YESAYA 1:20 - Alkitab Singog In Mongondow Masa In Tanaa

²⁰ Táe aka moiko moḷawang kon i-Nakó, moiko in matoibí kon poparangan. Akuoi, ki Tuhan, ain nosingog.”

YESAYA 1:20 Referans Kwoze

YESAYA 65:12

Moiko komintan in matoibí mita mobaḻí kuruban in aid moraat. Sin, kon dodai in Akuoi nogoiní, moiko in doíbí sinumubag, bo kon dodai in Akuoi nosingog, moiko in doíbí nokidongog. Moiko in moibo-ibogbí moḷawang kon i-Nakó bo mogaid kon inta moraat.

YESAYA 58:14

Dá, mopiabí in gina monimu sin mogundoi kon i-Nakó. Baḻíon-Ku in moiko horomaton kon sinangkub in dunia. Moiko in mobiagbí mosanang takin bungai in butá tonsilai i Yakub, mogoguyangmu. Akuoi, ki Tuhan ain nosingog.”

YESAYA 40:5

Dá kamuliaan i Tuhan in poniatadon; bayongan in umat in mokoontongdon. Totuu, ki Tuhan tontaní in nopodandi kon tua!”

YESAYA 3:25

Ḷoḷaki, inta mongoropot mita, in matoi kon poparangan.

YESAYA 3:11

Táe moboditodon in intau moraat! Mosia in pomiaanbí ná pinogogaid monia kon intau ibanea.

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!

TITUS 1:2

Totundú tatua in pinodoyonbí kon harapan kon kita in motarimabí kon kobiagan inta mopia bo mononoi. Kobiagan tatua in pinodandi bidon i Allah kon tungkuḷ in dunia naa diápa pinomia. Ki Allah in diábí monguboḷ.

MIKHA 4:4

Pomuḷoi in intau in mobiag bidon moaman bo motomoman kon yuak in gobá in anggur bo gobá in aranea; diá bidon in mopogogondokmai kon inia, tuata in dandi i Tuhan Inta Totok in mokawasa.

SAMUEL 1 12:25

Táe aka moiko umuran doman momia kon dosa, dá moiko bo datumu in moyopúbí.”

IMAMAT 26:33

Popoangoi-Ku in parang kon butá monimu bo poyayiton-Kudon in moiko kon butá in intau. Gobá mita monimu moibiardon mako, bo kotámu mita pomayádon mako in mogoguyaat.

SAMUEL 1 15:29

Inta Momulia ki Allah in Israel in diábí monguboḷ bo diábí doman momanasaḷ, sin Sia in deemanbí intau.”

SAMUEL 1 12:15

Tongá, aka moiko diá mokidongog kon i Tuhan, bo modapotdon in moḷawang kon parenta-Nea, yo notantú bidon kon moiko bo datumu in ḷawangon bidon i Tuhan.

YESAYA 8:6

Guman-Nea, “Bangusa tanaa nondoí kon tubig inta moḷonong nongkon Tapá in Syiloah, bo nosanang takin ki Datu Rezin bo ki Datu Pekah.

YESAYA 34:16

Tayakdon bo bacadon kon bonu in Buk i Tuhan: Diábí tobatúmai in nongkon bayongan in biag tatua in mobuḻi andeka diá kogapang. Sin natuata in parenta i Tuhan, bo Sia tontaní inta ain nosipun kon i monia.

YEREMIA 4:17

bo moḻipung kon Yerusalem ná intau inta moḷukad kon gobá. Tua komintan in nobaḻí popisí in bangusa in Yohuda ain nomarontak kon i Tuhan. Ki Tuhan ain nosingog.

YEREMIA 17:27

Bayongan intua in mobaḻíbí aka moiko motoḷutui kon i-Nakó bo mopotondí in Singgai in Sabat kon i-Nakó. Dika mogakut kon pakakat onuka bo tumaḻib kon bonawang mita in Yerusalem kon singgai tatua. Aka moiko ḻimimpat kon parenta-Ku mita tatua, bonawang mita in Yerusalem bo komaḻignea mita in daiton-Ku turubon tuḷú tatua in diábí kopiongan.’ ”

YEREMIA 21:8

Bo ki Tuhan in nopotabá kon inakó noguman nanaa kon umat-Nea, “Indongogai! Akuoi, ki Tuhan, in mokipiḻí kon inimu: daḷan inta mopobayá in kobiagan, andeka daḷan inta mopobayá in kopatoian.

YEREMIA 26:4

Ki Tuhan in nopotabá kon inakó moguman nanaa kon i monia, “Akuoi, ki Tuhan, ain nomarenta sinbá moiko in motoindudui kon i-Nakó bo mopobayá in hukum mita inta inogoi-Ku kon inimu.

YEREMIA 46:14

“Yeremia, potaaudon in habar tanaa kon kotá mita in Mesir, inta kon Mempis, Migdol bo Tahpanhes, ‘Posadiadon moḷukad kon awak sin bayongan inta oyúon kon i monimu in modaitbí mogoguraat kon bonu in parang!

IḶUAIAN 9:2

Aka diá doman ogoimu mayá in mosia,

IMAMAT 26:25

Popomuká-Ku in parang kon sigad monimu sin mohukum kon i monimu popisí in moiko ain iḻimimpat kon dodandian-Ku takin monimu. Bo aka moiko moyosipun kon kotámu sin motayak kon motototuḷung, yo popoangoi-Kudon in takit inta diábí kotompiaan, dapot in moiko pakisadon tumungkud kon musungmu.

AYUB 36:12

Táe aka diá mokidongog, yo matoi in mosia popisí in bodok monia.