding moḷantud inta noḷau nongkon omonikan bo namonag; daḻí-daḻídon moumpag in moiko.

AYUB 31:3

Bodito bo roriga in notantúbí kon poangoi-Nea kon intau inta nogaid kon inta moraat!

PETRUS 2 3:7

Táe ḷangit bo butá in umuranpa oyúon in tanaa mako, iḷukadandon in singog i Allah nongkon tuḷu sin popogoḷat kon singgai ponantúan bo koyoyangan in intau mita inta moraat.

TESALONIKA 1 5:3

Aka intau bo moguman nanaa: “Komintanpabí noaman, diábí in onu bo onu,” dá kon dodai doman tuata kotubuan in onu inta mokoputú kon i monia bo diá tobatúmai in mokoḷagui in mosia. Tua mita in daḻíbí moiangoi naonda bo nakit in mononggadí inta moiuma bobay tobatú inta mononggadí.

YESAYA 66:24

Kon tungkuḷ in mobuat, mosia in mokoontongbí, kon mayat in intau mita inta ain nomarontak kon i-Nakó. Uḷod inta nokaan kon awak monia in diábí matoi, bo tuḷú inta nomokak kon i monia in diábí mopiong; kinoontongan tobatú inta mokokoningkim kon bayongan in intau.”

YESAYA 65:11

Táe deemanbí natua in ukur in intau mita inta nonaḷámai kon i-Nakó, inta diá noindoimai kon Sion, tombuḷud-Ku inta motusi, inta noposumba in kaanon inoḷud kon Gad bo Meni, dewa mita inta mobogoi in kauntungan bo ukur.

YESAYA 50:11

Ei moiko inta moibog mopobodito kon intau ibanea, moiko in yopúonbí in tomayámu tontaní. Ki Tuhanbí in mopobaḻí intua. Moiko in rorigaanbí totok.

AMSAL 29:1

Ki ine in umuran moḷawang aka tongginaan, komintanmai yo morimumudbí bo diádon motaau tompiaan bui.

MAZMUR 125:5

Táe intau inta motombogá igumon mako in hukumon i Tuhan poyotakinon in intau moraat. Igumon mako umat-Mu mobiag motompia!

MAZMUR 104:35

Biódon mako in intau binaradosa moinggamá kon dunia naa, biódon mako in intau moraat modait moyopú. Dayowdon in ki Tuhan, ei dimukudku! Dayowdon in ki Tuhan!

MAZMUR 92:9

sin Iko, Tuhan, in mongawasa modapot in mononoi.

MAZMUR 73:27

Intau inta monaḷámai kon ini-Mu in moboditobí, Iyopú-Mu in intau inta diá motoḷutui kon ini-Mu.

MAZMUR 37:38

Táe intau binaradosa in yopúonbí; buí monia in inggamáanbí.

MAZMUR 9:5

Sin Iko in nomarenta saḷaku hakim inta moadil; Iko in noduḷudon kon pelekaraku.

MAZMUR 5:6

Doíbí in Iko in moindoi kon intau inta mokaḷakuang, kinodoí-Mubí in intau inta momia kon inta moraat.

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

SAMUEL 1 12:25

Táe aka moiko umuran doman momia kon dosa, dá moiko bo datumu in moyopúbí.”

YESAYA 1:4

Moboditodon in moiko bangusa inta binaradosa, intau mita inta moromú bo moraat! Moiko nion in noitampuḻisi popisí in dosamu mita. Moiko in nondoídon kon i Tuhan bo nonoḻikudon kon i Allah Inta Totok in motusi inta musti sumbáan monimu.

YESAYA 24:20

Bal in dunia moikuyung mako naonda bo intau noḷoḷangu bo moandag magí-mako naonda bo ḷaig inirup in deḷang. Dunia noumpag popisí in nobogat in dosanea. Norimumud in sia bo diá bidon moisindog bui.

YESAYA 33:14

Intau mita binaradosa kon Sion mourot popisí in moondok. Guman monia, “Bontow in tosingogon i Allah in naonda bo tuḷú inta nodokot modapot in mononoi. Degá oyúon in mokotahang kon bonu in tuḷú inta moyopú tatua?”

