YESAYA 1:12 - Alkitab Singog In Mongondow Masa In Tanaa

¹² Ki ine in nopotabá kon i monimu modia kon bayongan in sosumba tatua kon tungkuḷ in moiko mamangoi moibada kon i-Nakó? Ki ine in nopotabá kon i monimu mododondaḷoi magí mako kon Baḷoi Motusi-Ku?

YESAYA 1:12 Referans Kwoze

IḶUAIAN 34:23

Kotoḷu in totaong bayongan intau ḷoḷaki musti mamangoi mosumba kon i-Nakó, ki Tuhan Allah Israel.

IḶUAIAN 23:17

Pomuḷoi in taong kon dodai in pomiaan porayaan toḷu tatua, bayongan ḷoḷaki musti mamangoi mosumba kon i-Nakó, ki Tuhan Allahmu.

MATIUS 23:5

Onu inta inaidan monia in tangábí popoontong kon intau. Mosia in momaké in tali moḷoben inta pakéonmai mosambayang bo inta rumbainea mongoḷanggó mita!

MIKHA 6:8

Diá! Ki Tuhan in noponiatadon kon i naton onu inta mopia. Igum-Nea kon i naton in tongábí mopoaid in inta moadil, umuran moponiata in totabian, bo takin ompá in gina mobiag motobatú takin i Allah naton.

MOHOHUTUBA 5:1

Poraipa muna bo mosingog, bo dika ḻimika-ḻikat in modandi kon i Allah. Sia in kon soroga bo iko in kon butá, dá dika kobaro-barongon in mosingog.

MAZMUR 40:6

Tuhan, totuu mobayong in inaidan-Mu kon inami, o Tuhan Allahku, diábí in motaau popotongkaian kon ini-Mu! Nobayongbí in tomayá-Mu inta mokoherang kon inami, diábí kooumanan komintan.

ULANGAN 16:16

Bayongan in intau Israel ḷoḷaki in musti mamangoi kon i Tuhan Allahmu kon tampat inta piniḻí-Nea kotoḷu in totaong, tuata in kon Singgai Moḷoben Paska, kon Singgai Moḷoben Posipunan kon Boyó bo kon Singgai Moḷoben Pondok Daun. Bayongan in intau musti modia kon sosumba

ZAKHARIA 7:5

Kai-Nia, “Potaaudon kon bayongan intau kon butá tanaa bo kon imang mita, kon puasa bo amui inta pinobayá monia kon buḷan noginḻima bo noginpitu kon bonu in pitu notaong naa deemanbí mohoromat kon i-Nakó.

YEREMIA 7:11

Degá inanggap monimu kon Baḷoi-Ku naa in pugad in mogogagow? Bayongan in oaidmu ain inontong-Ku.