YESAYA 50:1

Ki Tuhan in noguman kon Israel, “Ei umat-Ku, kainimu kamai Akuoi in mopoguntunbí kon inimu naonda bo buḷoi ḷoḷaki mopoguntun kon i buḷoinea bobay? Aka natua, yo kon onda in surat gogaatannea? Kainimu kamai Akuoi in mopotaḷui kon inimu, naonda bo guyanga ḷoḷaki nopotaḷui kon i adínea kon intau inta mamangoi moigum kon boḻi? Deeman! Iko in dinakop bo iḷumbú, popisí in dosa bo aid moraatmu tontaní!

YESAYA 58:2

Mosia in mosumba kon i-Nakó pomuḷoi in singgai, bo moibog monotaau kon ibog-Ku, naonda bo moibog in mosia mogaid kon inta mopia, bo motoindudui kon hukum-Ku. Mosia in moguman kon mosanang in gina monia in mosumba kon i-Nakó bo moibog in hukum-Ku inta moadil.”

YESAYA 66:17

Ki Tuhan in noguman, “Bayongan in intau inta nopotusi in awak sin moyotakin mayá in gobá mita kon dewa mita bo moibada kon i monia, in mobuḻibí moyotakin in intau mita inta nokaan kon tapú in boké bo boyod takin kaanon mita inta mokorongó.

YEREMIA 17:13

Tuhan, Ikobí in inandoḷan in Israel, umat-Mu; Bayongan inta nonaḷámai kon ini-Mu in mooyábí. Mosia in moinggamábí nongkon dunia naa bo mayá in dunia in intau minatoi. Sin, Iko in bokaká in tubig kobiagan in sinaḷáandon monia, o Tuhan.

YEREMIA 44:12

Bo aka intau in Yohuda inta ki agatnea oyúon in tantú moibog mayá in Mesir sin mogutun kon tua, yo moyopúbí komintan in mosia. Mosia komintan, moḷoben mointok, in matoibí kon Mesir kon bonu in parang andeka popisí in gogoy. Intau in mokoningkimbí in mokoontong kon i monia bo moningkuḻe kon i monia. Tangoi monia in pakéonbí saḷaku kutukan.

HOSEA 14:9

Intau in Israel in moḷumbúbí kon patong mita berhalanea; mosia in ḷukadan-Kubí bo tubagan-Ku in sambayangnea. Naonda bo pangkoi in kayu inta umuran mobarong in daunnea, Oḻiungan-Kubí in mosia. Akuoibí in pangkoi in bayongan barakat monia. Akuoi, ki Tuhan, ain nosingog.”

TAWARIKH 2 21:10

Nongkon tuadon Edom diádon sinumungkud kon Yohuda. Kon tungkuḷ doman tua kotá in Libna in nomarontak domandon. Tua mita in nobaḻí sin ki Yehoram in nonaḷámaidon kon i Tuhan, Allah inta sinumba in mogoguyangnea.

TAWARIKH 2 28:23

Sia in nopoboditodon in awaknea bo rayatnea sin noposumbadon in kuruban kon dewa mita in intau in Siria inta ain nonaḷow kon inia. Pinikirnea, “Dewa mita in Siria ain notuḷung kon datu mita in Siria, dá aka akuoi in moposumba in kuruban kon i monia, dá tuḷunganneabí doman degá in akuoi.”

AYUB 34:26

Mosia in sinokap-Nea popisí in dosa monia, kon tayowon in intau mita ihukum-Nea in mosia.

AYUB 34:27

Sin, mosia in diá dinumudui kon ibog-Nea bo diá mokidongog kon parenta-Nea mita.

YESAYA 64:6

Kami komintan in intaubí mita inta nonajis, nodapot in aid nami inta mopiapa in diá nodarit bo nokotor. Kami in moputúdon popisí in aid nami moraat naonda bo daun noingkag pinoḷayug in tompot.